إعادة السيناريو 41

#إعادة السيناريو
#اخر الكلام _41
آية : تخيلى تعبت وانا اتابع القصة زى ما يكون مش انا اللى عشتها
المؤلفة : برغم ان فيه احداث حذفتها وحوارات ماكنتش متخيلة انها تتقال لكن ردود أفعال الناس حسستنى أن الموضوع صعب فعلا
آية : الخمس سنين الأخيرة كانت بالنسبة لى كأنى باعمل ماجستير ..بحث ودراسة وأقرأ واكتب عشان الاقى نفسي
المؤلفة : الله يسامحه ضعيك من نفسك .
آية. : عارفة المشكلة كلها فين ان ماكانش فيه حدود بينى وبين اللى حوالى من اول اخواتى وكل واحد فيهم شايل فى نفسه حاجة وطلعها على طول السنين دى وانا مش شايفة وماكانش فيه حدود بينى وبين حسام واقتحمنى وسيطر وقعد افكر بأفكاره وأشعر بمشاعره حقد وجحود واشوف الدنيا من خلاله ، واعمل اللى هو عاوزة حتى وانا مش عاوزة كنت شايفة أنه إنسان مش سوى وماعرفتش احافظ على حدودى ومصممة انجح كزوجة وام
المؤلفة ده مش وحش على فكرة انك عاوزة تنجحى الفكرة انك عاوزة تنجحى مع الشخص الغلط .
آية: انا رحت ل 4دكتاترة نفسيين عشان كنت محتاجة حد يتعاطف معايا ومااحسش بالخذلان اللى عشش حياتى ..
المؤلفة : لسه ندمانة
آية : لأ كل شئ بقدر ...نصيبى كده انا اخترت اعيش مع ولادى لأنه لو كان طلقنى كان أخدهم منى وحرمنى منهم وهو يقدر يعمل كده لأنه ملوش كبير وضمن أهلى أنهم هيخذلونى .وانا اخترت ولادى ومش عيب أن الأم تحب عيالها خلاص انا عملت إللى على وتمت رسالتى كأم والابتلاء ده علمنى كتير اوى ماكنتش هاتعلمه لوحدى
المؤلفة : انتى غير خالص اول مرة حكيتى الحكاية .
آية : اول دكتور قالى أنه مريض وتانى دكتور قالى أنه مصاص طاقة ومبتز عاطفيا
ومن وقتها وانا بادرس درست كل الشخصيات الصعبة والعلاقات الخطرة ال بتدمر البشر والدايرة بتضيق وتضيق لحد ماعرفت أنه مريض بالنرجسية .وانا من ساعة ما طلقنى وانا باسمع فيديوهات عن المرض ده وأقرأ وكل ما اسمع حاجة تيجى على ذهنى موقف كلام ابتسامة مزيفة علاقة من علاقاته الدكتور قالى بلاش يكون عندك شك فى احساسك لحظة هو فعلا علاقاته متعددة وانا ماكنتش باصدق نفسي
المؤلفة : كنتى بتكدبى نفسك عشان تعرفى تعيشي وتكملى عشان الحيطة السد ال كان كل ال حواليكى يخبطوا راسك فيها .
المؤلفة  نكمل بكرة وانا اقولك على حاجات كتير من الشخصية النرجسية دى عشان كل الناس ال شافوكى سلبية يعرفوا انتى بقيتى كده ازاى
آية : عارفة انا ارتحت لما قرات قصتى مش عارفة ليه بس ارتحت