علاقة ابتهال وأبوها هونت عليها كتير وحققت لها التوازن النفسي فى علاقتها بأمها واختها ، ناس مش متزنة ازاى الام تفرق والدرجة دى واخت كلها سواد من جواها ،ومحدش قادر عليهم ومش فاهمة السبب ....
لما راحت الشغل تانى يوم اول حاجة عملتها الكتابة ،الاجندة معاها تكتب فيها كل فكرة تدور فى رأسها وهى بتكتب فكرة نطت فى دماغها والقلم ترجمها ،( وهذه أول رواية أنسجة خيوطها بين يدى وكأنى انسج ثوبي الجديد )
وتوقفت وتمهلت فى الكتابة الجملة عجبتها وقراتها اكتر من مرة والقراءة بعد ما كانت فى سرها أصبح همس وبعد كده صوت جهرى
سمعت تصفيق : الله الله الله يا أديبة ايه الكلام الكبير ده
ابتهال : ياخبر ، مش عارفة انت حظك معايا كل مرة كده ليه يا كابتن
ايمن : نصيبي بقي اعمل ايه بس واضح انك اديبة كبيرة باذن الله يكون لك شأن فى عالم الكتاب الكبار
ابتهال : يااااه ده كتير على متشكرة اوى
ايمن : بكرة الايام تثبت لك ،عموما جاى ارجع الكتاب لانه مش عاجبنى هاستعير كتاب تانى .
استعار الكتاب وسجل البيانات وهو خارج من المكتبة قالها منتظر اقرا إبداعاتك ودى عندى اهم
ابتسمت ابتهال من غير رد ، اول مرة تسمع حد مهتم يقرأ كتاباتها طول عمرها نكتب فى السر وتخبي أوراقها خايفة حد يقراها ويستهزئ بها ، معقولة يجى يوم حد يقرأ ويهتم معقولة ده ممكن يحصل ... يارب يحصل .
#جيهان_بركات 🥀
No comments:
Post a Comment