Sunday, November 29, 2015
Saturday, November 28, 2015
Thursday, July 30, 2015
يوميات تيتة
✅٦٩💦📝يوم جديد من يوميات تيتة
جوزى اخد باله انى متغيرة وانا حاولت اغير الموضوع عشان افكر
بس هو لفت نظرى قالى مش اتفقنا نعرف كل شئ ونتشارك،، قلت له عندك حق وفجرت المشكلة فى وشه
ياعينى وشه اصفر ومابقاش عارف يقول ايه ،،وفجاة اتنرفز ولسه هيتعصب
قلت له اهدى ونفكر ونتفق هنعمل ايه ،،، بس ايه بقي هو فيه اب يعرف الكلام ده ،، مسكت ايده وقلت له ماتخليتيش اندم انى حكيت لك ،،، بدا فى السخرية وقالى طيب يافالحة هنعمل ايه
قلت له سبحان الله مش لسه قايله لك تعالى نفكر ونشوف هنعمل ايه
قلت له مبدايا هادخل على مواقع الاستشارات الاسرية واشوف مشكلة شبيهه ونعرف نتصرف ازاى ،، بس اعرف ان كبر ابنك خاويه يعنى تتكلم معاه بعقل وحكمة وانزل لسنه عشان يفهمك ،،
جوزى نزل راح الشغل وانا فتحت المواقع الاسرية والاسلامية وكونت مجموعة افكار وفضلت اليوم كله افكر فيها ،، ابنى صحى من النوم متاخر طبيعى ماهو سهران طول الليل دخل لى فى المطبخ وقالى جعان ياماما ،، حضرت له الفطار وقعدت معاه وقلت فرصة اتكلم
قلت له انت جعان صح قالى جدا قلت له طب افرض مفيش اكل قالى خلاص هادخل اعمل اى حاجة على ماتعملى اكل قلت له انت جعان والاكل ادامك ومش قادر تمد ايدك قالى هاتعب جدا انى شايف الاكل ومش قادر اكل منه ده ذل ، طيب لو انت بره ومش معاك فلوس ووقفت ادام مطعم قالى هاحس بالجوع اكتر قلت له وقتها ممكن تسرق الاكل عشان تاكل قالى لا طبعا انا امشي احسن لحد مايكون معايا فلوس واكل ،،لو غيرت طريقي ومشيت من سكة تانية ومفيهاش مطاعم هانسي انى جعان
قلت له وكمان الشئ الحلال اللى فى الرغبة لو مش طايل تحققها لانك صغير وماتقدر تفتح بيت ويكون معاك عروستك يبقي لا اقف ادام صورة ولا تجى فى مخيلتى فكرة تتعبنى اكتر لانى مش قادر على الحلال وفى نفس الوقت ماينفعش اعمل الحرام ،
اتمنى تكون فهمتنى ،، نزل عينه فى الارض وماقدرش يرفع عينه فى ،النظرة دى وجعتنى ان ابنى تبقي عينه مكسورة ادامى صعبة اوى ،، سيبته يقعد مع نفسه دخل اودته وقفل على نفسه ،، رجع جوزىوحكيت له اللى حصل قلت له الدور عليك ،، ادخل بقي طبطب وفهم راجل ل راجل
قالى انا فكرت اليوم كله وعرفت هاقوله ايه
قلت له ربنا معاك وانا متاكده انى ادها باذن الله وهتتغير الخريطة بينكم تماما والمسافات هتذوب بينكم باذن الله
دخل جوزى على ابنى اودته وكان ابنى ،، هنشوف بكرة ونعرف لما دخل على ابنى لقي ايه
اشوفكم مع يوم جديد من يوميات تيتة
كانت معكم جيهان بركات 💞🎀
Wednesday, July 1, 2015
Monday, June 1, 2015
من كام سنة اشتركت فى موقع لينكدان وكنت سعيدةاوى اتعرفت على ناس محترمة كتير والموقع نفسه جاد وعالم بيزنس حقيقي ... بدأت بالبحث عن شغل وبعدين اكتفيت اعرض شغلي .سمعت ده موقع احترافي ...وسمعت الموقع بقي فيسبوك ..بدات احس ان الفيسبوك بقي بيئة مثﻻ ايه يعنى بقي فيسبوك
طالما الموقع ماحققش الغرض منه يكون اى حاجة .... بدأت اشعر باﻻحباط والتوتر من بعض اﻻشخاص فى الظاهر منصب مرموق فى مكان خطير لكن الجوهر متدنى للغاية ... بدات رسايل اعجاب و و و ولما لم اتجاوب تحولت الرسايل او باﻻحرى سقط القناع ...رسايل تهديد ووعيد والفاظ لا تتناسب مع مدير بنك .. يجرى وراء اهوائه وظهرت معدنه الخسيس .. انا ﻻ افعل اﻻ مايشعرنى بالراحة او السعادة . فوجودى فى الموقع اصبح مصدر توتر ومضايقة كتير..
تدنى اﻻخﻻق ﻻاستطيع ان افعل معه شئ ...
فتدنى اﻻخﻻق حتما سبب هام لانهيار اﻻمم
Saturday, May 30, 2015
القلب الاسود
بيحصل موقف يحزن ويوجع من طرف لطرف وبيكون قاصد ومتعمد يجرح ويقسى بيكون له وجهة نظر للتجريح بيكون له الف عذر انه قسي وجرح
الطرف التانى اللى انجرح واتوجع يشعر بالاستياء والغضب ويبكى ويفضل محتار ويسال ليه ليه ليه الف ليه ببتقال
ويكون القاسي لسه عايش معاك وبتشوفه وبتتعامل معاه والحياة تستمر بدون اعتذار ولا ترضيه كافيه لكل القسوة والتجريح
وتمر الايام وفى لحظة قاسية هى هى زى اللى فاتت والمجروح يتكلم ويقول آى يتقال له انت قلبك اسود اوى
لاآلهى
هو اللى قلبه اسود عشان فاكر
هو اللى قلبه اسود عشان تأوه وقال كفاية
هو اللى قلبه اسود عشان بينجرح ويسكت
هو اللى قلبه اسود عشان لا اتراضى ولا استسمحناه يسامح
ونرجع نقرا التسامح ،،، سامح،،، انسى ،،
السؤال امتى ننسي اللى بيقسى علينا امتى نتسامح مع اللى بيجرحنا ،،امتى اعيش اتسامح واتسامح وانا قلبي كل جروح 💔
Thursday, May 28, 2015
ايامى
نسمع دائما الحياة قصيرة ..وتحفزنا الجملة ان نعيش حياتنا صح .ونبذل ونسعى ونحاول ونقع ونقف تانى ومع ذلك مش عارفين نعيشها صح
ياترى ايه الصح اللى بنسعى له ..عشان الحياة قصيرة ..اننا نبقي مبسوطين .طيب ننبسط بايه بالحلم اللى اتحقق طب ماهو بيتحقق بطلوع روح ونفقد واحتا بنحاول نفقد بهجة تحقيق الحلم ده ..بتموت فرحتنا بالوصول من كتر التعب والمجهود ...
طب ننبسط بالحلم نفسه واننا نخطط ونرسم ونتخيل ونعيشه كانه حقيقة ... بس اول مانبدا فى التنفيذ بنﻻقي ستين عقبة والف محبط وناس كتير بتكسر رجلك عشان ماتحاولش تانى وتفشل زيهم ..
طب هنعيشها صح ازاى ونحيا الحياة القصيرة دى ازاى .. بالحب مثﻻ انك تﻻقي الحبييب واﻻ الحبيبة اللى يسعد وتسعد القلب وتمﻻ الحياة بهجة ... بس دى قصيرة ﻻن بيكون فيها خناقات تافهه على رد الانصال واﻻ تاخير فى المواعيد واﻻ زهق وملل فجاة ويحصل هجر والقلب ينكسر ...
طب ننبسط ازاى انى ﻻاحب وﻻاحلم ؟
واﻻ اعيشها والسﻻم ﻻن ربنا عزوجل اراد اكون من اهل الدنيا ...
احلم بالجنة بس .غصب عنى باشوف ناس بتحقق احﻻمى انا اللى هم ماحلموش بيها . وحياتهم بتتغير لﻻحسن وانا بارجع بضهرى لورا ...كل مااطلع خطوة وافرح اخيرا اتقدمت خطوة اﻻقينى ورا عشرات الخطوات ...ياآلهى .
انا باخطط لنجاحى وافشل ...باحلم بسعادتى واتعس ..اتمنى اعيشها صح واﻻقينى فى المكان الغلط وانا مش عاوزة كده ..واشيل فى طاقتى واعيشها بصعوبة وانا باحب الحياة ببساطة ببساطة اوى
ويقولوا الحياة قصيرة طب هاعيشها امتى صح
Wednesday, April 29, 2015
Monday, April 20, 2015
Thursday, February 12, 2015
Thursday, February 5, 2015
Monday, January 19, 2015
Friday, January 16, 2015
Subscribe to:
Posts (Atom)