#Attention please
كلام مهم وشديد الخصوصية بس محتاج يخرج بره دماغى
كتبت من كام يوم عن صاحبتك مش لازم انتى تبقي صاحبتها
بسبب واحدة بعتت لى زعلانة إن صديقتها المقربة اتجوزت جوزها بعد ماعرفت تفاصيل كتير عن حياتهم وعرفت توصل له
اتاثرت بالكلام وكتبت الجملة دى ...
بعدها بأيام اتصلت بواحدة صاحبتى بنتصل ببعض على فترات متباعدة وانا ارتضيت انى مش صاحبتها بس مش باقفل الباب سايبة بينا الباب متوارب ..كلمتها عشان موضوع البرنامج الإذاعى اوصل مااتصلت قالت لى انا المقصودة بالبوست ده انك صاحبتى وانا مش صاحبتك ..اندهشت من رد فعلها وقلت لها لا مش انتى ده موضوع تانى وبعدين فى سياق الكلام قالت لى هاقفل واتصل بكى بعدين ومااتصلتش من يومها ...
اكتشفت النهاردة انها عملت لى بلوك على الواتس اب ولما بعت لها على الماسنجر اسالها عندك مشكلة على الواتس اب بعدها بدقائق عملت لى بلوك ...
انا باكتب ده لأنه موقف تافه جدا ..وكمان احتفاظك بناس انت مش مهم عندهم بيجى وقت هم بنفسهم بيرموك بره وبره خالص عشان كده مفيش داعى تحافظ بحد غصب عنك ...
النقطة الأهم بقي احساسك دليلك لان من القلب للقلب رسول مشاعرك بتكون واضحة ناحية الآخرين أن كنت مستريح أو لا مهما كان بينكم جمايل ومعروف بلاش تحتفظ به غصب عنه هو عملك معروف مش معناها انه ياسرك لأنه ممكن عمل المعروف سمعة صيت شهرة مش عشانك مخصوص ...وكمان مع اول هفوة. منك او منه بيرميك من الدور العاشر
شكرا لكل من القانى بره حياته عشان حياتى تكون صافية
No comments:
Post a Comment