#حالهم
هو : كنتى فين انتى والولد اتاخرتوا جدا
طليقته :افندم ده من ايه ده
هو :مش عاجبك
طليقته اه مش عاجبنى انت ناسي انك مش فى حياتى وملكش علاقة بي والا التحكم فى طابعك
هو انتى ناسية أن ابنى معاكى
طليقته بجد والله كويس انك عارف ألمعلومة دى .عملت ايه عشان هو معايا
هو ماتغيريش الموضوع لو سمحت
طليقته انت عاوز ايه ....يوم الزيارة لسه ماجاش عاوز تشوفه معنديش مشكلة المطلوب ايه
هو المطلوب اعرف كنتى فين
طليقته وانت مالك
هو عرفتى احنا اتطلقنا ليه عشان اسلوبك
طليقته لا معلش احنا اتطلقنا عشان اتجوزت على من غير علمى وعشت حياتك وهى ال صممت تطلقنى كل ده وانا مااعرفش
هو ايوة ايوا غيرى الموضوع مين ال كان معاكى ياهانم
طليقته بتحب تسمع وانت مالك كتير صح
هو اظن هتتجوزى ؟. انا مش هاسمح بكده أن ابنى يربيه حد تانى غيرى
طليقته هههههههههههه ضحكتنى والله بقيت فكاهى فظيع .. على أساس انك بتصرف عليه وواخد بالك منه
هو باقولك ايه لو اتجوزتى هاخد ابنى يعيش معايا .
طليقته ..بلاش القرارات دى ال انت مش ادها اتصل بالحلوة الفرفوشة الغندورة اسالها هتوافق تاخد ابنى مع عيالها ال انت بتصرف عليهم .
والا اقولك والله هاتصل انا استنى
الو انتى يافرفوشة ياغندورة جوزك استنانى على باب العمارة وعاوز ياخد ابنى مع عيالك موافقة
الزوجة يالهوووى انت بتقول ايه ايه الكلام الفارغ ده
طليقته قابل يامعلم قال تاخد ابنى قال روح. روح الله يصلح حالك .
No comments:
Post a Comment