الست اللي فجأاة تلاقيها بتزعق وتتعصب ومش طاقيه نفسها، واليأس باين علي ملامحها
الست لما بتوصل للمرحله دي بتكون في الغالب مرت بحاجه من دول أو اكتر...
ضغطت علي نفسها كتير
حاولت ترضي كل الاطراف في البيت وفي الشغل او في علاقتها عموما
يمكن تكون بذلت مجهود كبير بس لقيت النتيجه ضعيفه ف حست بإحباط وبلا جدوي
في الغالب بتكون اهملت في نفسها لدرجه انها مش لاحقه حتي تقعد مع نفسها شويه
ممكن يكون كل مسئوليه البيت هي بس اللي بتتحملها ومفيش اي نوع من الدعم بيوصلها
ده غير كلمات اللوم والتقليل من دورها واللي بتعمله واللي بتسمعه كل يوم وطبعا ده وجعه مش سهل
محتاجه إحتياجات نفسيه زي الحب والتقدير والاهتمام والاحتواء و الاحترام ونتيجه لعدم تسديد الاحتياجات دي، فهي متألمه ومش بتعبر عن ده !!
وفي الغالب سايبه جروحها تنزف جواها من غير ما تطلب مساعده، زي بالظبط لما تتعور في المطبخ وتكمل تعمل الاكل وتغسل المواعين ولا تسأل في جرحها
علشان كده......
لو فيه وحده من الستات اللي تعرفوهم بيمروا بالحاله دي
أرجوكم............
بلاش لوم فيها، اعتقد هي شبعانه لوم ونصائح،
تعاطفوا معها وقدروا مشاعرها،
ساعدوها تحب نفسها وتعرف ان من حقها تاخد بالها من نفسها،
حاولوا تكونوا سند حقيقي......
