شهد الجنـــــــــــــــــــــــــــــــة

النت دخل بيتنا من سنين بعد ما سمعنا عنه فى الراديو وسمعنا عن اهميته وانه نافذة على العالم الخارجى 
سعدنا به جدا وبدانا نتعلم ازاى يكون لنا اسم وعنوان ودخل فى حياتنا مفهوم جديد عن الاسم المستعار 
لغة جديدة بدانا نتداولها وكان موضوع الاسم المستعار ده يستهوينى جدا ودخلت على جوجل وبدات رحلة البحث عن اسم له بريق وله رونق خاص ويكون يعبر عن ....
عنى وعن هويتى او عن اهتماماتى او عن ما يشغل بالى من احلام ورؤية 
واخترت اسم واصبح اسم فى كل شئ على الايميل على المدونة وكل مدونة اشترك فيها واسمى على كل بروفيل اشترك فيه فى كل موقع سواء للتواصل او للعمل 
حتى الموبايل اخترته اسم للبلوتوث 
وفى الموبايلات بعد تحديثها وظهرت على حياتنا الواتس اب وضعت الاسم على الواتس اب 
اصبح اسمى ملتصق بالاسم المستعار اصبحت مشهورة به ومعروفة به 
هذا الاسم هو " شهد الجنــــــــــــــة "
الاسم ده ممكن يكون موجود منه كتير وممكن يكون نساء كتير استعملته معنديش مشكلة 
المشكلة الاساسية عندى مثلا  ان احداهن تتعمد على الفيس تطلب اضافة اصدقاء وهى بتكتب الاسم شهد الجنة وكمان تضع صورتى وكمان تعمل شير لكل بوست اكتبه ..
سبحان الله 
شئ مزعج جدا طبعا ان الواحد يلاحقه ظله لان مهما كان فهو مجرد ظل 
ليه مش كل واحد يختار الهوية اللى يظهر بها للناس يختار اللى بيحبه ويعبر عنه ..
وانا مش فارقة معايا الخوف انها تستغل الاسم والصورة وتخدع الاخرين بانها انا .
وكانها تسرقنى علنيا " ودى الطامة الكبرى 
اتعرض الاكونت الخاص بى على الفيس وعلى مواقع كتير للتواصل للهاكرز وعرفت استعيد الاكونت تانى لكن اللى باتعرض له شئ مخجل ان الهاكرز علنى وبمنتهى الوقاحة الصراحة ماشفتهاش قبل كده " اللهم انى اسالك العفو والعافية " 
وان شاء الله ربنا يسترها معانا دنيا واخرة