ست .كوم

#ست كوم ...

الاب جلس يبكى على باب المسجد بعد أداء الصلاة ولمحه أحد رواد المسجد اقترب منه يخفف عنه ويسأله ربما يحتاج مساعدته 

الشاب : مالك ياحاج كفى الله الشر خير 

الاب .ـ خير ياابنى انا حزين والصدمة هتشل حركتى وتفكيرى 

الشاب : لاحول ولاقوة الا بالله. ليه بس بتقول كده فوض امرك لله 

الاب : فوضت امري اليك ياصاحب الأمر.

الشاب : احكى بس انا نفسي اساعدك .

الأب : جوزت بنتى لاختها 

الشاب : ياخبر اسود ايه ياعم ال انت بتقوله ده اعوذ بالله .

الأب : انا زوجتى ماتت وقاعد لوحدى ومرضت مرض شديد ودخلت المستشفى وبنتى صممت اخرج من المستشفى على بيتها لحد مااتعافى .

الشاب : فيها الخير ماشاءالله ربنا يبارك فيها .

الأب : قعدت معاها وشفت ماصدمنى بعد شهر وانا غاصب على نفسي دخلت المستشفى تانى 

الشاب : لاحول ولاقوة الا بالله ليه بس 

الأب : الباب بيخبط هى ال تفتح الباب الاغراب وبتتعامل مع البواب ، الأنبوبة تخلص هى ال تشيلها وتغيرها ، المدرس يجى هى ال تتكلم وتدخل ابنها عمل مشكلة فى المدرسة هى تروح وتتخانق وتتعامل لحد ماتحل المشكلة ، ابنها رجله اتكسرت فى لعب الكورة فى المدرسة هى راحت وجريت وشالت الولد وعلى المستشفى وبعد مااتجبس شالته على البيت ، التكييف عطل هى ال وقفت مع العامل ، ركبت الواى فاى هى ال وقفت مع الفنى ، الحنفية بتنقط هى ال غيرت الجلدة هى ....

الشاب : استنى ياحاج هى جوزها مش موجود يعنى مطلقة والا أرملة 

الأب : لا ياابنى هو ده ال واجعنى جوزها موجود مع كل الاحداث دى موجود فى البيت فى كل أزمة وهى تروح تسأله عشان يتحمل المسؤولية يقولها اعملى انتى انا مش فاضى وياريت فيه حمد والا شكرانية الا بيزعق عشان الأكل مش جاهز وقت مايوصل وهو ملوش مواعيد مش فارقة معاه أنها فى المستشفى مع ابنها كلمها يلومها انها مش هاين عليها تخلص الاكل قبل ماتنزل 

الشاب :إنا لله وانا اليه راجعون. لك حق تحزن 

الأب : كنت فاكرة راجل يتحمل المسؤولية ويراعى اهل بيته ، طلع مش راجل 

الشاب : طلع سوسن

فاتن امل حربي

مسلسل واقع بس اوفر شوية 

الزوج سمج فعليا زى ازواج كتير من عينته ، شخص نرجسي ، وناس كتير فاكرة أن الشخصية النرجسية بيحب نفسه لكن الحقيقة أنه كاره نفسه ويكره كل اللى حواليك ، ويكره يشوفهم مبسوطين ، يكره يشوفهم انجزوا ، يقلل من قدرها وقيمتها ،ويسخفها ويسخف كلامها وتصرفاتها عشان يقدر يتحكم ، فاض بها وطلبت الطلاق .

اول اوفر مش حقيقية أنه مش بيطلق خالص ولا حتى بالمساومة ولا بالضغط لانه أضعف أنه ياخد قرار زى ده .

تانى حاجة مافورة أنه رد المؤخر زى ما هو مكتوب فى عقد الزواج المفروض بعد عشر سنين يرد المؤخر بسعر الدهب وقتها وده الشرع 

شخصية الزوج السخيفة يفرهدها فى المحكمة وبعد كده يرجع يتمحك عشان يرجعها لكن بأسلوب فج مقرف أنه يعدد لها مساؤها وعيوبها ويطلب الطلب باحتقار وازدراء بشع وهى كده ممكن تفطر ترجع اصلا ؟ والا تضرب نفسها بالجزمة عشان فكرت ترجع .

الراجل الشهم ظهر فى حياتها ينقذها منتهى الأوفرة لأن آلاف من المطلقات اهلهم نفسهم مش بيعملوا كده سواء اب او اخ اول ناس يتخلوا عنها عشان تشرب الليلة لوحدها عشان ازاى تتجرأ وتطلق وتعيش حياتها بعيد عن المذلة والمهانة .

ويزيد الراجل الشهم فى كرمه ويجيب لها شقة ايجار ويفرشها فرش جديد ويدفع ايجار سنتين لا ومش كده وبس بعت لها ٣٠كيلو لحمة 🙄 ده ازاى ؟ هو فعلا فيه ناس فيهم خير وبيساعدوا غيرهم فى ازماتهم لكن مش بالصورة دى خااااالص ..وكمان مفيش راجل بيعمل اى حاجة لاى حد الا لما يكون فيه مقابل حتى لو بيعتبرها زى بنته ..

قصة المليون جنيه بقي انا مش فاهمة ايه دورها فى قصة تونة .

واللى زاد وغطى أنها ترند ؟ حد يروح محكمة الأسرة هيلاقي آلاف التريندات وبمنتهى السهولة ممكن يغيروا التاريخ كله 

مرض العصر

الفيبروميالجيا.. اللص الخفي

السيدات  اللي كتير بتشكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة.

حاولي تركزي في كل كلمه في البوست لعله يرشد الكثير منكن عن سبب آلامهن 

الفيبروميالجيا مرض نفسي عضوي..؟؟؟.. هو مرض يُصيب النساء أكتر من الرجالة ده مبدئياً.

تاني شي بيتسلل للشخصية الحساسة  أو الكتومة في زعلها أو اللي تعرضت لصدمه نفسية كبيرة في حياتها ..وإلخ ، وبيزيد الألم مع سوء الحاله النفسية..

وهو عبارة عن اضطراب في الناقلات العصبية المسئولة عن إحساسك بالألم...

هو مرض مزمن (يعني مش بيخف ولازم تتعاملي معاه طول حياتك متل مرض السكر .

طيب هل أي وجع بتحسي في  هو فيبروميالجيا..Absolutly  

لازم تتوافر الشروط التالية:

• ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points   

• ألم متساوي في جانبي الجسم.

• ألم مزمن لمدة لا تقل عن 6 شهور.

•  إنك بتعملي كل تحاليل المناعة بتلاقيها سليمة وفله.

أسبابة:

العلم لم يتوصل للسبب الحقيقي  لوقتنا هذا والأرجح إنه مرض وراثي.

أعراضه:

• ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.

• الألم بيزيد مع الراحة وأثناء النوم.

• بتصحي من النوم الصبح تعبانة رغم إنك المفروض نمتي عشان ترتاحي، وأول ما تبدئي تقومي من السرير وتتحركي الألم بيقل.

• احياناً تقومي من النوم تحسي إن مفاصلك متيبسة وتفك أول ما تتحركي.

• اضطرابات في النوم، مافيكي تنامي عدد ساعات طويلة متواصلة، عادة بتصحي كل شوية من الألم.

• صداااااااااع.

• ذاكرة ضايعة😨.

• تركيز سيئ 🥴.

• انتباه...مفيش😱.

• وكل هذا بيرافقه شوية اكتئاب وتوتر وقلق، نتيجة إنك 

مش عارفه تمارسي حياتك بشكل طبيعي.

• غالباً مريضة الفيبرو بتعااااااني من القولون العصبي وضغط بالمثانة 

مضاعفات المرض:

ما يميزه إنه لا يؤثر بالسلب على أعضاء الجسم.. يعني مش ذي الأمراض المناعية.

مضاعفته تتمثل في 

• ألم بيزيد مع مرور الوقت.

• زيادة اضطرابات النوم.

• ممكن تدخلي في مرحلة اكتئاب.

 عشان كده لازم تساعدي نفسك.. وتغيري نمط حياتك عشان تقهري المرض 

علاجه في الطب الحديث 

بيعتمد على أدوية علاج الأكتئاب والصرع 

وهناك نوع من الأدويه بيعمل أعراض جانبيه بتكون أكتر من الألم اللي كنتي رايحه تتعالجي منه

طيب  ايه الحل عشان أقلل من شعوري بالألم؟؟

*طبعا قليل اللي  بيقدر يلتزم بس في ناس قادرة تلتزم بالآتي⬇️

• العبي رياضة وخاصة المشي.

• السباحة لو عندك مشاكل في المفاصل.

• تمارين المقاومة، هتقوي كتلتك العضلية وتقلل الشعور بالالم.

• تمارين التنفس يومياً.

• ابعدي عن العلاقات المؤذية.