حفلة ام كلثوم

كعادة الزوجين سهرة. مع ام كلثوم والعشاء الدافئ ويجلسوا معا للاستمتاع بغناء ام كلثوم.
ابنهما الشاب يخرج للسهر مع الشباب ويعود متاخرا
وابنتهما تقضى وقتها فى حجرتها لتستمتع بقضاء وقتها مع المحمول وصديقاتها   ...
جلسة بين زوجين. الحياة بينهما هادئة ومستقرة ..غناء ام كلثوم باغنية رق الحبيب دغدغت مشاعرهما واحساس بالسلطنة مع كلمات ولحن وغناء شئ جميل وجو رومانسي  .

وفى الصباح ذهبا معا للعمل كالعادة .وحوار. رقيق يدور بينهما عن خطيب البنت واستعدادهم للموافقة لاتمام الخطبة وامنية ان يتجوز الابن كذلك والحمدلله اتمامنا الرسالة .. وصلا للعمل وهناك قال لها انه لن يذهب للعمل لانه لديه بعض  المشاوير ...وساتصل بك .
ذهبت الزوجة للعمل. وانتظرت عودته فلم يعد
تحاول الاتصال به طول فترة العمل ولا اجابة.  عادت للبيت والقلق ينتابها ماذا به لماذا لا يرد وسالت اولادها وااتصال مستمر من الجميع
وجن الليل وهى تبكى وقلقة ولاتعرف ماذا تفعل .وجاءت لها جارتها لتواسيها .واتصلت به ربما رقم غريب يرد عليه .واتصلت عدة مرات ورد فى النهاية .
الزوجة : الحمدلله انك بخير انت فين كنت هاموت من القلق عليك
الزوج : عاوزة ايه انا فى بيتى
الزوجة :بيتك يعنى ايه
الزوج : انا فى بيتى مع عروستى
الزوجة : عروستك ؟بعد عشرين سنة جواز تتجوز على ليه انا استاهل منك كده ليه
الزوج : انا حر اعمل ال يريحنى وطلقت كمان ورقتك هتوصلك .
انهارت الزوجة والاولاد كذلك. بيت واسرة يتم هدمهم فى لحظة من اجل سعادة الزوج وسعادة الزوجة التانية التى لم تجد سعادتها الا مع رجل متزوج هدمت اسرة لبناء اسرتها خربت بيتا ليناء بيتها .
ظلت تردد. خائن وغدار خائن وغدار .
حسبي الله ونعم الوكيل

كوكباد

الاكلير https://cookpad.com/eg/%D9%88%D8%B5%D9%81%D8%A7%D8%AA/3544159-%D8%A7%D9%84%D8%A7%D9%83%D9%84%D9%8A%D8%B1

اكتب مقال

حضرت ايفنت كن كاتبا والهدف منه ازاى تكتب مقال
المقالات من الامور المحببة لنفسي وباكتبها كتير بس من غير تقنية باكتبها بالفطرة بدون مااعرف قواعد كتابة مقال .
باستمتع اوى وانا بانفذ اى حاجة بدون قواعد سواء فى المطبخ فى البيت فى الهوايات فى المهارات اى شئ ..اكتشفت انى عشوائية ...
باعمل اى عمل بدون تقييد ...واكتر شئ باميل له انى انفذه بدون قيود هى الكتابة
الكتابة وسيلتى الوحيدة للتعبير عنى وعن نفسي وعن مشاعرى .حتى انى باكتب وانا فى مخليتى رؤية ان محدش هيقراها عشان اشعر بحريتى وانا باكتب انى باكتبها لنفسي ...
واوقات كتير باكتب وانا متخيلة مين بالذات هيقراها ..بس كل ده مش بيقيدنى بقواعد الكتابة ...
لما حضرت اول محاضرة واتكلم عن العمق والفكرة والتخطيط والكتابة باسترستال لنوصل للهدف من القراءة وكمان نحقق من قراءته الهدف المطلوب ...
رؤيتى للمقال اختلفت حتى لو كنت باتبع القواعد دى من غير ماانتبه لها ..بس حققت جزء كبير منها ..
هاركز فى المقالات بعد كده والتزم بالقواعد واحقق هدفي .

بدون هدف

عشت سنين حياتى هدفى اسرتى واتطور مع السنين واتعلم وابدع فى هواياتى واتعلم الجديد وكان يكفينى احساسى انى اتعلمت شئ جديد واتقنته لكن مع مرور السنين اكتشفت انى اتعلمت بدون هدف اتعلمت لغة هواية جديدة درست علم كلها كانت بدون هدف
كبروا ولادى واستغنوا عنى وبعدوا عنى وهنا كانت الصدمة عشان افوق من الوهم ال عشته
وهم انى استثمر وقتى وطاقتى
الان فقدت العائل والشباب واصبحت فى الخمسين ولم احقق شئ سوى التعليم
لم افعل شئ له قيمة لم يكن لى قضية اعيش من اجلها ...
اسال،نفسي الان ماذا افعل ماهو هدفى الان ماهر قضيتى الان سوى رغبتى فى الرحيل
وهل ارحل خالية الوفاض ..
لاادرى

Boost

لازم تقولها

هى : انت هتمشي امتى
هو :بتسالى ليه ماانا قاعد معاكى اهه
هى :عاوزة اعرف هتسيبنى وتمشي امتى ابقي مراتك وحقي فيه جزء من يومك
هو : احنا اتفقنا على كده لما اتجوزنا وانتى وافقتى ان مراتى مش هتعرف ومسؤليتى انى اجى لك واظن ماحصلش انى اتخليت عنك .
هى :-ايوة اتفقنا بس تعبت
هو :- تعبتى من ايه مش فاهم انا كل مااروح فى مشوار اعدى عليكى بطلت اخرج معاها عشان اجى لك اروح اعزى اروح بسرعة واجى لك مش ده اللى حصل امبارح هو فيه عزا لنص الليل ...مش كنت عندك ورجعت لها نص الليل وهى ساكتة ولا بتتكلم.
هى : كمان عاوزة تتكلم انا مراتك زيها بالظبط ولى حقوق
هو : انا قصرت ؟ اهلك عارفين واصحابك وجيرانك وباجى لك فى الاسبوع كل يومين عاوزة ايه تانى ...انا اتجوزت تانى عشان انبسط مش عشان تنكدى على
هى :انا بانكد عليك انا مليش غير طلب واحد لازم تقولها
هو :ليه اقولها ليه ؟..عصبتينى وضايقتينى هى مضايقاكى فى  ايه ..
هى : مااعرفش بقي لازم تقولها وخلاص مش هاستريح الا لما تقولها ..من حقي
هو : لا مش من حقك ..انا بس اللى عندك هى لا ملكيش دعوة بها ماتنسيش الحكاية دى انتى اللى دخيلة عليها انتى اخدتينى منها يبقي ترضي بحالك وتسكتى .
هى :- دخيلة انا دخيلة هو انا خرابة بيوت وخطفتك منها
هو : ايوة امال انتى فاكرة نفسك ايه انتى زوجة تانية وكمان جاية على حقوقها وعاوزة تنغصي عليها ..انا المسؤل وباعرف اوازن بينكم باكدب عليها عشان مااجرحهاش باتاخر عليها وكتير اسيبها قاعدة لوحدها عشان اقعد معاكى انتى واكتر من مرة اتجاهلها وهى مريضة وبدل مااوديها للدكتور اجى لك واقعد معاكى يااااه ده انا راجل مااستاهلش اول مرة اخد بالى من اللى باعمله فيها عشانك وانتى كل همك لازم اقولها
هى : لازم تقولها لازم تقولها مليش دعوة لازم تقولها ..
هو :انا هاروح استسمحها واعتذر لها واراضيها من الان لاخر يوم فى عمرى واطلب منها تسامحنى انى عملت فيها كده ...
هى :نععععم هى دى اخرتها
هو : اكبر غلطة ارتكبتها انى اتجوزتك .

قصة فى حدوتة

هى :مساء الخير صح النوم
هو : مساءالنور اعملى لى شاى ياللا
هى :حاضر
هو : فين القمصان المكوية
هى : فى الرف
هو : تعالى هاتى القميص البيج
هى : حاضر
هو : فين الشاى
هى : حاضر اتفضل القميص
هو : مش عاوز ده عاوز البيج التانى انتى كويتى كل القمصان الا هو
هى : حاضر ..اتفضل الشاى.
هو :فين القميص ياهانم
هى :حاضر باكويه اهه
هو : انتى ياهانم ابنك بيعيط تعالى خديه
هى : ...     .................
هو : فين القميص ،
هى : ثوانى
هو : ثوانى ايه وانتى بتتكلمى فى الموبايل هو انتى فاضية لى
هى : موبايلى جنبك
هو : طبعا اى اعذار والسلام عشان الرغى بتاعك بترغى مع مين ياهانم
هى : اتفضل القميص جاهز .
هو : ماخلاص ياستى لبست واحد تانى هو انا لسه هاستنى الغندورة لما تخلص ..واقفة تكوى والولد على ايدك ايه ده ..انا خارج
هى : عندك حق ...مع السلامة ..
*************
هو : اسكت ههههههه خلتها تلف حوالين نفسها وانزل وانا مرتاح لاهتسالنى رايح فين ولا اوعى تتاخر ههههههه كل ماافتكر منظرها
صاحبه : ليه كده عملت فيها ايه
هو : اطلب الطلب وراه طلب وانا مش محتاج اى طلبات ههههه عشان تتمنى اخرج واسيبها
صاحبه : تصدق انت حرام القعدة معاك انت .......والا بلاش خسارة فيك انا ماشي ..