ابتهال اندمجت مع القلم والأوراق وامتزجت بهم كما لو كانوا كتلة واحدة ، ساعات وهى بتكتب غير مدركة الوقت ، انتبهت لما سمعت صوت والدها تصبحى على خير يا حبيبة بابا اشوفك الصبح .
ردت عليه وهى مطمئنة أن بابا موجود فى حياتى ،
جريت على مكتبها وجابت ورقة بيضاء كبيرة وكتبت عليها بخط كبير
بابا احلى اب فى الدنيا 💕 وعلقتها على باب اودة والدها ...ودخلت نامت وسرحت تحلم باول كتاب لها ويعجب القراء وتبقي من المشاهير نامت على ابتسامة رضى وسكينة .
ابتسام وامها ووائل جهزوا كل طلبات السبوع واتصلوا بالحبايب والقرايب والجيران ، كانت عاوزاها ليلة يتحاكى بها ، أم ابتسام تحب اوى الجو ده ،الناس تتكلم عنها وتقول يا ماهنا ياماهناك ، تحب المثالية المفرطة فى كل شئ بس أدام الناس ... مهما جوزها والا اخواتها لفتوا نظرها لكن ابدا ، لازم تنفذ اللى فى دماغها ولو حساب اى حد .
جه اليوم المنتظر ، ابتسام فى أبهى صورة ابتسام صممت تلبس فستان جديد وارهقت جوزها فى الطلبات والمصاريف بدون داعى ، فيه ناس جت وناس اكتفت بالاتصال بالتليفون ، وابتسام كل همها يحضر الناس المجاملة بفلوس ، والا هدية دهب ده كل همها ، ولو حد متوقعة يجى تتعصب لو مجاش ،
مر الوقت وتمت مراسم السبوع وحضرت العمة وحضر الخال والبيت كان مليان اطفال سبب العصبية لابتسام أكتر وقالت لأمها وزعى السبوع عشان يمشوا ، ابتهال وفاروق اندمجوا مع الناس ومبسوطين ويضحكوا ويتسلوا مع الناس .وانتهت الحفلة والناس مشيت ، وقبل ما ابتهال وأبوها يتحركوا يمشوا كانت فى نيتها تساعد فى ترويق البيت مكان الناس واتفقت مع ابوها على كده ، خرجت ابتسام من اودتها ، وجهت كلام لابتهال من غير ما تذكر اسمها ،
ابتسام : وانتى أن شاءالله هتمشي وتسيبي البيت يضرب يقلب كده اتفضلى نضفى البيت .
الاب قام من مكانه ونهرها انتى ازاى تتكلمى مع اختك كده هى كانت شغالة عندك احترمى نفسك دى من ساعة ما وصلنا وهى بتشتغل فى البيت وباتضايف الناس وواقفة جنبك ..اتفضلى اعتذرى لاختك
ابتسام : هو ايه ده كل حاجة اعتذرى اعتذرى مش هاعتذر لحد هى مش احسن منى .
الاب : انتى غلطتى فى اختك ادامنا
ابتسام : مش هاعتذر واتفضلى اطلعى بره .
هم الاب يصفعها بالقلم وقف وائل بينهم حقك على يا عمى انا اسف والله اسف حقك على يا ابتهال .
الاب فتح الباب ومسك ايد ابتهال ياللا يابنتى نمشى من هنا .
كل الحوار ده كانت العمة وابنها موجودين والخال ومراته واولاده موجودين جايين من سفر والمفروض ينزلوا يبيتوا فى بيت اخته ام ابتسام وانتظر لما الناس تمشى واخته وجوزها فاروق ينزلوا عشان ينزلوا معاهم لكن حصل الخلاف ..ووقف يتفرج على المهزلة دى ومش قادر يتكلم .
#جيهان_بركات 🥀
No comments:
Post a Comment