اعتذر الكابتن ايمن كتير أنه كان لازم يلقي السلام عشان تنتبه لكن اتسمر مكانه لما شافها بتكتب بمنتهى التركيز ورفض ينبهها خاف افكارها تهرب منها .
ابتهال : حصل خير مفيش مشكلة اتفضل حضرتك سجلت اسمك فى سجل للاستعارة والا اول مرة
ايمن : انا أسمى فى للاستعارة وجاى ارجع الكتاب واستعير كتاب جديد أسمى كابتن ايمن .
ابتهال : اهلا وسهلا اتفضل .
ايمن : انتى جديدة هنا من امتى اكيد قريب كنت هنا الاسبوع اللى فات
ابتهال : ابتسمت ابتسامة خجل وردت أيوة اول يوم لى النهاردة
ايمن : فرصة سعيدة أن شاءالله تستمرى معانا .
ابتهال : متشكرة جدا اتفضل انا سجلت اسم الكتاب الجديد _شرفت المكتبة ..
خرج ايمن من المكتبة لكن رجع تانى انا مدرب تنس لو تحبي تتمرنى تعالى .متاح تدريب للموظفين تعالى اتفرجى لو عجبتك نبدا من الاسبوع الجاى ..
ابتهال وشها تهلل وهزت راسها من الفرحة أنها موافقة ..دخلت المكتبة تتنطط من الفرحة ..وهى بتردد yes yes .
دخل عليها الاب وصوت الضحك بقي عالى أخدها فى حضنه ..أهدى شوية الفرحة حلوة ماقلناش حاجة ..احكى لى يومك واضح أنه جميل ..
ابتهال : انت احلى بابا فى الدنيا كلها . كان فاضل نص ساعة من وقت انتهاء الشغل وطول النص ساعة بتحكى يومها كان ازاى والاب أنصت لها بكل اهتمام ..سكتت فجأة ومسكت ايد ابوها تقبلها ...ربنا مايحرمنى منك يا بابا ...طبطب عليها يراضيها ...
رجعوا البيت ولمحوا من بعيد وائل وابتسام والام خارجين من باب العمارة ..وقف على جنب وقال لابتهال استنى لمايمشوا مش ناقصين وجع دماغ
مرت عشر دقائق لحد ما اتاكد أنهم اختفوا من الشارع ، طلعوا البيت واول ما فتح الباب ياااااه البيت هادى وجميل اوى ...
ابتهال دخلت المطبخ عشان تشوف الغدا لها ولابوها اتصدمت
خرجت من المطبخ تعتذر لابوها معلش يا بابا مفيش اكل ماما ماعملتش اكل ...
الاب : ولايهمك احسن أن مفيش اكل تعالى نتغدى بره انا نفسي اوى اكل عند الحاتى النهاردة
ابتهال : بجد يابابا ثوانى اغير هدومى وابقي جاهزة ..
الاب دخل اتوضى وصلى وابتهال وراه فى الصلاة وهو بيسلم التليفون رن .جت ابتهال ترد قالها لأ سيبي لى الطلعة دى
رفع الاب السماعة وهى مش عارفة مين على الخط _ لكن فهمت من رد الاب : هو انتى مش عارفة انى جاى اتغدى ماعملتيش حسابك ليه ...
سكت الاب شوية ، طب خليكى عندك بقي ابتسام محتاجة لك اكتر مننا وقفل السماعة ..
نكست ابتهال رأسها وفهمت أن الأم بتعاقبهم عشان ابتسام مشيت ...
الاب : ياللا بينا وانسى اى حاجة حصلت .
اتغدوا واتكلموا وانبسطوا على الآخر لأن فيه نقطة مهمة أنهم مرتاحين مفيش ضغط ولا تلقيح كلام ولا نغزات فى الحوار ...
وساد الصمت بينهم برهه وقالت له نفسي اتجوز راجل زيك يا بابا
سكت الاب وقالها لا يابنتى بلاش ...انا غلطت واتجوزت حد غلط وغلطت انى استسلمت لشخصيتها وسكت طول السنين دى _ عمرى ما حاولت أوقفها عن تصرفاتها ،
كنت اب تفكيرى محدود عاوز الولد زى كل الناس نسيت أن العيال رزق ، وكبرتوا إدامى وحبيتكم اكتر من رغبتى للولد بس ما عرفتش احميكى ولا احمى اختك ..قدر الله وماشاء فعل..
ابتهال : انا مش زعلانة منك يا حبيبي انت ابويا واخويا انت طيب وحنين .
الاب : بادعى لك يجى لك راجل يحسن عشرتك ويتقى الله فيكى ويقدر يحميكى من امك واختك ...
لما رجعوا البيت البيت لسه هادى عرفوا أن الام مش موجودة ...محدش اهتم وكملوا سهرتهم ودخلوا ناموا
#جيهان_بركات 🥀
No comments:
Post a Comment