غاوى مشاكل
تركب مواصلة وحد من الركاب بيدخن واستنكرت التدخين يقولوا عليك ...انت غاوى مشاكل
لو سواق التاكسي مشغل الكاسيت بصوت عالى واستنكرت الصوت العالى ....يقولوا عليك غاوى مشاكل .
لو ابن جارك شقى ويدبدب فوق دماغك واستنكرت الشقاوة وعدم مراعاة الجيرة يقولوا عليك غاوى مشاكل
لو حد رمى كانز البيبيسى من شباك العربية فى الشارع وقلت له عيب الشارع نضيف يقولوا عليك غاوى مشاكل
لو واقف فى طابور طويل وملتزم بدورك وحد جه دخل فى الطابور وتعدى دورك واستنكرت أنه يلتزم بالدور يقولوا عليك غاوى مشاكل .
لو قاعد فى النادى وشباب حواليك بيتلفظوا بالفاظ نابية واستنكرت أن فيه عائلات ومايصحش يقولوا عليك ...غاوى مشاكل .
لو كتير والاستنكار كتير ...والقائمة طويلة
وافتخر انك غاوى مشاكل
No comments:
Post a Comment