قالوا لهم غيروا هدومكم وتعالوا عندنا مشوار ...بعد تعليقات كتير دخلوا اودتهم ممتعضين
بعد ما خرجوا طلبوا منهم الانتظار وكل واحد دخل أودة وحضر شنطة وخرجوا وركبوا العربية ووصلوا دار ايتام فخمة ...والولاد مش فاهمين حاجة وطول الطريق تذمر واسئلة وزهق
دخلوا لصاحب الدار واستقبلهم استقبال حار جدا
الزوج :احنا اتصلنا بك قبل ما نيجى عشان تستقبل ولادنا احنا مش عاوزينهم وتحت امرك فى اى طلبات .
صاحب الدار : ايه معنى الكلام ده ..هم دول ولادك يا مدام
الزوجة : أيوة ولادى واحنا فكرنا وقررنا نجيبهم هنا عشان احنا مش قادرين على تربيتهم هنا هيلاقوا رعاية واهتمام اكتر ويرتاحوا ...
ندى : ايه اللى انتى بتقوليه ده انتى أم انتى
كريم : عرفت ليه بنقول عليكم فشلة
صاحب الدار : مش متخيل الكلام اللى باسمعه عيب يا ابنى انت وهى فيه حد يتكلم مع أهله بالطريقة دى
الزوجة : هو ده الحال بعد صراع بالتفكير احنا ازاى وصلنا كده ازاى تعبي فى التربية نوصل لكده بيحتقرونا وشايفينا فشلة عشان احنا مش زى أهل اصحابهم .
الزوج : مفيش طاعة مفيش احترام تذمر واستياء باستمرار الاكل اللبس البيت تصرفاتنا شغلنا كل حاجة احنا كأننا كنا رامينهم فى الشارع .
ندى : كده كتير اوى الصراحة اوفر مش مكسوفين من نفسكم
صاحب الدار : بس يابت احترمى نفسك ..
ندى : كلها سنتين تلاتة واتم 21سنة واستقل بنفسي وابعد عنكم .
الزوجة : سمعت حضرتك ده جزء من كلام كتير بنسمعه كل يوم .
الزوج : عمرى ماضربت وهم صغيرين مصاحبهم وباتكلم معاهم وباشارك فى كل تفاصيلهم ..والمعاملة اتغيرت وسوء ادب مفيش عقاب نافع ولا قلبى مطاوعنى اكون قاسي عليهم ...فيها ايه لما شغلى يتوقف انى أمر بأزمة مالية ومع ذلك عمرى ما حسستهم بأى ضيق مادى
الزوجة : اشتغلت عشان اقف جنب جوزى لحد الازمة ماتعدى ومش باسمه منهم غير سخرية واستهزاء جيت على نفسي كتير اوى وتعبت سوء المعاملة منهم احتقار وازدراء مش نافع بجد اتحمل اكتر من كده ...خليهم عندكم ربوهم من الاول وصلحوا أخلاقهم وعلموهم يحترمونا ويفتخروا باهلهم ايا كان كنا ايه وبقينا ايه احنا ابوهم وأمهم حتى لو كنا حرامية .
#بقلم_جيهان_بركات
No comments:
Post a Comment