#الفرنده 21
استعدت ندى وصفاء لاستقبال صديقات ندى جهزت لهم القعدة فى الجنينة زى زمان ...وجهزت الحلويات المشهورة بها والمشروبات وكل حاجة ...صفاء استأذنت تغير هدومها عشان تكون فى شرف استقبالهم ،،، الصديقات حضروا تباعا ،، واتجمعت الصديقات الثمانية ....من زمان مااتجمعوش كده ،، قعدت ندى تسمع اخبارهم ونوادرهم واخر الاخبار والتخطيطات ...اخبار كتير فاتتها بس مش هتتاثر انها مش عارفة ،،، بعد فترة اقترحت عليهم اقتراح وابدت رغبتها تسمع رأيهم ..قالت لهم تعالوا نحفظ القران ...ايه رايكم
منهم احبطها وكسر مجادفها وثبطوا عزيمتها ...ال قالت خلاص كبرنا ،، وال قالت كفاية نقرأه هو احنا لسه هنقرا وال قالت هو أنا عندى وقت ...طول الحديث هى ساكتة وبتسمع كل كلامهم ومش بترد ...أربعة ردودهم كلها يأس واحباط والثلاثة الباقيين سكتوا ومحدش علق ...بعد شوية انسحبوا الأربعة هنمشى بقى عشان يادوب ال فى المدارس والجامعة راجعيين سلمت عليهم ووصلتهم للباب ...الباقى قالوا لندى ياريت نعمل الفكرة دى لاننا نفسنا نعملها بس مترددين ...
واحدة قالت لها فى معهد فى العاشر ...ندى قالت مش عاوزة اخرج واروح معهد ..انا على المكان وانتوا عليكم الشيخ أو المحفظة ونتجمع فى طريق الله ...نتعلم ازاى نقرأ لان مهم اوى نقراه كما أنزل ...
اتفقوا كلهم على الفكرة وعلى التنفيذ والأهم السرعة من غير مماطلة وتسويف ...
بس ندى فاجئتهم باقتراح تانى غير. كده وده السبب الحقيقى للدعوة الزيارة وانتظرت لاخر الجلسة عشان ال هيفضل فى الاخر هم دول ال رأيهم هيفيدنى
ردت صديقتها المقربة خير ياندى ...المهم تكون صفاء مريحاكى ...ابتسمت ندى ونظرت ل صفاء وابتسمت قالت لها زى السكر ...
قالت لهم عاوزة اعمل مشروع ..
صاحوا كلهم ياااااه ياندى عاوزة تشتغلى
وانتى فى السن ده
استوقفت سيل الاندهاش ده واستغربت كلمة السن
ايه ياجماعة السن السن مالنا مااحنا زى الفل مش فيه نفس داخل ونفس طالع يبقي ايه بقي السن داخله بالموضوع ...طول ماانتى عايشة اعملى ال نفسك فيه
الإنسان مش رقم الإنسان روح وحيوية وطاقة
عندك دول اعملى ماتحبى براحتك
صقفت صديقتها وقالت لها هى دى ندى ...
انا عن نفسي موافقة تعملى مشروع ...حاجة تشغلك وتنبسطى ....
موافقين كلكم ...
قالوا لها اه موافقين ولو عاوزة نشاركك مفيش مشكلة
ردت قالت اسمعوا الاول الفكرة ونتناقش فيها ونشوف ...
No comments:
Post a Comment