نبتدى منين الحكاية
تكتب كلام وتحط صورة ويمر يوم واتنين وتلاتة
محدش شايفك ولا حاسس بك
تكتب تانى وتانى تانى
وتمر الايام وفجاة وبدون مقدمات
تلاقى لايك
وتتلاحق اللايكات تفرح وتنبسط
وتدخل كل يوم وكل شوية عشان اللايك بتبسطك
ويسعدك ياهناك اخيرا لاقيت كومنت
تبدا تركز وتاخد بالك نفس الشخص اللى بيعمل لايك هو هو كل يوم
الله ( انا موجود بقى والناس شايفانى )
يااااااه نفس اللايك بتعمل كومنت
يكتب هنا وهناك ويتجول ويروح ويجيى
ياه انت بتلاحقنى بقى
وتيجى اول رسالة كلامك جميل جدا انا باتابع كل اللى بتكتبه
صفحتك روعة جميلة جدا
كلامك تحفة بيعجبنى
انا فلان وانتى ؟
بس
ومن هنا تبدا الحكاية ...........
تتتاااااااااااااااا بالموسيقى التصويرية لكل مسلسلات الدرامية
وتبدا الحوارات والتعارف والاعجابات والاسئلة كمان
اشمعنى انا ؟ وليه انا بالذات ؟
لازم تصدقنى انا مختلف
انا غير كل اللى تعرفيهم او اللى هتعرفيهم
انا مختلف
عمرى ما هاجرحك عمرى ما اعمل شئ يضايقك
انا اللى هاسعدك
سبحان الله هو هو نفس الكلام وتتكرر الحكاية
لايك وكومنت وتعارف وحوار ووعود وصورة وتليفون واتصالات هاتفية بالليل والنهار ممكن تطول وغالبا بتقصر
ويسدل الستار
نفس النهاية باختلاف الختام
ربما تجاهل ربما كلام جارح ربما تصيد اخطاء واحساس بالتانيب ربما وربما وربما
حكايات كتير باسمعها للاسف كل يوم من بنات كتير
تيجى باكية ياريتها تيجى قبل كده
بتيجى بعد ماتسدل الستار وبيكون دورى فى الحالة دى بس
انى احلل لها الموقف واطيب خاطرها واضمد الجراح لما تفهم هو عمل كده ليه
وتعيش منكسرة مقهورة لانها صدقت الكذب اللى سمعته
لانها كانت عاوزة تصدق متعطشة تسمع كلام جميل وتحس بالاهتمام وتعيش احلى قصة حب
وبتنتهى بانها قلبى انشرخ وثقتها بالناس ضاعت
وبتخرج من القصة بحال غير الحال
كيف يكون الخروج من هذا المازق ؟
كيف تتقيها من البداية ؟ ولا تنخدع؟
حقيقة
قلبى وجعنى من كتر اللى باسمعه وباشوفه
ارهقت من كثرة الدموع المذرفة والقلوب المكسورة
No comments:
Post a Comment