روميو وجولييت ١

#روميو وجوليت ١

نرجع للزمن لورا شوية اواخر السبعينات الحياة غير خالص ، اكيد عدد السكان اقل بس مش اقل وقتها كانوا برضه كتير بس مش هى دى النقطة 

الحياة غير كأسلوب حياة .

مفيش حاجات لكن فيه حاجات اكتر واكتر 

يعنى مفيش انترنت ولا حتى تليفزيون الا عدد معين من الساعات ، مفيش كافيهات البنات تقعد عليها فيه قهاوى ولوقت معين 

ايام السادات كان حريص على اهمية الاخلاق جدا يعنى مفيش فيلم الا محذوف منه فقرة الرقص والفيلم يتقطع مش مشكلة يتعرض منه نص ساعة فى الآخر ، مفيش مذيعة لابسة قصير ولا مكشوف وممكن ارسال الهوا يقطع والمذيعة تتحول للتحقيق لو اعترضت وعملت الممنوع ، مفيش تدخين فى المسلسلات مفيش ملابس مشكوفة فى حفلات اضواء المدينة للغناء ، رغم ارسال التليفزيون ساعات قليلة لكن لها تأثير وكان متابع كل حاجة حواليه ، 

شلة الشباب على النواصى مستحيل يسمحوا لبنت من شارعهم تتعاكس من حد غريب او يسمحوا لحد غريب يدخل الشارع او الحارة من غير مايعرفوا رايح فين ولمين .

الاسرة كانت مترابطة اكتر ومتماسكة ايا كان مستواها فقير متوسط معدم غنى ، الروابط الاسرية متماسكة اكتر ،

وكانت الناس تسمع عن الجرايم كأنها مش تبعهم مش عندنا ، مش قلت لكم الحياة غير كان فيه اخلاق وعلاقات انسانية نسبة الشر كانت مستخبية مش ظاهرة وواضحة مفيش الوقاحة والجهر بالغلط والمعصية كما لو كان يفتخر 

كان فيه اسرة عايشة فى وسط البلد فى باب اللوق كان فيه طبيب اطفال وعايش مع زوجته مدرسة ابتدائي اسرة بسيطة وعايشة فى سلام وهدوء مفيش اطفال رغم شغلهم مع الاطفال ورغم عشقهم للاطفال بعد خمس سنين ربنا رزقهم بطفل قدرا واسمه رامى وعاش بينهم فى هدوء بطبيعة الأب والام هاديين ومسالمين . بعدها بخمس سنين ربنا رزقهم بطفلة اسمها سلمى . وشاء السميع العليم بالطفلين دول بس من غير وسائل ولا ادوية . كان فيهم رضى بالمقسوم ورضي بأقدار الله .

الرضي مترجم ود وسلام والحياة استمرت بحلوها ومرها كان كل اللى شاغلهم يكون بينهم مودة .

كبر رامى ودخل الطب زى والده وكان اب واخ وصاحب لأخته وكمل مسيرة أبوه فى نشر المودة بينهم .

اتخرج رامى وخلص الامتياز والأب شغله ان ابنه يتجوز ويطمن عليه لكن رامى مشغول بأخته الأول .

سلمى اتخطبت لابن الجيران وكان شاب محترم محبوب من الناس والجيران رامى ملوش حجة ينتظر ، وعد ابوه يفكر فى الموضوع لانه عمره ما فكر فى ارتباط وحب وخطوبة ماكانش تفكيره يتربط ببنت لأنه عيب وماكانش ينفع يخطب وهو لسه طالب عشان كده لغى الفكرة . دلوقت ينفع يفكر ويدبر اموره ، بعد حوار كبير مع امه قالها لما الاقى البنت اللى تشدنى وتبهرنى هقولك على طول .

اتخصص رامى بطلب من أبوه امراض نساء لانها اساس اى بيت ان الام تكون بخير . ورجع انشغل تانى فى الماجستير عشان يقدر يفتح العيادة ووعده ابوه يفتح معاه فى عيادته ويورثها منه .

ومرت الايام والاسابيع والموضوع كل يوم مفتوح للمناقشة . وهم عارفين كويس جدا ان كل شئ بقدر .

#بقلم #جيهان بركات 💦

من يشترى امى

#من يشترى امى 

لاتتعجبوا انى ابيع امى 

 من يشترى امى 

ملأت حياتى حبا وحنانا 

وتركت خلفي فراغا والما 

الازمها فى يومها ونومها وفراشها 

وتركتها تنام وحدهاوتجلس وحدها 

اتلعق بثيابها واتشبث بيدها واكون لها ظلا 

وتركت يدها فارغه وتتكئ على عصا 

لازمت اصحابي واطعتهم وخالفتها 

سكنت الشارع اتسكع فيه وفراشي خاويا 

احببت حبيبتى واستبدلتها بدلا من امى 

قالت لى استغنى عن امك انا كل دنيتك 

ساكون لك اما واختا وحبيبة وزوجة 

واستغنيت واستكفيت واهملتها .

خجلت من اشتياقي اليها واستعوضتها 

باهل زوجتى .

اجالس اى انسان ايا كان واعطيها 

فضائل وقتى ..وانظر فى الساعة لامضى 

ضننت عليها برؤيتى وسؤالى عنها 

تقف بعيد على استحياء تخشي ان اصدها 

تتحسس اخبارى ويكفيها ان تعرف انى بخير

اصبحت عنها غريبا وتدخل بيتى ضيفة

تستاذن عند الدخول وان سمحت لها 

تعرف اخبارى بعد ان يعرفها الجميع 

فهى لاتشغل حيز من تفكيرى ولامشاعرى

اتذكرها احيانا ويؤلمنى احساسي بالذنب

فانا مشغول ومطحون ومتوول 

بين بيتى وابناءى وزوجتى واهلها 

عملى يشغلنى بكل مشاكله 

واظن انى اقف على حالى بفضل دعاءها

انا متاكد من دعاءها ومن بكاءها ومن اشتياقها 

من يشترى امى فنعم هى الام ..من يشتريها ويسعد بصحبتها وحديثها وضحكتها وينعم بدعاءها وانينها وصلاتها 

من يشترى امى فهى ام حنون وانا لااستحقها ..ومع ذلك تحبنى رغم قسوتى تحن على رغم بعدى عنها شعورى بالذنب يقتلنى وهى تربت على كتفي لاتخف ياولدى فانت قرة عينى 👪

#جيهان بركات 💦

مش مهم

#كلمتين _على جنب 

#مش مهم 

اعتدت من فترة اكتب خواطر اى فكرة تطرأ على عقلى اكتبها ، وممكن مايكونش لها علاقة بحد معين وممكن الكلام ينطبق على حد معين غير مقصود ، تراجعت شوية لالتباس الأمر ،ولكن آثرت اكتب كلمة لعلها تكون المنجية ربما تترك اثر فى حياة الآخرين ريما اعبر عما يجول بخاطر أحدهم ولايستطيع التعبير ولم يعد يهمنى من يتحسس البطحة على رأسه ويظن انى أظنه بالخاطرة    

ومن هنا بدأت الخاطرة مش مهم ،امور كتير تعدى علينا تعتصرنا ألما وحزنا ثم يأتينا الاحساس مش مهم 😔

لما تهتم بحد تحبه اوى ويهمك تقضى معاه وقت طيب وتبذل عشانه كل حاجة عشان بس تسعده لكن لا يأبه وتكون اخر همه ويتعامل معاك انك مش مهم للدرجة انك تكون فى اولوياته .....يبقي مش مهم .😔

لما تبادر انك تساعد حد محتاج مساعدة وشايف أن اى حد يساعده الا انت ...يبقي مش مهم .😔

لما تعرف أن صديق لك فى أزمة وبتحاول تتصل به تطمن عليه وتعرف أخباره وهو شايف اسمك ورقمك ومش بيرد عليك وممكن يرمى التليفون من أيده وهو متأفف انك اتصلت وممكن يكون معاه مكالمة وجت مكالمتك وشاف رقمك وكمل مكالمته لأنك اخر اهتماماته...انت بالنسبة له  بعدين 😔 يبقي مش مهم .

لما تحرص انك ماتزعلش ابنك او بنتك بكلمة أو تصرف وتفكر الف مرة احسن يزعل ويساء فهمك وتلاقى فى المقابل فعل وقول واقوال فيها مهانة لك وعادى زعلك وعادى غضبك ...يبقي مش مهم ،😔

لما تكتب على الفيسبوك وتعبر عن مشاعرك أو تعبر عن عكس مشاعرك والمقربين لك يترجموها على هواهم وبدل ما يراضوك يقاطعوك ....يبقي مش مهم 😔

لما تمر مناسبة حلوة مناسبة تحب تشارك اللى بتحبهم ويهمك اللمة الحلوة تبقي حواليك يهمك تعمل ذكرى جميلة فى نفوس الناس اللى احتلوا قلبك وحياتك وتلاقى مفيش لمة مفيش ذكرى مش محبة لأنك مش موجود لا فى الحياة ولا فى القلب بالنسبة لهم....يبقي مش مهم 😔

مش مهم اى حاجة لا تعنى الآخرين اى حاجة ولا ذرة من اهتمامك يبقي اربط على قلبك وقول مش مهم 😔 .حب الناس هونا ما لان المشاعر بتتغير والقلوب بتتغير والناس بتتغير ،ماتشغلش بالك هيفكروا فيك ازاى بعد رحيلك وتقول هتفهموا هتعرفوا هتندموا ،لانه مش مهم 😔 يمكن تيجى على بالهم لحظة لكن م ندم ولا حسرة انك ماكنتش اول اهتماماتهم ولا أنهم قابلوا حبك بلامبالاة ولا أنهم فضلوا عليك الاقل منك واللى لا يستحق ..لأنه برضه مش مهم 😔 .

عش بهدوء وارحل بهدوء لأنه لم يعد أحد يهتم 😔

#بقلم جيهان بركات 

تخاريف

#كلمتين _على جنب 

موضوع محيرنى وشاغلنى شوية ...انك تكون مثلا قلبك صاف واجتماعى بتعرف تتعرف على الناس بسهولة ونلاقى مثلا حد معين كل محاولاتك معاه تبوء بالفشل دماغك تقفل وتقول أنا محدش يتقبلنى 

أو تلاقى نفسك ناس محددة مش قادرة تبلعك ولا طايقة وجودك تشك فى نفسك وتقول هو انا قلت ايه والا عملت ايه .هو انا حقود والا دمى تقيل وتبدأ مئات من الأسئلة 

هاقولك ببساطة شديدة أن الأرواح بتتآلف مع اللى شبها يعنى لو ناس بتحبك وانت انسان لطيف ونيتك سليمة وقلبك نقى وانت ادرى حد بنفسك مش معنى ان حد مش قادر يتقبلك أنه نموذج ده معناه أن روحه مش متقابلة مع روحك ..انتوا الاتنين متنافرين ومش معناها أنه وحش أو سئ لأ مش شرط لكن ارواحكم لاتتلاقى 

فانت ايه بقي كف عن محاولاتك للتودد ليه لأنك هتحبط من محاولاته لصدك  والابتعاد عنك ...

والصدمة بقي أن الأرواح المتآلفة والمتنافرة مش شرط اصحاب أو زملا أو جيران 

ده ممكن بينكم صلة رحم أو صلة دم او نسب 

الكارثة ابنك او بنتك وتقول فى نفسك هو ليه كده بيعاملنى ليه كده ...هو انا أساءت التربية والا أساءت فى حبي لهم 

الفكرة كلها أن ارواحكم مش ماشية مع بعضها 

ممكن تلاقى بنتك تحب ام صاحبتها اكتر منك او تحب خالتها أو عمتها مش مسألة حب كحب لان مفيش بديل للأم لو الاب لكن ترتاح فى الكلام مع حد من القرايب اكتر منك سواء ابوها أو امها 

ونفس الشئ للشاب ممكن يرتاح فى الكلام مع حماته أو حماه ويسمع كلامه وياخد رايه اكتر من أهله .

والام والاب يبقوا يضربوا كف بكف هو احنا خلاص ملناش قيمة 

لأ لكم قيمة ولكم تقدير بس هو مش شايف. مش عارف يوازن لان ارواحكم لا تتآلف مع بعضها .

مش عارفة كلامى صح والا لأ اهى تخاريف اخر الليل

بقلم جيهان بركات 🥀

البرواز

#كلمتين _على جنب 

#البرواز 

كنا زمان نتصور ونعمل لها برواز عشان نحتفظ بالصورة اطول فترة ممكنة ونتوارث الصورة ، ونجدد البرواز عشان نفضل محتفظين بالصورة .

هى مش مجرد صورة جوة برواز 

هى احداث وذكرى وحب كبير فى قلوبنا لصاحب الصورة 

ممكن صورة فرح صورة عيلة فى مناسبة حلوة فى العيد والا خطوبة والا حتى عيد ميلاد نحتفظ يالموجودين والصورة تزيد وتكبر بالناس الجداد علينا ،

شفت فيلم هندى اتجمعوا عند الجد الأبناء بالاحفاد وكعادة كل سنة صورة جماعية وتتعلق على حائط الذكريات حد جديد كل سنة أو مناسبة حلوة كل سنة ..

أو حد اختفى عنهم السنة دى 

فكانوا متجمعين ولبسوا واستعدوا فى الحديقة الخارجية والمصور جاهز بأدواته والاضاءة بس قبلها بدقائق  كانت فيه مواجهة بين الأبناء واتضحت امور كانت مخفية ابن بيحب  بنت اخوه مرتبط بها والابن التانى سرق مؤلفات اخوه ومكتوب فى الرواية أن أبوه بيخون الام 

كم احداث اتعرفت فجأة ووقت التصوير كل واحد ماعرفش يخبي مشاعره واتخانقه كلهم مع بعض والام واجهت الاب وحاول يراضيها وتسامحه بس الام رفضت الاب زعل ومشى والابن ضرب أخوه عشان فشى السر والمولد انفض ومفيش تصوير 

فى نفس اليوم ده الاب عمل حادثة ومات ومرت احداث كتير بعدها والجد صمم على الصورة 

الابن اللى تتسبب فى الأزمة دى عمل بوستر كبير مجسم بصورة الاب واتصوروا كلهم مع البوستر كأنه موجود ..

وقتها قلت حرصنا على اللى بنحبهم يكونوا معانا فى الصورة هو اللى بيضفى على الصورة رونق وبريق والبرواز بيكون حماية لقلوبنا اننا نحتفظ بالذكريات .

واللى ضامن اللى بيحبوهم موجودين ومش بيحرص يتصور معاهم هيجى يوم تلاقى الصورة باهتة 

والبرواز فاضى .

بقلم 📝 جيهان بركات 💞

مفيش مساحة

#كلمتين _على جنب 

#مفيش مساحة 

هو : انتى لسه زعلانة 

هى : لا ابدا 

هو : لكى حق تزعلى بس معلش 

هى : معلش ؟ هى كلمات الاعتذار اتغيرت والا ايه ؟ بس انا مش زعلانة 

هو : ازاى بس الموقف كان صعب والكلام كان غبى 

هى : ماتاخدش فى بالك .

هو : انا مش فاهمك بجد .انتى ازاى كده 

هى : أوعى تفتتكرنى جبلة من غير احساس 

هو : انا مستغربك الصراحة .الكلام اللى أتوجه لك يضايق وخصوصا أن مفيش اعتذار عن اللى حصل وانتى واخدة الموضوع ببساطة .

هى : لأ طبعا مش ببساطة خالص زى ما انت متصور الفكرة مش كده .

هو :  فهمين. طيب عشان قربت اتجنن .

هى : الفكرة انى معنديش مساحة للزعل

هو : عندك حق انا عارف انك مشغولة وعندك حاجات كتير شغلاكى 

هى : لأ خالص مش ده قصدى المقصود معنديش مساحة ازعل فيها لان معنديش ملى فى فاضى من غير زعل ولا تجريح ولا ألم بس هى دى الفكرة

هو : ياخبر اسود كلامك خطير وبتقوليه ببساطة أشد وجع انتى ازاى كده 

هى : ازى الصحة .

هو : بجد انتى ازاى الموضوع بسيط كده 

هى : انا باحكيه ببساطة لكنه مش بسيط وصعب والاصعب منه انى باتظاهر انى بخير وانى عادية لان الآخرين بيجرحوا عادى وبعدها يكلمونى عادى ، ويتعاملوا معايا كأنى بزراير اضغط عليه اكون الشكل اللى هم عاوزينه محدش بيفكر انا ايه وعاوزة ايه بيشكلونى على هواهم ..تعبت انى أوضح وجهة نظرى تعبت انى ابرر تصرفاتى تعبت انى اترجم كلامى عشان بيتفهم غلط .تعبت انى أظهر نيتى عشان باتهم حتى بسوء النية ..مابقاش فى حيل للمعافرة والمناهدة ، احسن حل ريحنى اسيب كل واحد يعمل اللى هو عاوزة ويفهم فى اللى على مزاجه ، ويتهمونى اى اتهامات عجباهم ويحكموا على حتى لو بالاعدام ولا فارقة مابقاش فى مساحة ازعل فيها من حد مش لاقية فى ملى سليم من غير ألم ولا جرح كل ده عشان كنت حريصة على ارضاءهم عشان بس يفضلوا فى حياتى واكتشفت بعد سنين انى اصلا مش فى حياتهم ..وباعتذر لنفسي سوء فهمى وتاخرى فى الفهم .

هو : يااااااه كلامك وجعنى اوى ومش عارف اعتذر لك ازاى واخفف عنك ازاى .

هى : زى ماقلت لك ماتاخدش فى بالك .انا مستريحة فى وضعى الحالى 

هو : اللى هو ايه ؟

هى : كل واحد حطنى فى مكان انا بالتزم به وبافضل على وضعى يعنى اللى حطنى على الهامش بافضل على الهامش حتى لو كان هو جوة قلبي باغصب على قلبي واستمر على الوضع اللى حطنى فيه ..

هو : ولما عملتى كده لاقيت ايه 

هى : لاقيت العجب  الصراحة ..ناس كتير كان لهم مكانة خاصة عندى اكتشفت ايه بقي منهم حطنى على الرف ومنهم حطنى على الهامش ومنهم حطنى على دكة الاحتياط باكون موجودة فى وقت الفراغ وفيه اللى مش شايفنى اصلا وفيه اللى موقفنى على خط الحدود والاحلى بقي اللى حطنى فى التلاجة ده اللى لذيذ اوى فاكرينى ايس كريم تقريبا 

هو: هههههههههههه هم يبكى وهم يضحك .وازاى كده 

هى : يعنى محتفظ بى لحين إشعار آخر .

هو : وجهة نظر غريبة بس طالما مرتاحة خلاص .

هى : مش مسألة راحة بقدر ماهى أن مفيش مساحة 

بقلم 📝 جيهان بركات 🌺

انت كويس

#كلمتين _على جنب ؛

#انت كويس 

تشعر بألم رهيب وتصرخ من شدة الوجع تروح مع أهلك الدكتور وبعد الكشف عليك ويتحاور الدكتور معاك عشان يعرف فين العلة وبعد كده يقعد على مكتبة عشان يكتب الروشتة 

يجى لك سؤال من اللى معاك ها عامل ايه دلوقت انت كويس ؟

سؤال عجيب الدكتور كشف بس ابقي كويس ازاى .

تنزل تروح بيتك وحد يشترى لك الأدوية ومع اول خطوة فى تناول الدوا بالمواعيد 

تاخد اول حباية وشربت وراها كوباية مية يسأل نفس السؤال ها بقيت كويس ؟ سبحان الله هى لسه مالحقتش الحباية توصل المعدة وتشتغل عشان على الأقل تسكن الألم ..

واكيد طبعا هيقولوا ده نوع من الاطمئنان وبث الامل فى المريض أن المرض والالم يزول وتشفى من المرض ..

النية تمام بس الاسلوب مش تمام ..لأنه بيعصب المريض لانه مش قادر يحس غير باللى بيحسه ...

المشاعر السلبية صعب جدا تتبدل فى ثانية لمشاعر إيجابية .

لان كل حاجة فى الدنيا بتاخد وقتها ...الفكرة كلها نعترف بوجود ألم ونعترف أنه احساس بشع وهيتبدل مع الوقت .

فأحسن كلام يتقال دعاء الشفاء .ان شاءالله تبقي بخير ، المرض هياخد وقته وتتماثل للشفاء وهكذا 

نفس الشئ لما تواجه مشكلة معضلة فى يومك ماينفعش نقوله ( فكك سيبك ارميها ورا ضهرك ، مفيش حاجة تستاهل , خلاص بقي اضحك ) 

كل الكلام ده وغيره للاسف نتيجته سيئة جدا .

لان ارمى ورا ضهرك يعنى ضهرك هينحنى من كتر اللى رميته ، ومفيش مشكلة تتحل منك انت سيبيتها زى ما قالوا لك منتظر حد يحلها أو تزيد وتنقلب عليك أو تتنسي وكل واحد يروح لحاله .ومعانى تانية كتير من مجرد تسطيح أن فيه مشكلة ومش مهم واخدت الدوا ها بقيت كويس .

#بقلم جيهان بركات 🌸

كلمتين على جنب

#كلمتين على جنب 

"قل لن يصيبنا الا ما كتب الله لنا "

بنقولها كتير لكن وقت الجد مش بنعمل بها ، 

مش هيصيبك الا نصيبك .

ده كلامنا واقوال ماثورة كتير بنرددها واوقات كتير بنقولها بدون وعى لكن عادة ،برمجة،نحب نفتى ونعمل نفسنا حكما

الوقت اللى احنا فيه مش محتاج اكتر من الايمان والتقوى.

الناس عندها هلع من الموت وانا منهم ، بس قبل الكورونا الموت كان حوالينا برضه ،موت بغتة حادثة مرض خبيث جريمة كبار وصغيرين ليه وقتها مفيش انزعاج ، مفيش غير مصمصة شفايف وياعينى وشوية صعباينات ومفيش اتعاظ ولا التمسك بالاسباب خوفا من الموت ، 

يعنى لما نعرف وفاة حد فجأة ليه مفيش بعدها توبة مفيش صدقة ،مفيش استرضاء حد زعل مننا وممكن نكون ظلمناه .ليه مش بنرجع الحقوق .

وفى الوباء والمرض والاحوال الغير مرضية اللى احنا فيها ليه مفيش تقرب لله والتعلق برب الاسباب ليه متمسكين بالاسباب ونسينا رب الخالق رب الاسباب سبحانه خلق الداء والدواء هو وحده الحافظ هو وحده مقدر الاقدار ..

ابن سيدنا نوح لما قاله تعالى معايا فى السفينة 

رد عليه سآوى الى جبل يعصمنى من الماء 

افترض الجبل اقوى من الماء ومن الغرق ..زى ما بتعملوا اويتم للاسباب الكلور والكمامة .

ومع ذلك ناس كتير مصابة وناس كتير ماتت وناس كتير تعافت .

بعدنا عن الايمان وقلنا الجوامع اغلقت لكن محلات الاكل لاتغلق السوبر ماركت لايغلق الخضرى لايغلق ،

لاغينا درس القران رغم انه هو يملا القلب نور والقران فيه شفاءا لما فى الصدور 

لكن لانلغى البيع والشراء ولانلغى الشغل ولانلغى الزيارات.

ميزان الحياة مختل ..فين الاولويات الدين ام الدنيا ..اقترب الموت ونحرص  ناخذ يالاسباب ولانعلم متى يحين الأجل .

قال تعالى .

"قال سآوى الى جبل يعصمنى من الماء قال لاعاصم اليوم من أمر الله الا من رحم وحال بينهما الموج فكان من المغرقين "

كان عندى

#كلمتين على جنب 

#كان عندى .....!

بعد سن الاربعين ادركت ان منحنى العمر بينزل لتحت ،اللى جاى مش اد اللى راح مهما مر على من عمر اعيش كام عشر سنين عشرين ايا كان بعد الاربعين تتضاءل معاها حاجة كتير منها الصحة والطاقة والرغبة والشغف ،تقل مع تقدم العمر ونصبح تحت امر اللى اصغر مننا ونبقي محطوطين بس ، ناكل واحنا ساكتين بدون اختيار ، نقبل المكان ووقت النوم ،ومفيش ملابس جديدة ولا مسموح بكلام كتير عشان الصحة.  

كل ده فكرت فيه وخصوصا بعد مامريت بظروف كتير فى التلاتين ،

خوفى من الموت لجهلى بمعلومات كتير عنه  ،وفى يوم مرضت مرض شديد وواحدة صاحبتى اهدتنى بكتاب اسمه التذكرة الكتاب ده جزءين الجزء الاول عن الموت والجزء التانى عن الجنة .

فهمت حاجات كتير ماكانتش فاهمها وادركت انى مش خايفة انى ارحل عن الدنيا بقدر خوفى من القبر وادركت خوفى تحديدا من الضلمة ، ووقتها فهمت الفوبيا من الاماكن المقفولة والضيقة ويجى لى ضيق تنفس ونتلاحق انفاسي وبعدين يغمى على وانا كده الى الان ..

عرفت ان حفظ القران الكريم ينور القبر واشتغلت على حفظ القران الكريم كانت رحلة طويلة وشاقة مش سهلة لكن ممتعة ووقتها فكرة الخوف راحت منى كما لو كانت قعدت على جنب لحد ما اخلص  ..والحمدلله اتمم الحفظ ،ورجع الخوف تانى مع حالات الموت الكتير لكل الاعمار واصبح خوفى من الموت البغتة ،وكنت بادعى بحسن الخاتمة بس مامنعش من خوفى ، اموت فى الشارع وانا نايمة وانا ساجدة ماهو الموت مش هيجى يقول لى خدى بالك هاخد روحك بعد شوية ،، قرات وفهمت ذكر الله  واذكار كتير تخليك فى معية الله طول يومك وليلك وواظبت عليها لدرجة انها اسلوب حياة بالنسبة لى والتزمت بالذاكرين الله كثيرا والذاكرات .

ظل الخوف جوايا كل مااعرف وفاة حد ،حرصت اصلى صلاة جنازة لاى متوفى اعرفه او لا حرصا انى الاقى حد يصلى على ، وكنت فى العمرة اتعجب نصلى صلاة جنازة ويكون الحرم كله على اخره مصلين واوقات صلاة جنازة مفيش مصلين يذكروا ، رجعت خوفت وقلت مش مضمونة ،

عرفت الحديث الشريف  يتبع المؤمن قبره ولد صالح يدعو لك وفهمت انه مش شرط يكون ابنك ، ركزت اترك بصمة فى حياة الاخرين واعرض مساعدتى وبدات بالمقربين والمعارف ومع الوقت اكتشفت ناس تحبك وناس مش طايقاك ،زعلت شوية وبعدين فهمت الارواح جنود مجندة ماتعارف منها اءتلف وماتنافر منها اختلف، حولت المسار لناس ما اعرفهاش  وممكن مانقابلش تانى اساعد واساهم واخفف واطبطب واكون دعم ولو شوية ، بس مش كفاية ..واقفت على دروس للاطفال عشان تحفيظ القران لطفل هيكبر معاه ،وده خلانى اغير نشاطى لان ماكانش عندى تبسيط المعلومة لطفل من تجويد وتفسير وبدات دراسته عشان اكون على قدرها وقابلتنى صعوبات كتير فى النقطة دى لكن مستمرة طول ما يجى كل يوم والاقينى لسه عايشة 

جت الكورونا غيرت كل الموازين 

ناس تموت ومفيش صلاة جنازة عليها مفيش عزاء ودعاء 

مفيش اختلاط ولا تعامل والكون كله فى حالة سكون 

طب لو جه الاجل اعمل ايه ؟ 

نسال الله حسن الخاتمة

✍#بقلم #جيهان بركات 💥

الزعل

#كلمتين _على جنب 

#الزعل 

كنت قبل  ما احبش حد يزعل منى وابقي حريصه ابرر وجهة نظرى وادافع عن نفسي وخصوصا لو حد فهم كلامى غلط ، او ترجم نظرة عينى باسلوب خاطئ ، او حد يلومنى انى قصرت ومش باسال او ما جاملتش . 

وبسبب كده اراعى اوى مشاعر الآخرين ووصلت لمرحلة صعبة جدا ، ليفل الوحش انى اتحمل واتقبل عيوبهم واسلوبهم فى التعامل معايا كل ده عشان محدش يزعل منى .

اصبحت الان بعد ما عرفت اجتاز ليفل  الوحش .أكتشفت انى زعلانة 

ايا كان الحد ده بازعل من الموقف او الاسلوب او النظرة سواء هزار او جد ،اكتشفت انى باعرف ازعل من كتر ما كنت حريصة محدش يزعل منى 

اتصالحت مع نفسي اللى عاوز يزعل يزعل ،ولا باهتم لو حد خرج من حياتى لانى حياتى ملهاش باب لكن أنا  لى حدود محدش يجتازها وله منى كل الاحترام ، 

وركنت مشاعرى وتقديرى فى الباركنج وبكل الود والحب لكل حد بيقرب ويقدرنى بمنتهى الاريحية على الرحب والسعة حللت اهلا ونزلت سهلا  واهتم .اما دون ذلك مع الف سلامة ويستحقون من هم اشباهم .ومحدش يزعل او يزعل .

ما انا زعلانة .اذا كلنا سواء ..

احنا قاعدين شوية والعمر الافتراضى ينتهى ومش مستحملة فرهدة فى العلاقات ..

مرحبا بالانسانية 💦

#جيهان بركات 💗

قلب الترالتربيزة

#كلمتين_على جنب .

قلب الترابيزة..

شوهد كثيرا على الفيسبوك مشاهد ناس بتحب بعض وينشروا الحب كله بقر سواء صور او بوستات يعبروا فيها عن فرط مشاعرهم .

وعلى النقيض اتنين مختلفين مع بعض وانهوا العلاقة دى فى اى نوع من العلاقات اصحاب اخوات زملا عمل وتبص تلاقى النشر اختلف نشر الغسيل ال*** وتلقيح الكلام يشتغل ، مفيش مانع من التعبير عن مشاعرنا بالاستياء والغضب بس ليه التلقيح ؟🤔 والافضل من ده الكلام مع الطرف الزعلان نشوفه زعلان ليه يمكن مجرد سوءفهم لكن نتجاهله ونسيبه يبعد كأنه ماكانش موجود اصلا 😪صعب .

فى اى علاقة انسانية وارد بينهم زعل وخصام ، وارد الخطأ من احد تجاه الآخر .شئ منطقى 

لكن الغير منطقى اسلوب تناول الشحناء او الزعل فيما بينهم .

فيه اسلوب سئ جدا اسلوب قلب الترابيزة انه مقتنع تماما ان الآخر هو الغلطان ولازم يعتذر والاسوا من الاسلوب ده انه يقلب التربيزة بينه وبين نفسه ومقتنع تماما أنه مش غلطان ومقتنع تماما ان ازاى الآخر ماحاولش يصالحه مثلا .

سيناريوهات وحوارات فى عقله والمحيطين به والطرف الأساسي فى القصة دى معندوش علم اصلا بالموضوع لانه ببساطة زعلان 

زعلان انه اتهان او وقع غلط عليه والتانى عايش فى وهم ومقتنع ان الزعلان ده مش لازم يزعل .

قصة حزينة فعلا😭 .

#جيهان بركات 💦

الصحاب

#اخر كلام عن الاصحاب ، الصحوبية مش بكتر السنين وعشرة العمر 

ممكن اتعرف بواحدة احس انى اعرفها من زمن وتدخل حياتى من القلب على طول  ، عمر الصداقة مش بالسنين  ، ممكن تكون صديقة العمر وتتحول وتلاقيها بقت غريبة عنك تخبي عنك اخبارها وتقولها لك بايتة ملهاش طعم لا تعرفي تفرحى لها ولا تزعلى منها انها اخفت عنك اخبارها الطيبة او حتى الماساوية ...

بعد صدمات متعددة ونقطة فاصلة بينى وبين الاخريات 

واكتشفت ان فيه كتير جدا لما انا وقفت مكانى فهمت انهم اصلا بعيد عنى ، انى باسال واقرب واساعد واعرض انى اساعد وفجأة توقفت لظروف ما وفهمت حاجة فى غاية الاهمية 

ان صاحبتى مش بالضرورة اكون صاحبتها .

الحمدلله لما شفتهم انهم بره حياتى وادركت الهوة بينا الله عزوجل رزقنى بصديقات فى غاية الروعة 

لاقيتهم بيقدرونى ويحترمونى ولله الحمد ..

 (هذا من فضل ربي )💗💐

من غير وزن

#كلمتين _على جنب 

#من غير وزن 

: فيه ناس تقيلة وناس خفيفة وناس ملهاش وزن .

ده مشهد فى مسلسل اوجينى استوقفنى برغم أن الممثل للمشهد ده تخين وله وزنه وشغلته فى المستشفى وصديق للبطل الا أنه حاسس أنه ملوش وزن وقال جمل تعبيرية كفيلة تعافيه من الإحساس أنه مش موجود لان اكتر حاجة لعدم التعافى من مرض نفسي هى عدم المعرفة بالمرض أو عدم الاعتراف ان فيه مرض 

لكن هو عرف يعبر عن مشكلته وعرف يترجمها لجمل رائعة بسيطة وسهلة إلا أنه ماعرفش يتعافى حتى بعد زوال السبب 

الام كانت مسيطرة جدا ولاغياه تماما .

وهو قال أنا كل أدوات النفى عندى ماتعملش ماتقولش ماتحسش ماتطلبش 

ودى فعلا نتيجة طبيعية لكل ادوات النفى تنتفى معاها الكينونة والإرادة وتنتهى معاها الرغبة فى الحياة .

عقله يحصل له شلل فى التفكير ولسانه يتوقف عن التعبير عن نفسه( انا عاوز ايه ومش عاوز ايه واقدر اقول لأ لأى شئ مفروض على) .

والقلب يتدفن جواه كل حلم وكل مشاعر تنبض جواه ..ولو حاول يتمرد والمارد اللى جواه يخرج..بيخرج فى الضلمة ويعمل اللى نفسه فيه بس فى السر محدش يعرف ...ويتعايش مع الاحساس الانفزابل أنه متخفى ومش باين ويتعامل مع كل المحيطين به أنه مش موجود ...

احساس بشع والتعافى منه بياخد وقت ويبدأ من الثقة فى نفسه ويعرف قدراته ويعرف حقه أنه يتكلم ويعبر عن نفسه وحقه أنه يغلط لأننا كل البشر خطائين وحقه أنه يكون فيه عيوب لان كل البشر محدش فيهم كامل الكمال لله وحده ..ووقتها هيقدر يقول لأ ..مهما حصل ومهما كانت العواقب المهم القدرة أنه يقول لأ 

وقتها هيشعر أنه موجود ووجوده مهم وله لازمة ومحدش يقدر ينكره عليه 

#بقلم_# جيهان بركات 🌸

الصحاب

#الصحاب 

مشاعرهم ممكن تكون اقوى من الاخوات ، اقوى من صلة القرابة ، وممكن تكون لكى سند ودعم وسرعة استجابة قبل الاهل ،

بس هنا اعملى وقفة وانتبهى ،بلاش تنجرفي ورا مشاعر ممكن تكون مزيفة براقة مش هتقدرى تشوفى اللى وراها 

فيه صاحبة تاخد زوج صاحبتها او خطيبها بمنتهى الاريحية

وفيه صاحبة تاخد احلامك وافكارك وتحققها بسهولة وتنسبها لنفسها ،

وفيه صاحبة تاخد طاقتك تستمد طاقتها منك شكاية وزنانة ومحبطة تشتكى من مرض وازمة مالية وازمة مع زوجها ولو حاولتى تحلى تخلق لك مشكلة فى كل حل 

وفيه صاحبة عاملة صاحبتك  ،مش عاوزة منك غير طلب ومصلحة ولما تخلص تبعد وتفتكرك عند اول مصلحة 

وفيه صاحبة  هى صاحبتك لكن انتى مش صاحبتها ، لما تسأل عنك احيانا لما تعرفى اخبارها بالصدفة لما تخبى عنك افراحها وتعرفيها على اخر لحظة ووجودك تحصيل حاصل ، لما ترفض الحل منك لمشكلتها وبعد كده تنفذ الحل من غير ماتقولك ، لما انتي مش جزء اساسي فى تفاصيلها وهى جزء اساسي فى تفاصيلك ، لما تتعامل معاكى كالغريبة وتتعمد تخفى عنك وتصدر لك الاحساس فعلا انا اخفى عنك يمكن عشان بتحسدى يمكن عشان مش مهم تعرفي يمكن عشان انتى مش فى حساباتها  .

كل اللى فات ده واكتر منه فى تحليل الصداقات مؤلم وبيوجع اوى ويحبط ويفقد الثقة فى الاخرين ويسبب العزلة عن الناس عشان بنستكفى ألم من الغير ، 

ننسحب ونقولهم كفاية بقي  🥺

كلمتين على جنب

#كلمتين _على جنب 

#كنت فاكرك اذكى من كده 

جملة بتتقال فى كل الافلام والمسلسلات ،وبالتالى الناس بترددها فى الخناقات عشان يكبت الطرف التانى فى الخناقة ويحرجه 

كنت فاكرك اذكى من كده يقوم السامع يبدأ فى الدفاع عن نفسه ويبرر موقفه ، او الكلام يقف فى زوره لانه طلع مش ذكى زى التانى متوقع وياعينى اتصدم ،

واللى قال الجملة قلب الدفة ناحيته وهو اللى بيجدف فى البحر والمستمع بيتهزا ويتهان ويسمع بقي درر من التوبيخ واللوم عشان انت مش ذكى بس لأ مش فاهم حاجة فى العموم ومش بتعرف تتصرف وممكن توصل انك مالكش لازمة فى الدنيا أساسا...

مع ان الحل بسيط جدا 

: انا كنت فاكرك اذكى من كده 

: ماهى دى غباوة منك !

كان عندى عيال

#تقبل امك زى ما هى 

ماتحاولش تغيرها ولا تحاول تعدلها .انت ما شفتش هى عاشت قبلك ازاى ولا حصل معاها ايه عشان تبقي انت توصل للمرحلة دى ...ارحموا امهاتكم من السخرية منهم ...ومن  الزهق منهم ...أو الإحساس بالضجر 

هى مرت بمراحل كتير وابتلاءات كتير وهموم كتير عشان توصل انت تبقي راجل وانتى تبقي ست البنات ...انتوا كأبناء ماجيتوش الدنيا كده من فراغ ماجيتوش صدفة ...

انتوا موجودين بقدر ...انها تكون امك ده قدر انك تتربي بالاسلوب ده قدر ..

انت ايه دلوقت ده اختيارك تبقي انسان تصرفاتك سلوكك تفكيرك اختيارك .

اوعى تفكر تحاسبها على تصرفاتها معاك زمان هى دى طاقتها وقتها تعمل ايه معاك وتربيك ازاى 

اوعى توقفها تحاسبها انتى قلتى كذا والا عملتى كذا ..

الام ما تتحاسبش ولا تتعاقب ولا تحسسها بالذنب 

تقبل امك زى ماهى ..عشان الدنيا تتقبلك زى ما انت .

امك ثم امك ثم امك ثم ابوك ...

بلاش تلغوا الام فى كل امور حياتكم عشان للاسف هتجنوا ثمرة الإلغاء دى ...امك مهما كانت هتقعد شوية وتمشى وانت تجنى اللى زرعته ...

امك _ثم امك _ثم امك _ثم ابوك .

بقلم 📝 جيهان بركات 🌸

امك

#تقبل امك زى ما هى 

ماتحاولش تغيرها ولا تحاول تعدلها .انت ما شفتش هى عاشت قبلك ازاى ولا حصل معاها ايه عشان تبقي انت توصل للمرحلة دى ...ارحموا امهاتكم من السخرية منهم ...ومن  الزهق منهم ...أو الإحساس بالضجر 

هى مرت بمراحل كتير وابتلاءات كتير وهموم كتير عشان توصل انت تبقي راجل وانتى تبقي ست البنات ...انتوا كأبناء ماجيتوش الدنيا كده من فراغ ماجيتوش صدفة ...

انتوا موجودين بقدر ...انها تكون امك ده قدر انك تتربي بالاسلوب ده قدر ..

انت ايه دلوقت ده اختيارك تبقي انسان تصرفاتك سلوكك تفكيرك اختيارك .

اوعى تفكر تحاسبها على تصرفاتها معاك زمان هى دى طاقتها وقتها تعمل ايه معاك وتربيك ازاى 

اوعى توقفها تحاسبها انتى قلتى كذا والا عملتى كذا ..

الام ما تتحاسبش ولا تتعاقب ولا تحسسها بالذنب 

تقبل امك زى ماهى ..عشان الدنيا تتقبلك زى ما انت .

امك ثم امك ثم امك ثم ابوك ...

بلاش تلغوا الام فى كل امور حياتكم عشان للاسف هتجنوا ثمرة الإلغاء دى ...امك مهما كانت هتقعد شوية وتمشى وانت تجنى اللى زرعته ...

امك _ثم امك _ثم امك _ثم ابوك .

بقلم 📝 جيهان بركات 🌸

تقبل امك زى ماهى

#تقبل امك زى ما هى 

ماتحاولش تغيرها ولا تحاول تعدلها .انت ما شفتش هى عاشت قبلك ازاى ولا حصل معاها ايه عشان تبقي انت توصل للمرحلة دى ...ارحموا امهاتكم من السخرية منهم ...ومن  الزهق منهم ...أو الإحساس بالضجر 

هى مرت بمراحل كتير وابتلاءات كتير وهموم كتير عشان توصل انت تبقي راجل وانتى تبقي ست البنات ...انتوا كأبناء ماجيتوش الدنيا كده من فراغ ماجيتوش صدفة ...

انتوا موجودين بقدر ...انها تكون امك ده قدر انك تتربي بالاسلوب ده قدر ..

انت ايه دلوقت ده اختيارك تبقي انسان تصرفاتك سلوكك تفكيرك اختيارك .

اوعى تفكر تحاسبها على تصرفاتها معاك زمان هى دى طاقتها وقتها تعمل ايه معاك وتربيك ازاى 

اوعى توقفها تحاسبها انتى قلتى كذا والا عملتى كذا ..

الام ما تتحاسبش ولا تتعاقب ولا تحسسها بالذنب 

تقبل امك زى ماهى ..عشان الدنيا تتقبلك زى ما انت .

امك ثم امك ثم امك ثم ابوك ...

بلاش تلغوا الام فى كل امور حياتكم عشان للاسف هتجنوا ثمرة الإلغاء دى ...امك مهما كانت هتقعد شوية وتمشى وانت تجنى اللى زرعته ...

امك _ثم امك _ثم امك _ثم ابوك .

بقلم 📝 جيهان بركات 🌸

بلاش تتجوز

بلاش تتجوز 👇

اه ووالله لو سمحت بلاش تتجوز لو: 

١- ناوي ما تصرفش على البيت كله (مش انت النص وهي النص، مش بيت طلبة هو)

٢- لو فاكر ان من حقك تضرب مراتك (ومحدش يقول لي الضرب في القرآن غير لما يقرا تفسير الضرب يعني ايه وتفسير النشوز يعني ايه)

٣- لو مش ناوي تسمع حكايات مراتك ( من حقها انها تلاقي حد تفضض معاه، وصدقني تفضفض معاك أحسن ما تفضفض مع أمها او صاحبتها، او اي حد تاني)

٤- لو مش ناوي تستحمل شوية نكد وزن (الستات بتحب الرغي والزن لانها بتشوف الحاجات بتفاصيل اكتر بكتير منك)

٥- لو فاكر ان العيال مسؤولية امهم؛ العيال مسؤولية والديهم(الاثنين) مش امهم بس

٦- لو فاكر ان الزوجة خادمة وتصرف على البيت وتاخذ بالها منك ( دي بقى اسمها نطاعة و الفاظ تانية مش حقدر اقولها) 

٧- لو حتسمع كلام أمك أو أبوك  أو أخواتك وتمشي ورا اي حد فيهم (دورك انك تسمع للكل وتراضي الكل من غير ما تيجي على مراتك) 

٨- لو ناوي لو لا قدر الله لو اتطلقتم تطردها من الشقة (انك تكتب الشقة باسم ابوك أو اخوك أو حركات التحايل )

٩- لو مش ناوي ترحمها وتعدي غلطاتها زي ما عايزها ترحمك وتعدي غلطاتك، وتقول كلام محن وحب (حتى لو مش حاسه) 

١٠- لو مش ناوي "تمثل" الاحتواء، اه تمثيل الاحتواء اهم حاجة، لانها محتاجة تحس بأهميتها عندك 

١١- تبذل مجهود في كل علاقة علشان تتاكد إنكم الاتنين مبسوطين 

١٢ - لو مش مستعد تقول آسف، حتى لو مش غلطان

١٣- لو مش مستعد تتعلم تكون زوج وأب (مش معنى انك اتجوزت انك بقيت زوج صالح، ولا معنى انك خلفت انك بقيت أب صالح)

١٤- لو مش حتخلي أصحابك مش هم الاولوية، وبيتك هو الاولوية 

١٥- لو حتطبق الشرع في حقوقك ومش في واجباتك

١٦- لو مش مستعد تحسن من نفسك علشان تعجب مراتك (زي ما عايزها تعمل اعمل)

هي مش مراتك، أنتم الاثنين حتكونوا كيان واحد أسمة "زوجين"

لو مش ناوي تعمل ال ١٦ حاجة دول ، بلاش جواز لو سمحت، المشرحة مش ناقصة قتلة ..

وفي النهاية السعادة الزوجية ليست حلم بعيد المنال ، فقط تحتاج إلى ذكاء المرأة وتضحية الرجل حتى يعيش الطرفان حياة زوجية مستقرة وسعيدة وبعيدة عن أي شجارات أو خلافات.

لو متفق معايا اعمل share 

منقول

#د_أحمد_إسماعيل

دمتم في حفظ الرحمن 😍

مود

لفت نظرى المود اللى انا فيه باضحك واتحرك ومش مقفولة بالعكس مش عاوزة انام برغم تقليل الاكل إلا أنى مش تعبانة ولا زهقانة 

عاوزة اخرج واشوف الناس والشارع والسما 

بارتب لأى رحلة أو خروجة اه مش بتحصل عشان اللى معايا مش مساعدينى إلا أنى مش مضايقة ...

احساس ملفت للنظر 

كل ده عشان هو مش موجود .

حتى مش بافكر فيه ولو فكرت بالاقينى أكلمه كأنى شايفاه طلقنى كفاية كده 

حاول الانفصال يتم بهدوء واحترام ولو أن ده صعب عليك 

مش فارق معايا إنه مسافر يتفسح ويتغندر والله ما فارقة معايا اللى فعلا فارق معايا انه مش هنا. ولاقية هوا اتنفسه

طنط ماما 10

#طنط ماما ,10

هدى رتبت أمورها وظبطت مع ام مازن من غير ما حد يعرف وسافرت لوحدها ل نهلة كانت هاتتجنن عشان تطير لابنها ، هى زى نهلة موجوعة من تصرفات زوج غير. مسؤل 

كل همها ترد لها الجميل وتقف جنبها وهى بتولد وتاخد ابنها فى حضنها وتستقر ..

فاتت ساعات طويلة كأنها شهور وهى قلقانة وعاوزة توصل باى شكل قبل ماجد عشان ترتب كل شئ ، جت لها كذا مكالمة وكلها متربطة ببعض ، وقلقها مش هيهدى الا لما تيجى مكالمة محددة منتظراها من بدرى ..

واخيرا اتصل ...ماجد راح البيت عند هدى كالعادة من غير ما يتصل واما خبط على الباب محدش فتح ..نزلت جارتها قالت له دى سافرت بس مش عارفة فين ...

زعق جامد ازاى وليه وفين وازاى الجارة اتفزعت نزل له جارهم فيه ايه ما تتكلم بالراحة احنا مش خدامين عندك اتفضل امشى من هنا .

خاف ماجد ونزل جرى ولما وصل لاول. الشارع اتصل ب هدى كان عصبية راحت وغضبه قل .قالها سافرتى فين 

: سافرت ل نهلة اجيب ابنى 

: ماقلتيش ليه نسافر سوا انا جهزت نفسي وجبت شنطتى وعديت عليكى نسافر مع بعض حتى الظابط جاى معانا 

: قبل ماتيجى تمضى على ورقة عند الظابط انك مش هتاخد ابنى منى تانى .

: انا موافق تاخديه 

: متاسفة انا مش مطمنة لك لازم تمضى ورق رسمى والورقة مع الظابط امضيها هتيجى معاه مش هتمضى مش هتشوفنى ولا تشوف ابنك والمولود اللى جاى تانى واعمل اللى انت عاوزة وضيع مستقبلك وعمرك وانت بتدور علينا هاروح اعيش مع نهلة وولادك 

: ليه بتعملوا فى كده ؟ انتى ازاى بقيتى بالقسوة دى 

: قسوة ؟ دى قسوة دى تيجى ايه جنب غدرك وقسوتك واهانتك لى وضربك لى من غير سبب .انا كده رحيمة بك جدا

:.......    ............

: انا منتظرة تليفونك والظابط منتظرك تمضى تيجى مفيش امضاء مفيش عيالك .

قفلت السكة وقعدت تبكى الإنسان الحنون الطيب صعب عليه يقسي ...ده مش طبعها ولا من اخلاقها المساومة لكن مضطرة ، هى الظروف قهرتها وضغطت عليها وعاشت سنة محرومة من ابنها ماتعرفش عنه حاجة ولا بتشوفه بيكبر ادام عينها حرمها من سبب واتطلقت من غير سبب وجه الوقت تقول كفاية .

الوقت ده جه لما ملكت القدرة على اتخاذ القرار والقدرة على تنفيذه وقتها بس عرفت تقول كفاية وتنال حريتها .

بقلم  جيهان بركات 🌸

مصاصى الطاقة 2

📚 مصاصى الطاقة 

ناس كتير مستعجبة: إيه اللي يخلي واحدة زي مريم في حكاية "جدول الضرب" من مسلسل "نصيبي وقسمتك" تستحمل الضرب والإهانة؟ وشايفين إن ده شئ مش واقعي. شايفينها واحدة متعلمة ومن عيلة ومش مضطرة ماديا مثلا عشان تتحمل كل ده. أحب أقول لكم إن ده سيناريو واقعي جدا جدا. تعالوا أحكيلكم:🎤

شخصية آدم هي تجسيد للشخصية النرجسية المرضية Narcissistic Personality Disorder. 

آدم هو شخص عنده شعور داخلي بالضعف الشديد وانعدام الثقة بالنفس لكن بيحاول يعكس للي حواليه شخصية واثقة في نفسها زياده عن اللزوم عشان يعوض النقص الشديد اللي جواه. يعني بيروح من إكستريم لإكستريم، وبالتالي آدم بيستمد إحساسه بالقوة والثقة من قدرته على السيطرة على غيره. اللي زي آدم عادة بيدور على ضحية ناجحة وقوية عشان لما يسيطر عليها ويهدها يشعر بقوته وبإنه جامد قوي.

ضحية آدم عادة بتكون شخص empathetic. يعني شخصية عندها قدرة كبيرة على التعاطف مع الآخرين وإنها تحط نفسها مكانهم. عشان كده بتبقى شخصية متسامحة بتعذر وتقدر وتصبر وبتيجي على نفسها وبتحب بصدق. شخصية محتاجة (ممكن زيادة حبتين) للحب والعواطف والاهتمام. شخصية مابتعرفش تدي ده لنفسها لكنها محتاجة الآخرين يدولها ده. طبعا احتياجنا للحب والاهتمام ده احتياج طبيعي. بس ضحية الشخص النرجسي اللي بترضى تستمر في علاقة مريضة بالشكل ده هي شخصية عندها احتياج زائد أو احتياج مرضي.

ودي الطريقة اللي بيسيطر بيها الشخص النرجسي على ضحيته واللي بتخليه قادر يعاملها كده. 

العلاقة دي عادة بتعدي بـ 3 مراحل:📝

1. مرحلة الحب الجارف love bombing ودي المرحلة اللي فجأة بيهبط فيها الشخص النرجسي على الضحية وبيغرقها مشاعر ويعاملها أحسن معاملها ويديها اهتمامه كله وبتحس إنها طايرة وفي الجنة والوضع كله بيبقى too good to be true. ممكن جدا يعترفلها بحبه بعد أسبوع أو أسبوعين من معرفته بيها ويبتدي يتكلم عن الجواز ويبقى مستعجل. وهي عشان أصلا شخص بيدور على الشكل ده من الحب بتبلع الطعم وبتصدق إن ده حب حقيقي فعلا.

2. مرحلة التكسير devaluation ودي بتيجي بعد ما يكون الشخص النرجسي خلاص ضمن الضحية وحبها وولائها. يبتدي بأه يقول لها كلام يقلل منها ومن صفاتها ومن إنجازاتها ويهز ثقتها في نفسها ويوهمها إن هو الصح وهي الغلط. وتبتدي هي فعلا تصدق ده وتشك في نفسها.

3. مرحلة الترك discard ودي المرحلة اللي بيسيبها فيها بإنه بيخاصمها شوية ومايرضاش يرد عليها لمدة ساعات، أيام، أسابيع، أو شهور ... حسب الحالة بأه. وتفضل هي تحايله وتبقى عايزه تصالحه وهو متمنع. هي عندها عطش شديد للحب والعواطف فمش طايقه الخصام. وهو المحايلة والوجع اللي هي فيه بيرضي غروره وبيحسسه بالأهمية فبيسوق فيها.

📌

وبعد شوية لما هي بتزهق أو لما هو يجيله مزاج ينهي الحالة دي أو لو هي أخدت موقف وزعلت شوية زي لما كانت مريم أوقات بتزعل شوية بعد الضرب، يبتدي تاني يدي حب ومشاعر وتخش تاني في المرحلة الأولى وتتكرر ال 3 مراحل من الأول وتفضل العلاقة بتدور في دايرة التلات مراحل. وطبعا شوية بشوية المرحلة الأولى بتقصر والمرحلتين التانية والتالتة بيطولوا. وتفضل الضحية عايشة على الفتات اللي مستنياها لما ييجي معاد المرحلة الأولى. طبعا العلاقة مع الشخص ده علاقة مجهدة نفسيا وعاطفيا لأقصى درجة. بالذات إن الضحية شخصية حساسة وعاطفية والشئ اللي بيخليها مستمرة في العلاقة هو احتياجها العاطفي. فبتفضل متأرجحة بين الحب الجارف وبين حالة الصدمة الشديدة والوجع العميق. فوق قوي وتحت قوي. وتفضل كده زي اليويو. وده شئ طبيعي يسبب أمراض جسدية نتيجة الضغط الشديد.

📌

وطبعا الشخص النرجسي بيستخدم شوية تكتيكات بتمكنه من إنه يسيطر على ضحيته:

- إنه يلخبطها، يقول لها الحاجة وعكسها، ويوهمها بعكس اللي هي عارفاه طول عمرها أو شايفاه بعنيها. كلنا شوفنا ازاي لما ضربها أول مرة وصلها إنها في الآخر اللي اعتذرت له. طلعها هي اللي غلطانة مش هو. هو طبعا مابيغلطش أبدا وأي حاجة بتحصل هي دايما السبب فيها. وهو ملاك طاهر برئ وكل حاجة بيعملها مبررة. ولو حصل واعتذر مرة هتبقى جزء من ال love bombing phase مش أكتر.

- يشككها في كل اللي حواليها ويحاول يبعدها عن أصحابها وأهلها عشان يعرف يسيطر عليها.

- العقاب: في صورة معاملة جافة، ضرب، خصام، تريقة، إهانة من أي نوع. المهم إن الضحية دايما بتبقى ماشية على قشر بيض في العلاقة. خايفة تعبر عن نفسها ومشاعرها وأي حاجة جواها عشان خايفة من العقاب. وبالمناسبة العقاب ممكن أصلا ييجي من غير سبب ولا أي شئ قالته أو عملته.

- صعب تقعدي مع الشخص النرجسي قاعدة ناس ناضجين وتتناقشي مناقشة تطلعي منها بحاجة. مفيش حوار بناء واتنين بيحاولوا يوصلوا لحلول ترضي الطرفين. الكلام ده مش موجود في العلاقة دي. الحوار دايما بيتقفل والترابيزه بتتقلب، والشخص النرجسي دايما بيقول تعليقات سخيفة من غير ما يحاول يركز على المشكلة أو الموضوع محل المناقشة. والضحية دايما بتكون مش فاهمه حاجة وفي حالة توهان ومش واصلة لأي أجوبة على أي أسئلة.

- الشخص النرجسي مش بيقدر أي حاجة بتعملها الضحية. وبالتالي الضحية مهما بتعمل فهي دايما مقصرة ودايما مش كفاية وده بينعكس على إحساسها بعدم الرضا عن نفسها وإنها تستاهل المعاملة السيئة. وبتعيش في حالة أمل دائم إنها لو بذلت مجهود زيادة شوية الأحوال هتتصلح والعلاقة هتكون أحسن. وتفضل بأه بتسابق الريح طول العلاقة. أوهام طبعا. العلاقات دي مفيش منها أمل. وعمرها ما بتتحسن. هي بتسوء بس.

- ده غير تكتيكات تانية كتير زي إن يبقى حواليه ناس بتقويه وهو بيستخدم ده ضد الضحية، أو إنه يشعل غيرتها مثلا. 

📌

وبالمناسبة الشخص النرجسي عادة بيكون كداب وخاين، وده بيبان بعد فترة من العلاقة. وعادة الضحية بتشوف علامات من الأول لكنها بتكون ميالة إلى إنها تصدقه وتثق فيه وتكذب نفسها وعنيها وودانها وكل اللي حواليها. وكل ده في سبيل الحلم والوعد الكاذب بالحب والمشاعر والاهتمام.

📌

الشخص النرجسي في العلاقة دي شخص مريض بامتياز. وطبعا فيه درجات مختلفة من النرجسية. وموجوده في الجنسين لكن في الرجال بشكل أكبر. والعلاقات دي مش بالضرورة تبقى علاقات حب وزواج فقط، يعني النرجسي ده ممكن يبقى حبيب، حبيبة، زوج، زوجة، أب، أم، أخ، أخت، صديق، صديقة، زميل أو رئيس في العمل، أو حتى ابن أو ابنه. كل العلاقات الإنسانية وارد يظهر فيها نفس القالب ده من العلاقات لو توفر الطرفين دول.

📌

من بره بنبقى شايفين الخروج من العلاقة دي سهل جدا والأمور واضحة، خاصة لو فيه اعتداء جسدي. لكن في حقيقة الأمر إن الضحية بيبقى معمول لها brainwashing محترم، وبتبقى فعلا مصدقة إن فيه حب بيربط ما بينها وبين الجاني. وبتبقى متمسكة بالخيط الرفيع من الحب اللي هي متخيلة إنه موجود. وعشان كده الشئ الوحيد اللي خلى مريم تخرج من العلاقة دي هي إنها اتأكدت من الخيانة وإن حتى وهم الحب ده مش موجود. وعلى فكرة حتى في الحالات دي ممكن جدا يرجع لها ويلعب على عواطفها ويقول لها إنه اضطر وإنها هي اللي في القلب ويكمل في ال brainwashing وهي تصدق وتكمل عادي.

⁦✏️⁩

في حالات كتير من العلاقات دي الشخص النرجسي هو اللي بيقرر فجأة وبدون مقدمات إنه هو اللي يسيب الضحية نهائيا. وبيسموا ده ال final discard وده بيديله إحساس بالفوز بيخدم نرجسيته. وده عادة بيحصل بعد ما يكون هدم الضحية تماما وحولها من شخصية قوية ناجحة متوهجة مقبلة على الحياة لشخصية مكتئبة منهزمة تعيسة فاقدة الثقة في نفسها وبالتالي بيزهد فيها لإنها لم تعد تغريه كضحية. ويخرج من العلاقة للبحث عن ضحية جديدة.

📝

من المهم أن نعرف الحقائق الآتية:

1. أولا أن ضحية مثل هذه العلاقة غالبا ما تكون إنسانة متميزة. وبالتالي فكل الاتهامات التي يحاول الشخص النرجسي إلصاقها بها ما هي إلا افتراءات ليست فيها. فإن كنت ضحية مثل تلك العلاقات، فاعلمي أن الخطأ ليس بك وإنما في الجاني.

2. الخطأ الوحيد الذي يمكن أن يكون بك إن كنت استمريت في علاقة كهذه دون أن تنهيها سريعا هو احتياجك المرضي للحب والاهتمام والذي يدفعك للقبول بعلاقة مرضية والقبول بالإهانات من أجل الحصول على الفتات. إن كان احتياجك مرضي فهو غالبا ناتج عن نقص في المشاعر من الطفولة. وبالتالي فالخطوة الأولى هي الوعي والتحليل النفسي الذي يساعدك على تخطي مشكلتك.

3. الاحتياج المرضي ده هو اللي بيسهل عملية ال brainwashing وبالتالي عملية السيطرة على الضحية، السيطرة على أفعالها وأحلامها وأفكارها وتصرفاتها وتغييرها والتدخل في كل صغيرة وكبيرة في حياتها لدرجة تقرير أكلها وشربها ومواعيد نومها وخروجها وكل حاجة. هو حب السيطرة من أجل السيطرة وتحويلها إلى دمية وسلبها من حريتها وإرادتها الكاملة لتصبح كيان تابع للجاني وليست شخصية مستقلة بذاتها.📌

4. أن الشخص المصاب بداء النرجسية هو الآخر نتاج مشاكل منذ الطفولة. فهو عادة تم تربيته على يد أب أو أم نرجسيين أو تم إهمال مشاعره أو التقليل منه بشده من الصغر. علاج هذا الداء صعب جدا جدا. ولا يمكنك أنت كضحية فعل أي شئ. ولو كان هناك أمل في العلاج فيجب أن ينبع من رغبة صاحب المرض في العلاج. وهو ما يصعب الأمر، لأن الشخص النرجسي عادة لا يريد أن يعترف أمام الآخرين أو حتى أمام نفسه أن لديه مشكلة.

5. الحل الوحيد أمامك هو الخروج من تلك العلاقة فورا لكي تنجو بنفسك (وبأولادك في حالة وجود أولاد) من علاقة مؤذية لا أمل فيها.⁦✏️⁩

6. في حالات كثيرة يصعب على المحيطين بالضحية تفهم المعاناة التي تمر بها، وأنها تمر بأحد أشد حالات ال emotional abuse والتي تجعل من الصعب عليها رؤية الحقيقة وإن حدث واستبصرت فإنها تمر بفترة غير سهلة من الاستشفاء. الانفصال من علاقة تعرض فيها الإنسان لأذى نفسى وعاطفي غير الانفصال عن أي علاقة أخرى. 📝

علينا جميعا محاولة تفهم ما تمر به ضحية الشخصيات النرجسية والصبر عليهم والوقوف بجانبهم حتى وإن لم نفهم ألمهم بشكل كامل. فغالبا لن يفهم ذلك الألم إلا من مر به حقا. وعفانا الله جميعا من الألم النفسي.

#Narcissist #Narcissism #NDP

النرجسية 2🤔

❀العقدة النرجسية (الاشخاص النرجسين)

العقدة النرجسية أو ما يُعرف باضطراب الشخصية النرجسية واختصارها (بالإنجليزية: NPD)، هي اضطراب يُصيب كثير من الناس؛ بحيث يجعلهم معتزّين جداً بأنفسهم ويشعرون بالحاجة الملحة لإبداء الآخرين إعجابهم واهتمامهم بهم، ويكون المصابون بهذه العقدة غير راضين بشكل عام، ويُصابون بسهولة بخيبة أمل عند عدم منحهم الثناء والاهتمام بشكل كبير، والذين يعتقدون أنّهم يستحقونها، ولا يُحب الناس بشكل عام التعامل مع النرجسيين بسبب شعورهم أنّهم مغرورون، وهذا يُسبّب مشاكل كثيرة في العمل، والبيت، والمدرسة، والكثير من الأماكن.

❀أعراض العقدة النرجسية

تختلف أعراض العقدة النرجسية من شخص إلى آخر حسب درجة الاضطراب عنده، أمّا الأعراض العامة للمصابين بهذه العقدة فهي كالآتي:

✾شعور مبالغ فيه بأهمية الذات.

✾الشعور بالأحقية، والحاجة إلى الإعجاب المستمر والمفرط من الآخرين.

✾صعوبة في تنظيم مشاعرهم وتصرفاتهم.

✾توهّم النجاح، والجمال، والقوة.

✾الشعور بالتفوق، وأنّه لن يكون إلّا مع من يُعادله في هذا التفوق.

✾احتكار الأحاديث، والتقليل من شأن المحيطين.

✾توقع امتثال الجميع لرغباتهم وطلباتهم.

✾المزاجية والاكتئاب عند البعض بسبب عدم الوصول للكمال.

✾استغلال الآخرين للوصول إلى أهدافهم.

✾التصرف بغطرسة وعجرفة مع الآخرين.

✾امتلاك مشاعر خفية بالضعف، والإهانة، وانعدام الأمان.

✾نفاذ الصبر بسرعة ونوبات من الغضب.

✾مشاكل في التكيّف مع التغيرات والتعامل مع الضغوطات.

✾ لإصرار على الحصول على أفضل الأشياء في كلّ نواحي الحياة.

✾رفض محاولة فهم احتياجات الآخرين ومشاعرهم.

✾حسد الآخرين والتوهم بأنّ الجميع يحسدهم.

 

سلسلة كيف نستقبل رمضان 2🌙🌟

 11

🌺🍃 استعد لرمضان بزيادة الإيمان 🍃🌺

            🌙 الدرس الحادي عشر 🌙

🔁 ننتقل إلى المبحث الرابع (نعتني بالوصوفات).

🍃 ورد في كتاب الله ـ عز وجل ـ أوصاف -وهي بحر واسع –

🔻• أوصاف لأهل الإيمان، للإيمان وأهله

🔻• أوصاف وللكفر وأهله أوصاف.

 

📍تحت الإيمان:

• ستجدي أوصافاً للذين اتقوا

• أوصاف للذين أحسنوا

• أوصاف للمخبتين.

📍وتحت الكفر:

ترين كذلك أوصاف لهم.

 ⏪ الآن وأنت سائرة في طريقك في القرآن كلما وصف لك وصف قال لك {إِنَّ اللّهَ يُحِبُّ الْمُحْسِنِينَ} في أخر الآية 👈🏻 لازم أرجع من البداية، أين هم هؤلاء المحسنين في السياق؟ إذًا الذي يفعل كذا وكذا وكذا اسمه عند الله محسن، ماذا يحصل⁉️.   💫 يحبه الله، 

🍃 {إِنَّ اللّهَ لاَ يُحِبِّ الْمُعْتَدِينَ} من هم هؤلاء المعتدين؟ فارجع إلى الوراء من هم المعتدين؟ الذي يفعل ويفعل ويفعل، 

🌀من أجل ذلك نحن نقول تجلس مع القرآن يقول لك الله يحب المتقين يحب المحسنين، وبعد ذلك تجد فرصة للإحسان ولا تحسن! وتقول أصلاً الناس ما يستاهلوا! 👈🏻أنت الآن قرأت {إِنَّ اللّهَ يُحِبُّ الْمُحْسِنِينَ} ما بك⁉️ ألست تحب أن الله يحبك❓ يكفيه أن يتعرض لمحبة الله. 

🍃واضح لكم كيف يقوم الإنسان عن القرآن ناقص، يعني تأتي الآية يقول لك ترى الله يحب منك أن تفعل كذا، ولو فعلت كذا يحبك سمعت، 

👈🏻وتأتيك الفرصة، أنت لا تتصور أن يقول لك في القرآن ولا تأتيك الفرصة، على طول يأتيك الاختبار، هل تحسن أو ما تحسن❓ ستتعرض لمحبته أو ما تتعرض❓

 

⬅تحفظ سورة الإنسان وأنت تحفظ تأتيك {إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُوراً} هذه وصوفات أهل الجنة الأبرار، إنهم كانوا في الحياة يحسنون ولا يريدون جزاءً ولا شكوراً، 

🌱 ويصير موقف بسرعة أحد تعطيه تحسن إليه وبذلت جهد من أجل أن تُحسن إليه، بسرعة أنت تحفظ ثم خرجت وصار هذا الموقف، حتى شكرًا لم يقل، وأنت راجع بالسيارة تقول حتى بخل علي بشكرًا، طيب الآن كنا نقرأ ماذا❓ {لَا نُرِيدُ مِنكُمْ جَزَاء وَلَا شُكُوراً} 

↩ وما أنساه إلا الله أن يقول لك شكراً، من أجل أن يأتيك الاختبار، من أجل كم مرة نقول والله أنا أحفظ وأتمنى أن أكون من أهل القرآن،

🎐 إذا كنت من أهل القرآن تعال إلى هذه الآية وانتفع بها.🍃

 

🌿 هذه الوصوفات بالذات أطول مبحث في القرآن، ستجد نفسك تقف عند نصوص تكلّمك عن أوصاف أهل الإيمان، وهي متعددة المتقين المحسنين المخبتين، وكل واحد من هذه لها صفات، وهذا يعتبر أطول مبحث وهذا الذي دائماً نجعله في الأعمال طويلة الأجل، وكلما مشيت في القرآن ووجدت وصفاً أتقن أهله، 👈🏻لكن نحتاج إلى تدريب من أجل أن نتصوره. 

🌟الآن هذه وصوفات أهل الإيمان وأهل الكفر نضيف عليها وصوفات الإنسان عمومًا، هذا مبحث أخر داخل الوصوفات، وصوفات الإنسان عموماً، يعني أيّ واحد يريد أن يفهم كيف يعلم الناس؟ كيف يدرسهم؟ كيف يعالج مشاكلهم ماذا يفعل؟ يلم ّكل وصف وصفه الله عز وجل للإنسان في القرآن،

🔻 {خُلِقَ الْإِنسَانُ مِنْ عَجَلٍ} 

🔻 {خُلِقَ الإِنسَانُ ضَعِيفاً} جزوع- منوع- 

🔻 وصف الإنسان بأنه {إِذَا مَسَّهُ الشَّرُّ كَانَ يَؤُوساً}كفور، 

↩ فيتبين لي ترى أنا إنسان من هؤلاء الناس فيتبين لي لماذا أول ما ينزع الله مني نعمة على طول أصيب باليأس أن الله عز وجل  يعيدها لي؟ 

📍ومعنى إني يئست أنه يعيدها لي إني جمعت بين أمرين: 

💫بين يأس 💫وكفر بما مضى، 

👈🏻 لأن الواحد لو أخذت منه النعمة اختبارًا وامتحاناً ييأس أن الله ـ عز وجل ـ يبدله إياها بخير منها، كأنه كفر بأن الله هو الذي أعطاها، فجمع في وصف هذا بين أمرين: 

بين أنه يؤوس وأنه كفور، إذًا تعال وابحث ما حالنا وقت ما تنزع منا النعم؟ القرآن وصف لك.

 

 

🔁 يأتي أمر غاية في الأهمية المبحث الخامس: وهو وصف الجنة والنار.

🍃 وهذا مبحث غاية في الأهمية، لأن في الحديث عن النبي ـ صلى الله عليه و سلم ـ  قال: ((مَنْ شَهِدَ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ ، وَأَنَّ مُحَمَّدًا عَبْدُهُ وَرَسُولُهُ ، وَأَنَّ عِيسَى عَبْدُ اللهِ وَرَسُولُهُ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ وَالْجَنَّةُ حَقٌّ وَالنَّارُ حَقٌّ أَدْخَلَهُ اللَّهُ الْجَنَّةَ عَلَى مَا كَانَ مِنَ الْعَمَلِ)) 

🌿 فلابد أن تتصور أهمية شهادتك بأن الجنة حق وأن النار حق، تقولين موجود في قلبي أن الجنة حق وأن النار حق، لا زلنا نقول أن القرآن سبب لتعميق الاعتقادات، كلما زاد سمعك وفهمك لكلام الله كلما زاد عمق اعتقادك، وهذه المسألة للأسف مُهْمَلة حتى الكلام عن الجنة والنار لا نجد نفسنا نقف أمامه من أجل أن نفهمه بعمق، لابد أن تتصور بماذا وصفت الجنة؟ 

❓لماذا؟ لأن شيئًا من وصوفات الجنة أنت تذوقه في الدنيا، فلما تفهم أن هذا ذوق من شيء من نعيم الآخرة، ماذا يحصل في القلب؟ 👈🏻 الشوق، 

🍃والشوق هذا الذي ينقصنا، نحن نمشي مثل الآلة لا يوجد هذا الطموح والشوق الحقيقي، فلابد أن تشوق نفسك بالمعرفة العميقة وليس السطحية.

 

⏪ مثال: شجرة السدر وُصفت أنها من نعيم الجنة قال سبحانه وتعالى {فِي سِدْرٍ مَّخْضُودٍ} نحن نحفظ الآية لكن لا نربط أن هذه شجرة السدر هي المقصود هناك في الجنة، بماذا وصف السّدر؟ أنه مخضود يعني ماذا؟ سؤال استفهام مهم يدل على ماذا؟ لا أريد إجابة الآن، هل شعرت أن هذه الكلمة السدر يعني المقصود بها هذه الشجرة ماذا يكون حالها؟ ولماذا هذا الوصف الذي وصفت به ما معناه؟ 

🎐المقصود من سؤالي أن يتبيّن لنا أن هناك هجر لمعرفة معاني أشياء محفوظة ولا يوجد ربط، يعني هجر مع عدم ربط، كثيرين حافظين لكن المشكلة الربط والفهم.

 

🌿 على كل حال القصة ليست مجرد إحباط القصة هي أن ننتبه ويصبح عندنا شيء من الربط، بعد ذلك ستجد أن أعرابياً أقبل على النبي ـ صلى الله عليه وسلم ـ  وسأله عن شجرة السدر: 

❓ كيف يكون في الجنة شجرة تؤذي صاحبها لأن فيها شوك؟ فرد عليه النبي صلى الله عليه وسلم بالآية، وأنها منزوعة الأشواك، 👈🏻 فانظر كيف الأعرابي واعي لما سمع في نعيم الجنة أن هناك شجرة سدر وهو يعرف شجرة السدر مملوءة بها الشوارع، لكن الجنة مختلفة،

↩ المقصد الأن هذه الشجرة في الدنيا كلها أشواك فالأعرابي سأل النبي ـ صلى الله عليه وسلم ـ كيف شجرة في الجنة تؤذي صاحبها؟ فكان الجواب في نفس الآية، الشاهد من كلام الأعرابي أن سؤال استفهام أُثير في ذهنه وفكر فيه وسأل النبي ـ صلى الله عليه وسلم ـ المشكلة في من يقرأ ولا يخرج معه سؤال استفهام. 

‏🎐يتبع باذن الله 👋

مـدوّنـــة (عِـلْـمٌ يُـنْـتَـفَــعُ بِــهِ)

 

🌺🍃 وصلى اللهم وبارك على النبي محمد ﷺ وعلى آله وصحبه وسلم تسليماً كثيراً 🍃🌺

🍃💕 جزى الله خيراً كل من ساهم في نشر هذا الخير 💕🍃 

سلسلة كيف نستقبل رمضان 1🌙🌟

1

🌺🍃 استعد لرمضان بزيادة الإيمان 🍃🌺

            🌙 الدرس الأول 🌙

 ((نبدأ مستعينين بالله وحده))

‏🌙لنعتبر رمضان ضيف -وهذه هي الحقيقة- ولننظر متى سنستعد❓متى سنستقبله؟❓❓

دائمًا الناس يسبقون الاستقبال بالاستعداد؛ وعلى قدْر مكانة الضيف على قدْر الزمن الذي يُقضى في الاستعداد.❤

... 

🌿ولنا في صحابة النبي ـ صلى الله عليه وسلم ـ خير قدوة ومثال، فقد كانوا قبل أن يأتي زمن رمضان بستة أشهر وهم يطلبون من الله أن يبلغهم رمضان وهم في خير حال.●●

لكن السؤال: بماذا يستعد لرمضان❓بكلمة واحدة مختصرة يستعد لرمضان بالإيمان...

وسيتبين لنا ماذا نقصد بالإيمان وكيف يكون هذا الاستعداد!!

  نبدأ بالقاعدة التي تقول:

↩تَعَرَّفْ إِلَى اللَّهِ فِي الرَّخَاءِ يَعْرِفْكَ فِي الشِّدَّةِ.

لكن أين الرخاء وأين الشدة في موقف مثل موقف رمضان❓ما علاقة الرخاء والشدة برمضان وغيره من الشهور❓

• الشدة: 👈وقت ضيّق ووضع حرج، الإنسان يريد أن يخرج منه إلى نتيجة.

... • والرخاء:👈 وقت فيه سعة.

وقد أقسم -سبحانه وتعالى- بالعصر الذي هو الزمن، العمر الذي هو رأس مال الناس، ثم بعد هذا القسم انقسم الناس لنوعين:

‏• 1⃣ ناس في خسر.

‏•2⃣  وناس في ربح.

نحن في هذه الأيام (رجب وشعبان) يعتبر زمن رخاء، وتأتي الشدة في رمضان. 

يقال لك: تضاعف الأعمال، الفرص أكثر، نريدك أن تقوم الليل، وتصوم 

النهار وتختم القرآن وتحسن إلى الوالدين وتفعل وتفعل... كلها مرة واحدة في ثلاثين يوم!

🌱لو كنت مقطوع الصلة بهذه الأعمال ماذا سيكون عليك❓ ❓

سيكون من الصعب جدا أن تمارسها كما ينبغي جامعًا قلبك كما ينبغي...

‏🎐في 30 يوم يقال لك: 🍃

كلما أكثرت من (قراءة القرآن) 

كلما "ارتفع أجرك وعظم". 

🔻ويقال لك: 

كلما وقفت على قدميك تقوم في الليل جامعاً قلبك كلما زاد أجرك إلى أن تأتيك الشدة في العشرة الأخيرة،

🔻ويقال لك: 

قلل من نومك وقلل من وقت أكلك واغتنم العشر.

‏⬅هل تتصور أن هذا أمر يستطيعه شخص لم يعط نفسه فرصة للاستعداد❗

لا، ثم أنت إذا تعرّفت إلى الله في الرخاء يعرفك في الشدة …♡

⇜ فما موطنه هنا في رمضان❓

‏🎐موطنه :

أنه لو تعرفت إلى الله بالأعمال الصالحة؛ بقراءة القرآن بكثرة ذكره، بمحاولات "جادّة" لقيام الليل ما استطعت إلى ذلك سبيلاً …

↩ وفقك الله ، لماذا ؟؟؟

(لإحسانها) ..ليس مجرد ممارستها، وإنما للإحسان فيها في رمضان ♥

🌱تصور عندما تدخل إلى رمضان والعهد قريب بهذه المعارف، ماذا سيكون❓

ليس تعرف لهذه المرة ،

ليس تعرف السنة الماضية لرمضان ..

‏⏪سيكون ها هو قريب العهد ،،

((فالتعرف إلى الله في الرخاء يورثك إحسان في الشدة)) •°•°

‏💡وهذه [القاعدة] تنفع في الدعاء، في الصلاة، تنفع في سائر أحوال العبد. 

★•° تعرف إلى الله في الرخاء، عندما يكون لديك وقت، والأمر ليس في حال اضطرار ويبقى لسانك لاهجًا بالدعاء 

⇦ وقت الشدة ستجد لسانك طلقًا في دعاء الله🍃

🔻إذا كان حالك في الرخاء أنك طوال الوقت تدعو الله 

⇦ عندما تأتي الشدة سينطلق لسانك في دعاء الله وهكذا ... 

🌿أنت في هذا الزمن اعتنيت بالقرآن اعتنيت بالإيمان 

⇦ في رمضان وقت الشدة وقت الضيق ستجد نفسك تستطيع أن تحسن في زمن ضيق.💟

‏🎐قال الشيخ عبد الكريم الخضير -حفظه الله- عضو اللجنة الدائمة للإفتاء :

🌱"الإنسان يذهب في الأوقات الفاضلة وفي الأماكن الفاضلة ليتفرّغ للعبادة لكنه لا يعان !!! لماذا❓" 

🔻يذهب في رمضان ويترك كل شيء !! 

يذهب ويترك أحواله وأوضاعه ويذهب إلى مثلاً أحد الحرمين ليتفرغ للعبادة ، لكن يجد نفسه (لا يعان) ⤵

يجد نفسه نعسان، يجد نفسه متشتت، لماذا ؟؟!!

🔻قال: "لأنه لم يتعرّف على الله في الرخاء، يهجر القرآن طول العام، وإذا ذهب إلى الأماكن الفاضلة يريد أن يقرأ القرآن في يوم كما كان عليه السلف أو في ثلاث أيام ❗

‏◀ كلا، لا يمكن" 

‏👈لابد أن تكون في الرخاء قد عمرت أيامك من أجل أن "تعان" على الإحسان، لا تعان على الإحسان إلا عندما تتعرف إلى الله في الرخاء. 

‏🍂يقول: "ويسمع الحديث الصحيح: ((مَنْ حَجَّ فَلَمْ يَرْفُثْ وَلَمْ يَفْسُقْ رَجَعَ كَمَا وَلَدَتْهُ أُمُّهُ)) ⬅ ويقول: (المسألة أربعة أيام، لن أتكلم بكلمة)؛

ولكن هل يستطيع أن يسكت؟! 

هل يعان على السكوت؟! 

لا يمكن وقد فرط في أوقات الرخاء!".💔

🌿•° وعلى هذا سنخرج من هذا النقاش بمسألة غاية في الأهمية من كلمة قالها الشيخ (لكنه لا... يعان) ⏪العبادة منك يا عبد "الاستعانة" ،

الفضل من الله أن "يعينك" ، فأنت لا تتصور أنك محسن بقوتك، لا تتصور أن إحسانك في رمضان بقوتك. 

🌱وقد اتفقنا سابقاً على هذه القاعدة ولا زلنا ونكررها: 

✘ابتلاؤنا ليس في قوانا الذاتية. نحن أصلاً عبيد لا قوة ذاتية عندنا، إنما كل بلائنا في ⬇

[قوة استعانتنا بالله] ففي الرخاء تدرب نفسك على العمل الصالح مع الاستعانة، الجزاء أنك وقت الشدة تعان.

🔻ثم قال الشيخ: 

"ورأيت شخصاً في العشر الأواخر من رمضان بعد صلاة الصبح، وظاهره الصلاح قبل أن يقول: أستغفر الله، أستغفر الله، أستغفر الله، شغل الجوال وتكلم إلى أن انتشرت الشمس"❕❗

هذا الوقت يعتبر وقتاً فاضلاً في الأيام العادية فكيف في رمضان كيف في العشرة الأخيرة كيف وهو في الحرم ؟!!! 

فتصور الجمع بين كل هذه الفضائل بعد ذلك هذا الرد. 

🔻قال الشيخ: 

"فهل مثل هذا يليق بمسلم هجر أهله ووطنه وتعرض لنفحات الله أن يكون بهذه الصفة، وعلى هذه الحالة؟!" انتهى كلامه. 🍃

‏⏪الجواب: لا، طبعاً، لكن السؤال لماذا يحدث مثل هذا❓ لماذا نجد أنفسنا في الحرم مثلاً ونفتح المصحف بعد ما نقرأ آية أو نقرأ صفحة نجد نفسنا نتلفت يمين ويسار❓ لماذا لم نعان على أنفسنا❓

↩لأن العبد من أجل أن يعان لابد أن يعبد الله-عز وجل-بعبادة الاستعانة، وهذا يحتاج إلى تدريب إلى زمن ويكون هذا الزمن في وقت الرخاء.

‏🌹((سلسله درووس الأستاذة :أناهيد السميري))

🌺🍃 وصلى اللهم وبارك على النبي محمد ﷺ وعلى آله وصحبه وسلم تسليماً كثيرا

النرجسية 4

الحلقة الجديدة: 12 علامة تنبهك إنك في علاقة نرجسية!
https://www.youtube.com/watch?v=-BkmBLolky4
ما هي العلامات التي تجعلك تنتبه إنك في علاقة نرجسية وتتعرض للتلاعب النفسي والخداع بغرض السيطرة والاستغلال؟ الباقي في قائمة حلقات فخ الطاووس، رجاء الرجوع لها فيها إجابات على معظم اسئلتكم عن الشخصية النرجسية..

النرجسية 2🤔

❀العقدة النرجسية (الاشخاص النرجسين)

العقدة النرجسية أو ما يُعرف باضطراب الشخصية النرجسية واختصارها (بالإنجليزية: NPD)، هي اضطراب يُصيب كثير من الناس؛ بحيث يجعلهم معتزّين جداً بأنفسهم ويشعرون بالحاجة الملحة لإبداء الآخرين إعجابهم واهتمامهم بهم، ويكون المصابون بهذه العقدة غير راضين بشكل عام، ويُصابون بسهولة بخيبة أمل عند عدم منحهم الثناء والاهتمام بشكل كبير، والذين يعتقدون أنّهم يستحقونها، ولا يُحب الناس بشكل عام التعامل مع النرجسيين بسبب شعورهم أنّهم مغرورون، وهذا يُسبّب مشاكل كثيرة في العمل، والبيت، والمدرسة، والكثير من الأماكن.

❀أعراض العقدة النرجسية

تختلف أعراض العقدة النرجسية من شخص إلى آخر حسب درجة الاضطراب عنده، أمّا الأعراض العامة للمصابين بهذه العقدة فهي كالآتي:

✾شعور مبالغ فيه بأهمية الذات.

✾الشعور بالأحقية، والحاجة إلى الإعجاب المستمر والمفرط من الآخرين.

✾صعوبة في تنظيم مشاعرهم وتصرفاتهم.

✾توهّم النجاح، والجمال، والقوة.

✾الشعور بالتفوق، وأنّه لن يكون إلّا مع من يُعادله في هذا التفوق.

✾احتكار الأحاديث، والتقليل من شأن المحيطين.

✾توقع امتثال الجميع لرغباتهم وطلباتهم.

✾المزاجية والاكتئاب عند البعض بسبب عدم الوصول للكمال.

✾استغلال الآخرين للوصول إلى أهدافهم.

✾التصرف بغطرسة وعجرفة مع الآخرين.

✾امتلاك مشاعر خفية بالضعف، والإهانة، وانعدام الأمان.

✾نفاذ الصبر بسرعة ونوبات من الغضب.

✾مشاكل في التكيّف مع التغيرات والتعامل مع الضغوطات.

✾ لإصرار على الحصول على أفضل الأشياء في كلّ نواحي الحياة.

✾رفض محاولة فهم احتياجات الآخرين ومشاعرهم.

✾حسد الآخرين والتوهم بأنّ الجميع يحسدهم.

 

النرجسية 1🤔

#الشخصية_النرجسية

ابشع الامراض الاجتماعية

الصفة الأساسية في الشخصية النرجسية هي الأنانية. فالنرجسي عاشق لنفسه و يرى أنه الأجمل و يرى الناس أقل منه جمالا و لذلك فهو يُبيح لنفسه إستغلال الناس و السخرية منهم.

و النرجسي يهتم كثيرا بمظهره و أناقته و يدقق كثيرا في اختيار ملابسه و يعنيه كيف يبدو في عيون الآخرين و كيف يثير إعجابهم، و يستفزه التجاهلُ من قبلهِم جداً، و يحنقه النقد و لا يريد أن يسمع إلا المديح و كلمات الإعجاب.

كما يصاحب الشخصية شعور غير عادي بالعظمة، يسيطر على صاحبها حب الذات و أهميتها، و أنه شخص نادر الوجود أو أنه من نوع خاص فريد لا يمكن أن يفهمه إلا خاصة الناس. ينتظر من الآخرين احتراماً من نوع خاص لشخصه و أفكاره، و هو استغلالي، ابتزازي وصولي يستفيد من مزايا الآخرين و ظروفهم في تحقيق مصالحه الشخصية، و هو غيور، متمركز حول ذاته يستميت من أجل الحصول على المناصب لا لتحقيق ذاته وإنما لتحقيق أهدافه الشخصية.

و يميل النرجسيون نحو إعطاء قيمة عالية لأفعالهم و أفضالهم و البحث عن المثالية في آبائهم أو بدائل آبائهم من حيث المركز و العطاء.

و عند حدوث كارثة أو مصيبة يرددون بأعلى صوت أنهم ضحايا و يستفيدوا كثييرا من تلك المواقف

مسلسلات 3🌟🌙

#المسلسلات 

احنا عارفين كويس اوى ان. الافلام و  المسلسلات تحديدا بيكون فيها رسايل خفية بتترك اثرها الواضح على اسرنا وعيالنا وهاتناول رسالة رسالة عشان ننتبه لها لانها خطيييييرة جدا ...

منها مثلا زمان كنا بنشوف الشاب يقابل البنت قبل الخطوبة والجواز عادى وتجرات الفتاة ووافقت على المقابلات ولما يبقي عنده دم ويقولها عاوز اتقدم لك تقوله سيبنى افكر ! ياسلام والمقابلات دى كانت ايه ؟ 

تتم الخطوبة وتتعامل معاه كأنه زوج يعنى خلوة ومسك الايد واليوم كله بره وتزور اهله فى بيتهم وتقضي يوم معاه من غير اهلها ...وده للاسف بقي حالنا مجرد دبلتين والخطيب كل شئ،له مباح ومحدش فهمهم انه بالنسبة لها اجنبي لاتقعد معاه من غير حجاب ولاتقعد معاه فى خلوة ...وماما موافقة وبابا موافق عشان واثقين فيه مش عارف منين الثقة دى ....دى مشاعر طبيعية والشيطان بيعمل شغله ....

الكارثة فى مسلسلاتنا الحالية عشان تزود الطين بلة ان البنت بتقابل الشاب فى بيته وهو لوحده والاغرب انه بيكون مؤدب وبيتكلموا بس وتقف جنبه فى محنته .ياسلاااام سلم على الحلاوة ...

واحنا بنتفرج احنا وعيالنا عادى وافرحى ياختى لما ترجعى من بره وتلاقي ابنك مع صاحبته ويتهموكى انك متخلفة وقديمة ...

واحسرتاااااااه على حياء البنات

مسلسلات 1🌟🌙

المسلسلات خيال مؤلف ورؤية مخرج وأداء ممثل عشان يوصل لنا الفكرة ..

فيه مسلسل بصرف النظر عن رأيي فى أداء الممثلة دى تحديدا أداءها مصطنع جدا وتقريبا مش بتعرف تمثل اصلا بس مش هى دى القضية ..الموقف أن جوزها اتجوز عليها وهى انهارت لما عرفت رغم انها مشاعرها ماتت لما قتلت ابن اختها اللى بيحبها جدا ومع ذلك مشاعرها انهارت وبكا ليل نهار عشان جوزها اللى بتعامله معاملة عبيد لا طايقاه ولا متقبلة منه اى ود ..

بعد فترة راحت له بمنتهى البرود والثقة وقالت له : انا معنديش مانع ارجع لك ( كان المفروض رد الفعل الطبيعى أن الزوج يضحك لأنه ماطلبش منها ترجع له من الأساس جابت منين جزءية انا معنديش مانع ارجع لك ) 

وقالت بس على شرط طلقها ( كان المفروض رد فعل الزوج يديها قلم على وشها انتى كمان ببتشرطى ) 

الموقف ده كان المفروض يكون ده رد فعل الزوج لكن سكت لحد الانفعال ما زاد لما الزوجة التانية انفعلت لكرامتها لما قالت انت متمسك ب دى ...هنا الزوجة التانية رد فعلها صح جدا ...

الفكرة أن الزوج من البداية ساكت عن سوء معاملة ومفيش مقابل لكده يعنى مفيش بينهم اللى يخليه يتحمل أن كرامته تهدر طول الوقت واظن أن مفيش اى سبب لهدر كرامة الزوج غير أنه غير محترم وقتها عادى يتحمل معاملة سيئة وهجر وتجاهل وإهمال مش هتفرق لأنه من الأصل هو يستحق كل ده ...

والسؤال لما انتى مش طايقاه ومش طايقه ريحته ولا نفسه ولا صوته زى ما قلتى له زعلانة ليه أنه اتجوز وأنه طلق بسهولة والا هى مرض نفسي بيظهر على فترات تقتل ابن اختها وتنهار لما جوزها يتجوز عليها ....

كانت اوفر منك ايها المؤلف ماعرفتش تحبكها كويس عشان تكون منطقية الى حد ما ...

القاء القادم مع موقف تانى فى 

مسلسلات

مسلسلات 2،🌟🌙

احب اوى اركز فى الحوار والكلام بين الممثلين واتخيل خيال المؤلف كان عاوز يقول ايه فى الحوار ده ..

استوقفتني مسلسل لعبة النسيان 

البطلة تتعرض لمؤامرة من اول المسلسل وبتحاول تفتكر ومش عارفة وعقبات كتير وكل شوية تنحل العقبة لتبدأ غيرها فى رحلة البحث عن الحقيقة وبعد مشوار طويل اكتشفت أن اخو جوزها هو اللى بيدبر لها المكايد دى كلها ، وفى الوقت اللى قررت تنسحب وتهرب لان الحقيقة مؤلمة وفيها جرائم ضد اطفال بيموتوا من غير ذنب ، ويجى اخو جوزها يواجهها ويكمل إحساسها بالذنب اللى بيعمله فيها من اول لحظة اشعارها بالذنب باستمرار انها السبب وأنها خاينة وجوزها قتل عشيقها وعشيقها قتل جوزها وأنها سبب تدمير الأسرة .وهو هو نفس الشخص اللى اتفق مع الدكتورة النفسية تساعده فى تضلبلها وتتوها بالأدوية وأنها تشككها فى اى معلومة تعرفها ، وهو هو نفس الشكل بعت لها مصور يفبرك صور ليهم مع بعض ويوهمها انها خاينة مع المصور كمان ، 

وبعد كل ده تصدقه 😱ده ازاى مش فاهمة بجد ...وعياط وانهيار بعد كل اللى هى اتاكدت أنه عمله فيها وأنه غير امين وانه ضميره ميت وعمل عليها مؤامرة هو ومراته بعد كل ده بتصدقه كده عادى ...المريض يالنرجسية طريقته مبهرة للاقناع ده صحيح بس فين عقلها بعد كده كل تصدقه كده كتير بجد 

المؤلف هربت منه المرة دى معلش 

توكيدات

جيهان

هل تتذكرى  تلك الليلة المؤلمة التي تمنيتى فيها أن ينتهي كل شيء أن يتوقف قلبك أن لاتستيقظى أبدًا ! 

ثُمّ أستيقظتى و وجدتى نفسك في يومٍ جديد و شعرتى بأنكى محمّيه من كل سوء و أن الحياة زاهية جدًا و أن شعورك بالأمس كان مجرد حُلم،

 هل سألتى نفسك من أين لكَ

 تلك القوه؟". 💛💛💓

الله سيُنقذك كما يفعل كل مره!

 ثقى بالله..

فقد يتغير كل شيء في أقل من ثانية

لأن الله يريد، فلا تقولى مستحيل إنما أمره إذا أراد شيئاً أن يقول له كن فيكون .

توكيدات

قُلِ اللَّهُ يُنَجِّيكُم مِّنْهَا وَمِن كُلِّ كَرْبٍ ~ 💓

يأتي الفرج في أحلك لحظة! 

في اللحظة التي تسبق يأسك بقليل

يأتيك أكبر مما كنت تظنّ، 

وأجمل مما كنت ترتّب له، 

وأحلى مما كنت تدعو، يرقّ على مافات من غلظة و يحنو على ما أوجعك من فظاظة.

ثق بربّك مهما تأخّر، تأهب له، 

افتح ذراعيك التي كلّت من مراس الحياة، 

سترتاح باذن الله 

رفيق العمر

رفيق العمر
هى : الله شفتيهم قاعدين مع بعض ازاى
صاحبتها : هم مين دول
هى الرجل والست الكبار دول ماشاءالله شكلهم يشرح القلب
صاحبتها هم فين ..اه شفتهم مالهم بقي
هى قاعدين يضحكوا ويتكلموا ويمسك أيدها ويطبطب عليها
صاحبتها يااا انتى مركزة معاهم بقي كل ده اخدتى بالك منها
هى أيوة يابنتى انا لفتوا نظرى من ساعتين وكل ما لبث عليهم الاقى مشاعر حلوة بينهم
صاحبتها انتى اول مرة تشوفيهم
هى لا شفتهم قبل كده كتير عشان كده متابعاهم اد ايه راجل طيب وجميل بيعاملها حلو تخيلى انتى بقي كان بينهم ايه السنين الا فاتت لما يوصلوا للمرحلة دلوقت الله عليهم .
صاحبتها : انتى تقصدى يعنى أن كان بينهم حسن عشرة ولما وصلوا للخمسينات مثلا هيوصلوا للمرحلة اللى انتى شايفاها دى صح
هى أيوة صح كده اكيد بينهم حب ومودة ورحمة وحسن عشرة مروا بابتلاءاات كتير وخرجوا منها متمسكين ببعض اكتر من الاول .الله عليهم
صاحبتها هههههههههههه هههههههههههه مش قادرة امسك نفسي الصراحة
هى انتى بتضحكى على ايه بجد مش فاهماكى
صاحبتها: باضحك على السيناريو اللى شغال فى مخك لوحدك فيلم ابيض واسود ملوش حل .
هى : فيلم ايه يابنتى ما انتى شايفاهم اهه هو انا باتخيل اهه شوفى ماشيين ادامك اهه ماسك ايديها وهى مبتسمة وتمام اهه
صاحبتها : طيب أهدى شوية الزوجين دول اعرفهم من زمان الراجل ده مش عارفة اقولها لك ازاى ..بس هقولك الست دى الزوجة الرابعة بالنسبة له
هى: يامصيبتى .
صاحبتها : اصبرى بس صوتى بعدين والست ده الراجل ده الزوج التانى بالنسبة لها لأن الاولانى طلع عينها وعين اللى خلفوها وخرجها من الشقة بعد ما اخد منها فلوسها ودهبها وعيالها ورماها فى الشارع
هى : يامصيبة سودة ايه اللى بتقوليه ده
صاحبتها : اللى سمعتيه هو بيتجوز كتير عشان ينبسط وشاف انها لقطة لانها مش عاوزة غير مأوى وحد يصرف عليها بيحقق لها ده مقابل أنه ينسبط وهى كمان لما حقق لها أدنى طلباتها مبسوطة أنه مهتم بها مفيش ادامها غير أنها تسعده هى مش محتاجة اكتر من كده ..فهمتى بطلى بقي ترسمى سيناريوهات الدنيا بتتغير والناس بتتغير ومفيش حاجة بتفضل على حالها
حسن العشرة مش بطول السنين ولا كتر مواقف ممكن شهر وايام تخلى فيه حسن عشرة وده يكفى للحياة .واد ايه هى قصيرة عشان نحيا الحياة صح .

رجيم قاراطاى

يعني ايه ريجيم قاراطاي 🤔🤔🤔🤔🤔🤔🤔

           😂😂الموضوع بسيط خالص 😂😂

بناخد وجبتين ف اليوم وممكن تلاتة في البداية لو بنفطر بدري 👍

                           🌺مكونات الوجب

🌼بروتين ودهون صحية وخضراوات 🌼

بنستنى بعد اﻷكل خمس ساعات ع اﻷقل من غير أكل ... ومافيش أكل بعد الساعة 8 بالليل ... 

والنوم بعد 3 ساعات من اﻷكل🤚🏻

🌼مشروبات عشبية طول اليوم بأي كمية ف أي وقت صبح وليل بدون سكر وبدون لبن 👍

🌼بنمنع المعلبات والمواد الحافظة والحاجات الدايت واللايت ونصف دسم والزيوت المهدرجة والسكر والدقيق و كل حاجة مصنعة مضرة منعا باتاً 😀😷

وفيه حاجات مؤجلة لحد ماالوزن ينزل ونوصل لمرحلة التثبيت وبعدين ناخدها باعتدال زي البطاطس والبطاطا والقلقاس والشوفان والعسل

👀فيه حاجات مش مضرة ولكن في مرحلة التخسيس اﻷفضل الاستغتاء عنها .. ولو خلاص نفسنا فيها تبقا محدودة كاﻵتي :👇

👀👀الرز البسمتي والبرغل والفريك .. نوع واحد منهم مرة واحدة في اﻷسبوع 3 معالق

👀👀البسلة والفول والحمص والقمح (البليلة 3معالق) ... حاجة واحدة منهم مرة واحدة ف الشهر

👀👀الفاكهة لو نفسنا فيها ممكن مرة بالنهار مش بالليل وتكون فاكهة مؤشرها السكري منخفض زي التفاح والخوخ برتقال يوسفي  🌸🌸🌸

مسموح بالبقوليات زي العدس واللوبيا والفاصوليا البيضاء والحمرا 3 مرات في اﻷسبوع نصف كوب في المرة 👌👌

                      👈🏻الفطار شبه ثابت  👉🏻

بيض ⛔

 نص سوا يستوي على نار هادية بأي شكل بتحبوه 

جبنة .. أي جبنة طبيعية معمولة من الحليب من غير مواد حافظة ولا دهون نباتية

خضراوات ⛔

عيشوا حياتكم 💃💃💃

زيتون ⛔

نوع كويس قليل الملح واﻷفضل يكون معمول ف البيت بملح صخري أو بحري ولو مش متاح مش مهم

مكسرات ⛔

..نص كوب أي نوع وممكن أنواع مع بعضها عادي المهم تكون نية مش محمصة ومش مملحة 

وممكن مشروب ⛔

مع الوجبة بلبن ومن غير سكر طبعا 

✅ممكن تنوعوا ف الفطار لو عايزين .. ف حدود المسموحات✅

""""""""""""""""""""""""""""""""""""""

                               👈🏻الغدا 👉🏻

 أبدعووووا💃💃 ... 

بروتين نباتي أو حيواني بأي طريقة بتحبوها.. وخضراوات .. مطبوخة... شوربة .. نية .. ودهون صحية 

👌والوصفات كتييير ع الجروب شوفوا ألبوم الصور👌

بناكل لحد الشبع ... من كل مكونات الوجبة 😋😋

بنستخدم 👇

✅ملح صخري أو بحري😎

✅دهون صحية زيت الزيتون المعصور ع البارد زبدة طبيعية سمنة بلدي

✅السكر الدايت مضر ومش معانا .. بنتعود على المشروبات من غير سكر وبعد فترة بسيطة بتلاقي طعمها جميل .. لو ف اﻷول ومش عارفين نتعود ممكن نستخدم ستيفيا النبات نفسه بيبقا مطحون لونه أخضر زي النعناع الناشف كده ... نستخدم حاجة بسيطة خاااالص ف مشروب الوجبات .. بين الوجبات ﻷ 👊

و ده غالبا مش متوفر في مصر ... المتوفر بودرة لونها أبيض .. ممكن نستخدم كمية بسيطة جدا مرة ف الشهر للضرورة مع الوجبات ومهم جدا يكون خالي من السبرتام 🤙

مافيش أي أدوية تخسيس 👊كلها مضرة جدا واللي معتمدة دوليا مالهاش أي أهمية معانا بالعكس أساس عملها عكس نظام قاراطاي

🌼🌼🌼🌼🌼🌼🌼🌼🌼🌼🌼🌼

علشان الأسئلة عن المسموحات والممنوعات بقت كتير ومتكررة والأغلبية بيكسلوا يقرأوا المنشور المثبت والبقية بيقولوا مش فاهمينه والأعضاء الجدد بيطلبوا جدول للنظام 

جمعنا هنا كل الأصناف المسموحة والممنوعة 

#المسموحات_الممنوعات

** ما هي أنواع الدهون المسموحه ؟

- مسموح كل أنواع الدهون الصحيه 

   ~ زيت الزيتون المعصور علي البارد 

   ~ زيت جوز الهند وزيت بذر الكتان المعصور على البارد 

   ~ زيت الأفوكادو

   ~ السمن الطبيعي ( الفلاحي )

   ~ الزبده الطبيعية 

   ~ الدهون الحيوانيه ( كدهن الفراخ والبط والضاني )

   ~ زيوت ودهون طبيعية الموجودة داخل المكسرات الغير    محمصة

**ماهي الدهون الممنوعة ؟

الزيوت النباتية المهدرجة مثل (زيت الذرة وزيت دوار  الشمس وزيت الأرز

وزيت الفول السوداني وزيت الصويا وزيت النخيل وزبدة الكاكاو وزيت المستردة 

والسمن النباتي و المارجرين الصناعي

  

**ما هي أنواع البروتين السموحه ؟

تقريبا لا يوجد نوع بروتين ممنوع في هذا الدايت بعكس أنواع دايت أخري كثيره

   ~ اللحوم : البقري - الضاني - الماعز - الفراخ - البط - الوز - الحمام - السجق - الهمبورجر المنزلي - البسطرمة 

   ~ الأسماك : البلطي - البوري - الماكريل - التونه غير المعلبة - السلمون الطازج غير المدخن و الجمبري ......

كل أنواع السمك

والبروتين النباتي مثل المشروم

  ~ الأجبان : كل أنواع الأجبان مسموحه طالما طبيعيه ولا تحتوي علي سكر ولا زيوت نباتية وما عدا الأجبان المطبوخة 

والتي مرت بمراحل تصنيع 

*مسموح بكوب حليب واحد يوميا مع وجبة الإفطار فقط 

الحليب المسموح هو الحليب الطازج 

وغير مسموح المعلب لكن ان لم يتوفر الحليب الطازج مسموح بالمعلب قصير الأجل فقط 

*مسموح بالزبادي المصنوع منزليا من حليب طازج 

أو الزبادي البلدي أو المعلبة قصيرة الأجل فقط 

** ماهي الخضروات المسموحة؟

مسموح كل أنواع الخضار ما عدا ما ينبت تحت الأرض ( البطاطس - البطاطا - القلقاس - القرع العسلي ) 

*البسلة مسموحة مرة واحدة في الشهر 

~ و مسموح بالجزر نيئ بدون طهي 

~و البنجر بدون طهي 

~ وأقسم بالله البصل والثوم معنا 

**ماهي الفواكهة المسموحة ؟؟

جميع الفواكهة ممنوعة 

و التمر 

والفواكه المجففة 

والكستناء ( ابو فروة ) 

في فترة تنزيل الوزن ومسموح بها في فترة التثبيت فقط بعد الوصول للمثالي ثمرة واحدة صباحآ  أو ثلاث تمرات محشية مكسرات أو ثلاث حبات فاكهة مجففة محشية مكسرات ثلاث مرات في الأسبوع 

*مسموح فقط للمرضع والحامل تناول ثمرة فاكهة يوميا مع وجبة الإفطار 

*مسموح للأشخاص الذين يريدون نزول الوزن ببطء وغير متعجلين علي النزول بتناول ثمرة فاكهة واحدة صباحا مع وجبة الإفطار فقط 

**ما هي الكربوهيدرات المسموحه ؟

الفريك و البرغل والأرز البسمتي والكينوا 3 ملاعق في الأسبوع من صنف واحد منهم

~ دقيق جوز الهند

~ دقيق اللوز

~ دقيق الفول السوداني والكاجو 

***ما هي  الكربوهيدرات الممنوعة ؟ 

   ~ كل أنواع الحبوب والشوفان

 والدقيق الأسمر 

ودقيق الذرة والذرة الصفراء و الفشار 

 ودقيق النخالة

 والشعير

 والقمح

 والبليلة

 ودقيق الدخن

 وفول الصويا 

   ~ كل أنواع الأرز والمكرونة (الباستا) والبيتزا والفطائر والبسكويت والحلويات ودقيق الذرة ودقيق القمح الكامل

والسكر الأبيض والبني و عسل النحل والمحليات الصناعية ( سكر الدايت ) 

سكر جوز الهند 

 كل أنواع المنتجات الخالية من الجلوتين 

ونكتفي بما نحصل عليه من الخضروات 

**ماهي البقوليات المسموحة ؟ 

العدس الأصفر و البني و اللوبيا والفاصوليا البيضاء والحمراء

 ثلاث مرات أسبوعيا بحد نصف كوب للمرة

~~ والفول والحمص مرة واحدة في الشهر حد الشبع

**ماهي المخبوزات المسموحة ؟

جميع المخبوزات المصنوعة من أنواع الدقيق المسموحة فقط مرة واحدة اسبوعيا بمقدار نصف كوب دقيق فقط 

** ماهي المشروبات المسموحة ؟

الشاي والقهوة والقهوة الخضراء والشاي الأخضر والقرفة والزنجبيل والنعناع والكركادية  وجميع السوائل الساخنة بدون إضافة السكر

*الكاكاو مع وجبة الإفطار فقط بدون سكر 

وعصير الليمون وعصير الليمون بالنعناع بدون السكر

ماهي المشروبات الممنوعة ؟ 

*النسكافية

*الكوفي ميكس

*القهوة بالبندق التي تحتوي علي كريمر 

* اللبن المجفف  ( البودرة )

*شاي الفواكة 

*شاي التخسيس والريجيم 

*السحلب 

*الموغات

*العرقسوس

*الخروب

*الدوم

*لبن الصويا 

*البيبسي الدايت 

** ما هي التوابل المسموحة؟

جميع التوابل والخل الأبيض وخل التفاح العضوي.

ممنوعات اخري :

التونة المعلبة 

*اللبان بسكر أو بدون  

*الطحينة الجاهزة ( ومسموح بالمصنوعة منزليا من سمسم ني فقط )

*والمايونيز الجاهز والمستردة والتومية الجاهزة

*الخروب

*الدوم

*الصويا صوص 

*دبس الرمان

*الخميرة والخميرة الفورية

*زبدة الفول السوداني وزبدة اللوز

المصنعة المعلبة

ومسموح فقط بالمصنوعة منزليًا من سوداني او لوز ني وبدون اضافة سكر

قمرن

كلمات قمر سيدنا النبي 

قمر

واجمل منك لم تراه قط عينا .. واطيب منك لم تلدا النساء

خلقت مبرءا من كل عيبا .. كأنك قد خلقت كما تشاء

قمر .. قمر .. قمر سيدنا النبي .. قمر

وجميل .. وجميل .. وجميل سيدنا النبي .. وجميل

قمر .. قمر .. قمر سيدنا النبي .. قمر

وجميل .. وجميل .. وجميل سيدنا النبي .. وجميل

 

وكف المصطفي كالورد نادي .. وعطرها يبقي اذا مست ايادي

الله .. الله

وكف المصطفي كالورد نادي .. وعطرها يبقي اذا مست ايادي

الله .. الله

وعم ناولها كل العبادي .. وعم ناولها مل العبادي

وعم ناولها كل العبادي .. حبيب الله يا خير البرا

يااااا قمر

قمر .. قمر .. قمر سيدنا النبي .. قمر

وجميل .. وجميل .. وجميل سيدنا النبي .. وجميل

ولا ظل له بل كان نورا .. تنال الشمس منه والبدورا

الله .. الله

ولا ظل له بل كان نورا .. تنال الشمس منه والبدورا

الله .. الله

ولم يكن الهدي لولا ظهوره .. ولم يكن الهدي لولا ظهوره

ولم يكن الهدي لولا ظهوره ..و كل الكون انار بنور طه

قمر .. قمر .. قمر سيدنا النبي .. قمر

وجميل .. وجميل .. وجميل سيدنا النبي .. وجميل

قمر .. قمر .. قمر سيدنا النبي .. قمر

وجميل .. وجميل .. وجميل سيدنا النبي .. وجميل

مصاصى الطاقة

📚 مصاصى الطاقة 

ناس كتير مستعجبة: إيه اللي يخلي واحدة زي مريم في حكاية "جدول الضرب" من مسلسل "نصيبي وقسمتك" تستحمل الضرب والإهانة؟ وشايفين إن ده شئ مش واقعي. شايفينها واحدة متعلمة ومن عيلة ومش مضطرة ماديا مثلا عشان تتحمل كل ده. أحب أقول لكم إن ده سيناريو واقعي جدا جدا. تعالوا أحكيلكم:🎤

شخصية آدم هي تجسيد للشخصية النرجسية المرضية Narcissistic Personality Disorder. 

آدم هو شخص عنده شعور داخلي بالضعف الشديد وانعدام الثقة بالنفس لكن بيحاول يعكس للي حواليه شخصية واثقة في نفسها زياده عن اللزوم عشان يعوض النقص الشديد اللي جواه. يعني بيروح من إكستريم لإكستريم، وبالتالي آدم بيستمد إحساسه بالقوة والثقة من قدرته على السيطرة على غيره. اللي زي آدم عادة بيدور على ضحية ناجحة وقوية عشان لما يسيطر عليها ويهدها يشعر بقوته وبإنه جامد قوي.

ضحية آدم عادة بتكون شخص empathetic. يعني شخصية عندها قدرة كبيرة على التعاطف مع الآخرين وإنها تحط نفسها مكانهم. عشان كده بتبقى شخصية متسامحة بتعذر وتقدر وتصبر وبتيجي على نفسها وبتحب بصدق. شخصية محتاجة (ممكن زيادة حبتين) للحب والعواطف والاهتمام. شخصية مابتعرفش تدي ده لنفسها لكنها محتاجة الآخرين يدولها ده. طبعا احتياجنا للحب والاهتمام ده احتياج طبيعي. بس ضحية الشخص النرجسي اللي بترضى تستمر في علاقة مريضة بالشكل ده هي شخصية عندها احتياج زائد أو احتياج مرضي.

ودي الطريقة اللي بيسيطر بيها الشخص النرجسي على ضحيته واللي بتخليه قادر يعاملها كده. 

العلاقة دي عادة بتعدي بـ 3 مراحل:📝

1. مرحلة الحب الجارف love bombing ودي المرحلة اللي فجأة بيهبط فيها الشخص النرجسي على الضحية وبيغرقها مشاعر ويعاملها أحسن معاملها ويديها اهتمامه كله وبتحس إنها طايرة وفي الجنة والوضع كله بيبقى too good to be true. ممكن جدا يعترفلها بحبه بعد أسبوع أو أسبوعين من معرفته بيها ويبتدي يتكلم عن الجواز ويبقى مستعجل. وهي عشان أصلا شخص بيدور على الشكل ده من الحب بتبلع الطعم وبتصدق إن ده حب حقيقي فعلا.

2. مرحلة التكسير devaluation ودي بتيجي بعد ما يكون الشخص النرجسي خلاص ضمن الضحية وحبها وولائها. يبتدي بأه يقول لها كلام يقلل منها ومن صفاتها ومن إنجازاتها ويهز ثقتها في نفسها ويوهمها إن هو الصح وهي الغلط. وتبتدي هي فعلا تصدق ده وتشك في نفسها.

3. مرحلة الترك discard ودي المرحلة اللي بيسيبها فيها بإنه بيخاصمها شوية ومايرضاش يرد عليها لمدة ساعات، أيام، أسابيع، أو شهور ... حسب الحالة بأه. وتفضل هي تحايله وتبقى عايزه تصالحه وهو متمنع. هي عندها عطش شديد للحب والعواطف فمش طايقه الخصام. وهو المحايلة والوجع اللي هي فيه بيرضي غروره وبيحسسه بالأهمية فبيسوق فيها.

📌

وبعد شوية لما هي بتزهق أو لما هو يجيله مزاج ينهي الحالة دي أو لو هي أخدت موقف وزعلت شوية زي لما كانت مريم أوقات بتزعل شوية بعد الضرب، يبتدي تاني يدي حب ومشاعر وتخش تاني في المرحلة الأولى وتتكرر ال 3 مراحل من الأول وتفضل العلاقة بتدور في دايرة التلات مراحل. وطبعا شوية بشوية المرحلة الأولى بتقصر والمرحلتين التانية والتالتة بيطولوا. وتفضل الضحية عايشة على الفتات اللي مستنياها لما ييجي معاد المرحلة الأولى. طبعا العلاقة مع الشخص ده علاقة مجهدة نفسيا وعاطفيا لأقصى درجة. بالذات إن الضحية شخصية حساسة وعاطفية والشئ اللي بيخليها مستمرة في العلاقة هو احتياجها العاطفي. فبتفضل متأرجحة بين الحب الجارف وبين حالة الصدمة الشديدة والوجع العميق. فوق قوي وتحت قوي. وتفضل كده زي اليويو. وده شئ طبيعي يسبب أمراض جسدية نتيجة الضغط الشديد.

📌

وطبعا الشخص النرجسي بيستخدم شوية تكتيكات بتمكنه من إنه يسيطر على ضحيته:

- إنه يلخبطها، يقول لها الحاجة وعكسها، ويوهمها بعكس اللي هي عارفاه طول عمرها أو شايفاه بعنيها. كلنا شوفنا ازاي لما ضربها أول مرة وصلها إنها في الآخر اللي اعتذرت له. طلعها هي اللي غلطانة مش هو. هو طبعا مابيغلطش أبدا وأي حاجة بتحصل هي دايما السبب فيها. وهو ملاك طاهر برئ وكل حاجة بيعملها مبررة. ولو حصل واعتذر مرة هتبقى جزء من ال love bombing phase مش أكتر.

- يشككها في كل اللي حواليها ويحاول يبعدها عن أصحابها وأهلها عشان يعرف يسيطر عليها.

- العقاب: في صورة معاملة جافة، ضرب، خصام، تريقة، إهانة من أي نوع. المهم إن الضحية دايما بتبقى ماشية على قشر بيض في العلاقة. خايفة تعبر عن نفسها ومشاعرها وأي حاجة جواها عشان خايفة من العقاب. وبالمناسبة العقاب ممكن أصلا ييجي من غير سبب ولا أي شئ قالته أو عملته.

- صعب تقعدي مع الشخص النرجسي قاعدة ناس ناضجين وتتناقشي مناقشة تطلعي منها بحاجة. مفيش حوار بناء واتنين بيحاولوا يوصلوا لحلول ترضي الطرفين. الكلام ده مش موجود في العلاقة دي. الحوار دايما بيتقفل والترابيزه بتتقلب، والشخص النرجسي دايما بيقول تعليقات سخيفة من غير ما يحاول يركز على المشكلة أو الموضوع محل المناقشة. والضحية دايما بتكون مش فاهمه حاجة وفي حالة توهان ومش واصلة لأي أجوبة على أي أسئلة.

- الشخص النرجسي مش بيقدر أي حاجة بتعملها الضحية. وبالتالي الضحية مهما بتعمل فهي دايما مقصرة ودايما مش كفاية وده بينعكس على إحساسها بعدم الرضا عن نفسها وإنها تستاهل المعاملة السيئة. وبتعيش في حالة أمل دائم إنها لو بذلت مجهود زيادة شوية الأحوال هتتصلح والعلاقة هتكون أحسن. وتفضل بأه بتسابق الريح طول العلاقة. أوهام طبعا. العلاقات دي مفيش منها أمل. وعمرها ما بتتحسن. هي بتسوء بس.

- ده غير تكتيكات تانية كتير زي إن يبقى حواليه ناس بتقويه وهو بيستخدم ده ضد الضحية، أو إنه يشعل غيرتها مثلا. 

📌

وبالمناسبة الشخص النرجسي عادة بيكون كداب وخاين، وده بيبان بعد فترة من العلاقة. وعادة الضحية بتشوف علامات من الأول لكنها بتكون ميالة إلى إنها تصدقه وتثق فيه وتكذب نفسها وعنيها وودانها وكل اللي حواليها. وكل ده في سبيل الحلم والوعد الكاذب بالحب والمشاعر والاهتمام.

📌

الشخص النرجسي في العلاقة دي شخص مريض بامتياز. وطبعا فيه درجات مختلفة من النرجسية. وموجوده في الجنسين لكن في الرجال بشكل أكبر. والعلاقات دي مش بالضرورة تبقى علاقات حب وزواج فقط، يعني النرجسي ده ممكن يبقى حبيب، حبيبة، زوج، زوجة، أب، أم، أخ، أخت، صديق، صديقة، زميل أو رئيس في العمل، أو حتى ابن أو ابنه. كل العلاقات الإنسانية وارد يظهر فيها نفس القالب ده من العلاقات لو توفر الطرفين دول.

📌

من بره بنبقى شايفين الخروج من العلاقة دي سهل جدا والأمور واضحة، خاصة لو فيه اعتداء جسدي. لكن في حقيقة الأمر إن الضحية بيبقى معمول لها brainwashing محترم، وبتبقى فعلا مصدقة إن فيه حب بيربط ما بينها وبين الجاني. وبتبقى متمسكة بالخيط الرفيع من الحب اللي هي متخيلة إنه موجود. وعشان كده الشئ الوحيد اللي خلى مريم تخرج من العلاقة دي هي إنها اتأكدت من الخيانة وإن حتى وهم الحب ده مش موجود. وعلى فكرة حتى في الحالات دي ممكن جدا يرجع لها ويلعب على عواطفها ويقول لها إنه اضطر وإنها هي اللي في القلب ويكمل في ال brainwashing وهي تصدق وتكمل عادي.

⁦✏️⁩

في حالات كتير من العلاقات دي الشخص النرجسي هو اللي بيقرر فجأة وبدون مقدمات إنه هو اللي يسيب الضحية نهائيا. وبيسموا ده ال final discard وده بيديله إحساس بالفوز بيخدم نرجسيته. وده عادة بيحصل بعد ما يكون هدم الضحية تماما وحولها من شخصية قوية ناجحة متوهجة مقبلة على الحياة لشخصية مكتئبة منهزمة تعيسة فاقدة الثقة في نفسها وبالتالي بيزهد فيها لإنها لم تعد تغريه كضحية. ويخرج من العلاقة للبحث عن ضحية جديدة.

📝

من المهم أن نعرف الحقائق الآتية:

1. أولا أن ضحية مثل هذه العلاقة غالبا ما تكون إنسانة متميزة. وبالتالي فكل الاتهامات التي يحاول الشخص النرجسي إلصاقها بها ما هي إلا افتراءات ليست فيها. فإن كنت ضحية مثل تلك العلاقات، فاعلمي أن الخطأ ليس بك وإنما في الجاني.

2. الخطأ الوحيد الذي يمكن أن يكون بك إن كنت استمريت في علاقة كهذه دون أن تنهيها سريعا هو احتياجك المرضي للحب والاهتمام والذي يدفعك للقبول بعلاقة مرضية والقبول بالإهانات من أجل الحصول على الفتات. إن كان احتياجك مرضي فهو غالبا ناتج عن نقص في المشاعر من الطفولة. وبالتالي فالخطوة الأولى هي الوعي والتحليل النفسي الذي يساعدك على تخطي مشكلتك.

3. الاحتياج المرضي ده هو اللي بيسهل عملية ال brainwashing وبالتالي عملية السيطرة على الضحية، السيطرة على أفعالها وأحلامها وأفكارها وتصرفاتها وتغييرها والتدخل في كل صغيرة وكبيرة في حياتها لدرجة تقرير أكلها وشربها ومواعيد نومها وخروجها وكل حاجة. هو حب السيطرة من أجل السيطرة وتحويلها إلى دمية وسلبها من حريتها وإرادتها الكاملة لتصبح كيان تابع للجاني وليست شخصية مستقلة بذاتها.📌

4. أن الشخص المصاب بداء النرجسية هو الآخر نتاج مشاكل منذ الطفولة. فهو عادة تم تربيته على يد أب أو أم نرجسيين أو تم إهمال مشاعره أو التقليل منه بشده من الصغر. علاج هذا الداء صعب جدا جدا. ولا يمكنك أنت كضحية فعل أي شئ. ولو كان هناك أمل في العلاج فيجب أن ينبع من رغبة صاحب المرض في العلاج. وهو ما يصعب الأمر، لأن الشخص النرجسي عادة لا يريد أن يعترف أمام الآخرين أو حتى أمام نفسه أن لديه مشكلة.

5. الحل الوحيد أمامك هو الخروج من تلك العلاقة فورا لكي تنجو بنفسك (وبأولادك في حالة وجود أولاد) من علاقة مؤذية لا أمل فيها.⁦✏️⁩

6. في حالات كثيرة يصعب على المحيطين بالضحية تفهم المعاناة التي تمر بها، وأنها تمر بأحد أشد حالات ال emotional abuse والتي تجعل من الصعب عليها رؤية الحقيقة وإن حدث واستبصرت فإنها تمر بفترة غير سهلة من الاستشفاء. الانفصال من علاقة تعرض فيها الإنسان لأذى نفسى وعاطفي غير الانفصال عن أي علاقة أخرى. 📝

علينا جميعا محاولة تفهم ما تمر به ضحية الشخصيات النرجسية والصبر عليهم والوقوف بجانبهم حتى وإن لم نفهم ألمهم بشكل كامل. فغالبا لن يفهم ذلك الألم إلا من مر به حقا. وعفانا الله جميعا من الألم النفسي.

#Narcissist #Narcissism #NDP

قل ادعوا الله

قل ادعو الله إن يمسسك ضر

كلمات : زكي الطويل

ألحان : كمال الطويل

قل ادع الله إن يمسسك ضر ..ووجه ناظريك إلى السماء

فــعــنـد الله إن تســــأله أجــر.. وعند الله موفور الرجـــاء

وقل يا ربي لا تسأل سواه ..يبدل بعد عسر يوم يسرا

وإن عادِ عدى فادفع أذاه ..بذكر الله تلقَ الضعف نصرا

قل ادع الله لا تيأس لخطب ..ولا تحزن على آل ومال

وثق في كــل نازلة بــــرب ..يبدل إن يرد حالاً بحال

قل ادع الله سراً أو جهاراً ..وقل يا رب لا تسأل سواه

فعين الله لــــيلاً أو نــهاراً ..تـــراك وعينك لا تـــراه

متحضر

قعدت الزوج والزوجة بعد مناقشات كتير اجتهدوا يكونوا متحضرين واتفقوا يتكلموا مع بنتهم سهيلة عندها 10سنين واكيد هتفهم 

الزوجة :بصي ياحبييتى انتى عارفة انك حبيبة بابا وماما عاوزين نقولك حاجة مهمة واحنا متاكدين انك هتفهمى 

الزوج : علاقتى بماما ملهاش علاقة خالص بكى انتى بينتنا مهما حصل اهم حاجة سعادتك

الزوجة : انا وبابا مش هنكون مع بعض بعد كده عشان احنا مش،هنكون مبسوطين مع بعض بس هنفضل نسال على بعض ويكلمك ويشوفك فى الاسبوع اكتر من مرة وتروحى فى بيته تقضي يوم وتتغدى معاه وتتفسحى معاه 

الزوج : يعنى هيكون لكى بيتين بيتى وبيت ماما ...

سهيلة :يعنى هتطلقوا ؟ ايه المشكلة .

الزوجة : ها ....ازاى كده 

سهيلة :ايوة يامامى عادى ماهى جنا باباها ومامتها مطلقين وجارتنا ندى نفس الحكاية ووليد بابا اتجوز واحدة تانية وهو عايش معاهم ..عادى يامامى المهم بابي هيتجوز اكيد ياترى انتى يامامى هتتجوزى اصل انا مش عاوزة اسيب اودتى واصحابي واروح اعيش فى بيت تانى ...ازور بابي بس لكن اعيش معاه لا معلش يابابي 

الزوج : انا،مش مصدق ؟؟؟؟؟

سهيلة :المهم تتفقوا من دلوقت مامى لما تتجوز افضل معاها واهى كلها 10سنين واتخرج واتجوز معلش استحملهم بقي ....ياللا عن اذنكم عشان عندى تمرين ...

القاضى والجلاد

الزوج يشتكى زوجته أنه طلب منها أن تفعل كذا وكذا وتنسي ولا تفعل فينفعل ويغضب ويظن انها تعند والعند يزيد مع الاستياء والغضب من الطرفين .

الله عزوجل ولله المثل الأعلى  يقول لك أن تصلى وأحيانا تنسي يقول لك الاتغتاب وتغتاب يقول لك الا تكذب وتكذب ويقول لك اتق الله وتفعل المعصية ...ولكنه يعفو عنك باعطاءك فرصة ان تستغفر ..إن تتوب ..أن ترد إليه ...

من تظن نفسك حتى تحاسب وتعاقب وتحكم ..

بس كده

بس كده 

فيه ناس تقابلها دورهم فى حياتك انتقادك ويتكفلوا بتغييرك تغيير فكرة تغيير نبرة صوتك تغيير ابتسامتك ..صوت ضحكتك ..حتى نيتك ...الناس دى سهل الابتعاد عنهم لكن لو مقربين صعب تبعدهم أو تبتعد عنهم لكن تحاشيهم اسهل .. وموافقتهم من ورا قلبك اسهل تأييد وجهة نظرهم عشان يسكتوا اسهل واعمل ال انت عاوزه فى الاخر ...اهم نقطة لا تتأثر بهم .لان ال عاوزك يتقبلك كما انت ويحاول معاك تبديل عاداتك السيئة ا. اسلوب حياتك ال بيخسرك وانت عارف انك خسران ،، بمعنى اوضح انت ادرى بعيوبك واحرص على تغييرها أو مش قادر اخفيها عن عيون الناس ...لكن المنتقد كل ثانية ماتسمعش منه ولا تفكر حتى فى إحساسه لأنه هينتقدك حتى لو صح 

صباح الغد اجمل

مهما أُعلقت الأبواب في وجهك، مهما واجهتى من الصعوبات في حياتك، مهما تعثرتى في طريقك، ومهما وجدتى من التحديات أمامك، لا تحزنى ولا تسقطى ولا تفقدى أملك، 

أتظنى أنكى وحدك؟ سيعينك الله على عبور مرحلتك، ستؤجرى على صبرك، سيكفيكى ربك ما أهمك، لا بأس على روحك، أنتى دائما أقوى ولكنك لا تعلمى إمكانياتك 💙 

وقد تظنى أنكى عاديه يا جيهان، ولا تعلمى أنكى عظيمه فريده نادره بما ميزكى الله، قد تظنى أن وجودك لن يغير شيء، بينما أنتى كل الأشياء وجمالها،   يا أعظم مخلوقات الله وأكثرها إعجازاً 🙈

إبتسمى لعل صباح الغد يكون أجمل 💓

مات من أجل لقمة العيش

في احدى الحروب كتب أحد الجنود رسالة تم العثور عليها في ملابسه بعد مقتله, يقول فيها :

* إن مُتّ .. لا تصدقوا كل شيء ، فإن قالت لكم أمي في برنامجٍ تلفزيونيٍّ سخيف : كان يتمنى الشهادة وكان يقول : ( نموت نموت ويحي الوطن .. ) ، لا تصدقوها ، فأنا لم أقل ذلك ، وانا مثلكم احب الحياة ولا اتمنى ان أموت ، لكنّ المذيعة ذاتَ الحُمرةِ الفاقعة أقنعتها ان تقول عني ذلك .

* اما صديقي ذلك الذي حمّل صورة لي على صفحته في الفيسبوك و كتبَ شِعراً وهو يتغنى بِـ شهادتي حدادا...لا تصدقوه ، فهو منافق كبير وكم من المرات طلبت منه أن أستدين مبلغاً بسيطاً من المال لكنه كان يتهرّب مني.

* أما صاحب الفخامة .. فلا تصدقوه أبدا وهو يتغنّى بِـ روحي القتالية العالية و حبي للوطن في حفل التأبين ، أترونَ طقمه الأنيقَ ذاك ؟ لقد اشتراه من سرقة المعونات المخصصة لنا ، نحن ابناء الفقراء بهذا البلد وقود للحروب التي هم يوقدوها, اما ابناء صاحب السياده والفخامة فهم اما خارج البلد مترفين او يتسكعوون في الكافيهات والملاهي.

* وهؤلاء الذين يطلقون الرصاص في الهواء بتشييع جثماني ، ترى من هم؟؟؟ لم أرهم أبداً في أي معركة ؟!!

* كما أني لم أكنْ بطلاً كما يقولون ولا أعرف شيئا عن البطولة او شعارات حب الوطن والقائد ولكن البندقيةِ إغواءً / كما النساء/ تستفزُّ الرجولةَ الحمقاء.

* إن مُتّ .. برصاصٍ ، او بقذيفةٍ سقطت مصادفةً بقربي ، أو إنْ مُتّ قهراً .. لافرق

لا تصدقوا سوى تنهيدةَ أمي عندما تكون وحيدة وانكسارَ أبي ودمعةً خفيفةً نبيلةً من حبيبةٍ لطالما وعدتُها أنْ أكونَ بخير.،،فلا نامت أعين الجبناء،،ومن يتغنوا بِـ نضالنا.

* لطالما سألت نفسي لماذا فقط أبناء الفقراء هم الشهداء،،؟؟وهم المدافعين ؟؟؟ وهم لايملكون متر على هذه الارض؟؟.وتباع عليهم قبورهم؟؟.لماذا لم نسمع موت مسؤول ؟؟؟ او ابن مسؤول من أجل الوطن؟؟؟ فهل وجدت الاجابة بعد موتي. .!!

* أنا آسف يا وطني لم أمت لأجلك ،، ولكني مت لأجل لقمة العيش في وطن لم يوفر اقل متطلبات حياتي !

مش مستاهلة

مفيش حاجة في الدنيا تستاهل ابدا انك تأذي نفسك أو في لحظة انتكاسة معينة او جولة كسبها شيطانك عليكى و اضعفك انك تستسلمى و توجعى قلب اللي بيحبوكى 

 لا يكلف الله نفسا الا وسعها ، لو ربنا عارف ان الحمل تقيل 

عليكى ما كان حطك في الابتلاء المعين اللي انتى فيه ، فصبر جميل وهتفرج

وإعرفى أن اكبر نعمة ان ربنا ينعم عليكى بالصبر و القوة علي تحمل البلاء و التعايش معاه لحد ما ينتهي و كأنه لم يكن..  انه يملأ قلبك بالرضا عن حالك و يملأه بالامل انه كل حاجه هتبقي كويسه وانه مجرد ابتلاء ووقت وعوض الله قريب

 

العيد

عيد سعيد 

معاك العيد بيكون سعيد فى لمة العيلة 

بس كلامى المرة دى لناس تانية معندهاش لمة 

انت لوحدك فى البيت هتقضى العيد لوحدك انت مش لوحدك فيه مئات غيرك من غير أهل وهيقضوا العيد لوحدكم 

يا اللى قاعد فى الفرندة بتتفرج على الناس الكتير ال ماشيين مع بعض وبيشتروا طلبات البيت والعيد انت مش لوحدك فيه مئات غيرك عايشين خلف الحيطان وورا ستائر الفرندة برضه بيتفرجوا 

يااللى ولادك كبروا وبيعيشوا حياتهم مع اصحابهم وشايفين أن دول صحبتهم احسن من صحبتك فيه مئات غيرك ولادهم سافروا بعد ماكبروا عايشين حياتهم بعيد عنك وعن اهلهم 

البنت ال فقدت أمها او فقدت ابوها وبتقضى العيد حزينة ربك ال استردهم وعالم بك وعالم أنه عيد قادر يخفف عنك ويؤنس وحدتك

الزوج ال انفصل عن زوجته فيه ازواج كتير مثلك انت لوحدك وهى كمان لوحدها 

بعد الاب والام اتفرقت الاخوات بسبب زوجة الاخ او زوج الاخت أو حتى ولادهم واتفرقت الأخوة وانتهت وبعد اللمة والهيصة بقيت لوحدك ...اسر كتير اتفرقت بقضايا ومحكمة وسجن ..بقطيعة وجحود ..البيوت ياما فيها والأسر قلوبها مليانة 

ممكن تكونوا كتير فى بيت واحد ومش مستريحين مع بعض وشايلين من بعض ..وكل واحد بيتمنى التانى يمشى عشان تعبت من الشحناء والبغضاء ...

ممكن تكون لوحدك لان الله اراد لك شوية هدوء وسلام من غير وجع دماغ 

انت شايف انك لوحدك وتحزن انك مش هتحس بالعيد احب اقولك احساسك بالعيد منك من جواك مش من الناس ال حواليك استمتع بالعيد وأخرج واتمشى واتفرج على كل شئ اتفرج على الشوارع والمحلات والناس اتفرج عليهم انك خارج الصورة هتعرف تتفرج كويس وتستمتع بالفرجة كأنه فيلم فى السينما  ..بتحب الفيلم وتنبسط بالاحداث لكنك مش جزء منها ولا بطل من ابطاله 

نفس الشئ فى حياتك ربنا قدر لك انك تكون مشاهد على العيد والاحداث من بره وتستمتع بها ...

تأكد انك مش لوحدك 💕💞💕

مش على رأى المثل

حبيبك يبلع لك الظلط وعدوك يتمنى لك الغلط 

كانت امى الله يرحمها دائما تقولها لى وماكنتش فاهماها وقتها وكل ماتمر بى السنين افهم معنى بس ال فهمته المرة ده مهم جدا 

إن حبيبك مش شايف منك عيوب ولو شافها متحملها أن الناس ال بتحبك مش بتنتظر يكون لها اعذار تلتمسها لهم معاك فى المرض والفرح والشدة والأزمة معاك لو بينكم أميال وبلاد معاك فى فكرهم ودعاءهم لك من على بعد ، يتحينوا الفرص عشان يسعدوك ولو بشئ كنت تتمناه ولاقوها واحضروها لك عشان قلت نفسي فيها ، بيهادوا لاسعادك مش عشان بيردوا مجاملة ، بيعبروا عن حبهم لك بكل الطرق ولو غلطت يتسامحوا من غير لوم وعتاب عشان قلوبهم صافية من ناحيتك ، ولو بعدت يقربوا ولو محتاج تقعد مع نفسك بيدولك مساحتك تنفرد فيها بنفسك ،، مش بيساعدوك تجلد نفسك لما تشعر بالذنب بيخففوا عنك ،، يسمعوا منك وتسمع منهم ،، الناس ال بتحبك معاك بالمشاركة فى الاخبار الحلوة والأزمات فيه مشاركة فى كل تفاصيلك وتفاصيلهم دى الناس ال بتحبك ،،،

عدوك الحقيقى مش اللى بيظهر لك كراهيته لك بل بالعكس العدو الحقيقى ال يتقبل مشاعرك ناحيتهم ومش مش قابلينك 

عدوك بيترجم كل كلمة منك ونظرة ولفتة ضدك وتترجم ده قصده يجرح ده كان قصده يقسي ،، ومش بس كده ،لمايزعل منك مش بيقولك ويكتم فى نفسه ويتعامل معاك عادى وانت حاسس بان الهوا بيتشفط منك رغم الابتسامة مش مستريح رغم الهدية انت مش مستريح رغم الزيارة انت مش مستريح فيه حاجة مش صح بس مش قادر تتكلم ، لأنك لم تشق عن صدورهم لكن بتظهر مع اول هفوة منك حتى لو مقصودة لايعترفوا أن كل بنى آدم خطاء ،وقتها تظهر أن عدوك يتمنى لك الغلط ، وتكتشف أنهم شايلين منك كتير ومتكومة فوق بعضها جبال وتبدأ استنكارك واستياءك ، وتقول له مش بيفوتوا زيك ولا مش بيقولوا ويعتابوا لو مش متحملين حسن النية طيب ليه مش بيسمعوا منك وجهة نظرك ودفاعك عن نفسك 

لكن قضية وحكم وجلاد وينزلوا عليك العقاب وانت مش عارف انك بتتعاقب والإكتر من كده أن العقاب ممتد يعنى ممكن تتعاقب سنين وده ليه لان كل كلمة بتتكوم على ال فات كل تصرف إضافة للغلطات الفظيعة الشنيعة المريعة ال عملتها ال ببساطة لو حريصين عليك كانوا اتناقشوا معاك اول باول والموضوع انتهى لكن بتكتشف بعد سنين انك مالكش وجود فى حياتهم من زمان وكانوا يضمروا لك الكراهية ومتحملينك بالعافية وكتر خيرهم أنهم تحملوك كل السنين دى ،،

من غير عتاب ومن غير حوار تتلغى من حياة الآخرين حتى لو اقرب الناس لك 

عدوك بيتلكك لك عدوك بيستغنى عنك عدوك مش بيفتقدك ..

اخيرا فهمت الفرق حبيبك يبلع لك الظلط وعدوك يتمنى لك الغلط 🤨😏  

اشارات

قد تواجهى من يتسبب في حزنك، قد تصادفى من يقتل طموحك، قد تتعثرى في طريقك، وقد يخيب ظنك بمن حولك،، لا بأس عليكى، ليس المهم الأسباب ولا الأشخاص حولك، الأهم أن تنهضى وتعرفى نفسك وتفهمى قيمتك، أن تثقى بذاتك وأنكى قادره على تجاوز صعوباتك، تستطيعى أن تحققى أحلامك، ما دمت تتنفسى لا تيأسى والله معك 💓💪

ولا ترى ذاتك بعيون غيرك، لا تجعلى مسارك يحدده من حولك، ولاتلتفتى لكل من يقلل من قدراتك، أوجد الله فيكى مثل ما أوجد في عظماء عصرك، لاتقللى أبداً من نفسك، إصنعى أنت سعادتك، حاولى حتى تصلى لهدفك، اسقطى ثم إنهضى ولاتستلمى لتعثرك، أنتى وحدك من تستطيعى تغيير حياتك، أسعى ولا تيأسى والله لن يضيّع سعيك  

يا جيهان 💓

رسالة من مجهولة

ارجو منك تنشرى رسالتى لزوجى لعله يقرأها وهو لايعلم من كتبها ..

زوجى الحبيب ..

مر عشرين سنة على آخر مرة كتبت لك فيها رسالة وانا فكرت بعد ماقرات بوست على الفيسبوك اننا نقرب من بعض من خلال الرسائل عشان ندوب الجليد ال بينا ...كتبت ورق كتير بس ولا واحد كملته  لكن المرة دى اختلفت 

عملت بالنصيحة وقلت اكتب لك حديث الذكريات عشان نحرك المشاعر ...فاكر لما كنت ياكلمك فى الموبايل اسال عنك عشان اتاخرت وانت اعتذرت عشان نسيت تكلمنى تقولى انك هتتاخر وقتها خجلت من نفسي انى زعلت منك ، ،، طب فاكر يوم لما عملت الشقة كلها تنضيف وبذلت جهد انى لازم اجهز الغدا عشان تيجى من الشغل وتعرف تتغدى وقتها بوست ايدى وقلت لى تسلم ايديكى تعبتك معايا  وصممت تعمل الشاى وانا استريح فى السرير وصممت اوعدك انى مااعملش كده تانى وقتها كل التعب راح انك طيبت خاطرى ،،، طب فاكر لما كنا فى العربية وراجعين من عند مامتك وانا كنت زعلانة إن مامتك واخواتك عاملونى وحش وباحكى لك فى العربية وخرجت عن شعورى وزعقت وطلبت منك انزل من العربية ووقفت وركنت على جنب وانا مشيت على رجلى وانا متعصبة وعمالة اعيط لاقيتك بتمد ايدك بمنديل ويتقولى امسحى دموعك انا اسف حقك على كان لازم اخد بالى واحافظ على مشاعرك ومااسمحش حد يزعلك كبرت فى نظرى اوى وقدرتك جدا ووقتها قلت انا هاستحمل الدنيا كلها عشان خاطرك ،،،فاكر يوم البرقوق لما قلت لك انا باحي البرقوق اوى بس للاسف مش باشتريه مع الفاكهة والخضار عشان غالى وخصوصا محدش بيحبه الا انا ..يومها نزلت وجيت كيلو برقوق وغسلته وجهزت طبق فاكهة معتبر وجهزت قاعدة فى البلكونة واخدتنى وانت بتقول انا عازمك على قعدة وخروجة وكنت طايرة من السعادة عشان انت انسان رقيق وحنون 🤫

انت اكيد مستغرب صح بس مش مستغربنى  انت مستغرب الأحداث ..عشان ابقي صافية حاولت انسى ماعرفتش فقلت احسن حاجة اغير الموقف بموقف احسن منه تخيلت كل موقف يحصل ازاى وغيرته بالشئ ال احبه  ويعجبنى وعلى كده كل موقف يخلص  اليوم وانا متنكدة قبل ماانام اغير النهاية وانام مرتاحة وتانى يوم اتعامل معاك ولاكأن حصل حاجة ،،، وعشان كده انت دلوقت طيب وحنين ومفيش احسن منك فى الدنيا انت سندى وامانى 

زوجتك الحبيبة