إعادة سيناريو
ماما : يابنتى الشاب ده ماينفغكيش
آية : ليه بس ياماما ده شاب مكافح وطموح
ماما : ازاى يابنتى شفتيه كده هو مغيب عقلك للدرجة دى ..والله كداب
آية : من مرة قعدتى معاه تقولى عليه كده ...انا تعبت بقي
ماما : انتى مستعجلة ليه بكرة يجى لك احسن منه
آية : بكرة هو فين ده انا مفيش حد تقدم لى اصلا كل صحباتى اتخطبوا واتجوزوا وماشفتش حد أتقدم وهو أتقدم لى وبيحبنى ووعدنى هيعمل لى حاجات كتير
ماما : لا طبعا اتقدم لك كتير وانا كنت بارفض
آية ياخبر اسود كتير أتقدم وكمان ترفضى ليه كده بجد انا مش مصدقة نفسي بتعملى في كده ليه
ماما : مش لاقياهم مناسبين لكى انتى تستاهلى راجل احسن منهم يحافظ عليكى
آية يا ماما تسيبينى اعيش اللحظة ان فيه عريس ومرغوب فى وانا افكر واختار وارفض احس بوجودى
ماما عندك حق انا غلطت فى دى حقك على بس والله يابنتى الشاب ده مش بيحبك ده حاسس أنك تحمدى ربنا أنه اتقدم لك
آية : ماما انا راضية به وموافقة عليه نبدا من الصفر ونبنى بيتنا واحدة واحدة
ماما : الكلام ده كلام افلام مش هيقدر يخليكى تعيشي فى مستواكى ده ولا هتعيشي حياة كريمة ابدا
آية : برضه مصممة عليه
ماما : لاحول ولاقوة الا بالله خلاص انتى حرة ادامه سنة يجهز نفسه وتتجوزوا
مرت سنة وهو داخل خارج ويبعد ويقرب وكلام واهى كل اللى حصل عليه شقة من الشغل خصصها للعاملين فى المصنع مدفوعة من المصنع تتملك للعاملين بعد عدد سنين من العمل ..والشقة محتاجة تغيير دهانات سيراميك محتاجة حاجات كتير الساكن يغيرها بس حسام ماعملش حاجة لأنه أقنعها انها شقة كاملة من كله ...وهو مش معاه يغير اى شئ تانى ...
سكتت وقبلت واقنعت نفسها بالرضى أنه عمل شئ جلل أنه يحصل على شقة عمل جميل جدا ...وانتظرت بعد السنة سنة الأهل مستاءين لأنه مش بيعمل حاجة وهى نفسها هم يتكلموا معاه لانها مش عارفة تاخد منه معلومة ترد بها على تساؤلات اهلها ..هى موضع ضغط من الأهل وضغط منه بكثرة الكدب واللوع والزوغان وقت ما تاخد موقف وتتناقش الجواز ليه مش بيتم يبدأ بالزوغان منها ويبعد عشان تتعب وتنهار وتقبل الكارثة اللى هيقولها لها بعد كده ...
فجأة أية تعبت ودخلت المستشفى وبلغته انها تعبانة وأنها احتمال تتحجز فى المستشفى لإجراء عملية ..
ودخلت المستشفى لتسكين الالم لكن الطبيب قال لامها لازم تتدخل العمليات حالا ...تم إجراء العملية واتحجزت يومين فى المستشفى بعد العملية للنقاهه والطبيب كتب لها خروج ورجعت البيت مع اخواتها ...وكل الايام دى اختفى عنها تماما ولا حتى اتصال هاتفى ...
فى نهاية الأسبوع بعد مرور 4ايام زارها فى البيت كانت جمعت الشبكة فى علبتها وتوسلت لامها ترجع له الشبكة وتمشيه ساعة وهو قاعد فى الصالة والام وآية فى اودتها وهى بتتحايل عليها تقابله وآية تتحايل عليها تفسخ الخطوبة وتعفيها من مقابلته ...
والمناقشة انتهت برفض الام وقالت لها خلاص ماينفعش مش بعد سنتين داخل خارج الناس تقول ايه بكت أية وقالت لها وهتقول ايه الناس بما ارجع لك مطلقة وطفل ...ده ماينفعش يكون زوج مش بيعمل حاجة ...
لكن الام صممت على رايها وقالت لها اتفاهمى معاه ..
No comments:
Post a Comment