لى اكونت على الفيس بوك ومنه جت لى فكرة انى اعمل بيدج اسمها " كان فيه زمان ":
احساس بالحنين للماضى باحداثه وعطره وذكرياته سواء كانت جميلة او سيئة لان كان لها مذاق خاص . الشوارع والمحلات والاغانى
شاى العصارى فى البلكونة وصوت ام كلثوم تسمعه من كل مكان من كل بلكونة ومن كل محل فى الشارع تشوف كل الناس فى البلكونات الساعة 5 ميعاد مهم جدا لان ده بداية اذاعة ام كلثوم وكوب الشاى على السور وكل اللى فى الشارع معاه كوب الشاى
حتى النجار والبقال وصاحب المكتبة تشوفه ماسك كوب الشاى
ونعرف اخبار بعض من البلكونة فلانة اتخطبت وفلانة زعلانة مع جوزها ورجعت بيت اهلها , وفلان طلع على المعاش , وفلانه بتدور على عريس لبنتها ... وبنت عم فلان نجحت واشتغلت وابن فلان دخل الجيش ... وصاحب اخويا سافر امريكا وامه حزينة لفراقه
وجارنا ابويا الحاج اشترى عربية جديدة ,,, فعلا كنا كل راجل كبير يبقى ابويا الحاج وكل ست كبيرة امنا الحاجة ,,,
كنا بنحترم الصغير والكبير كلنا بنراعى الصغيرين اللى بيلعبوا فى الشارع
الصغار دول يدخلوا اى بيت فى اول دور عشان يشريوا ومحدش بيزعق لهم .. والكبار بيجتمعوا عند اقرب محل يقعدوا على الكراسى يتكلموا ويشوفوا احوال البلد والشارع والحى وكانوا بيراعوا فلانة اترملت عاوزين نجمع لها فلوس تشوف احوالها على ما يطلع المعاش ,.,, والاسرة الفلانية جى لهم عريس عاوزين نسال عليه ده بيشتغل فى المكان الفلانى والاستاذ فلان بيشتغل هناك نقوله يسال عليه ,, والولد ابن فلان ضعيف فى مادة كذا نقول للاستاذ فلان يشرح له ...
كان عيب الدرس الخصوصى عشان كده اى مدرس بيقدم بقلب رحب مساعدته لاى حد محتاج لانه هيكون فعلا محتاج المساعدة ,,
وكان عيب اوى ان الطالب يدخل مدرسة خاصة معنى كده انه ضعيف ومش بيذاكر ..
وكان الشاب اللى اصحابه علموه يدخن كان مستحيل يشرب ادام ابوه حتى لو ابوه عارف انه بيدخن كان عيب جدا ..
ومن احترامنا للاب والام اول ما يدخل الاودة نقف عيب نفضل قاعدين والا نايمين والاب واقف ياااااااااااه عيب اوى .
عيب جدا لو الاسرة فيها بنت الام تشتغل شغل البيت البنت بتستلم شغل البيت طالما كبرت لان الام كان لها مكانة خاصة جدا جدا
الحديث طويل على ايام زمان عادات وتقاليد كتير حلوة خفت تروح منى وانساها من كتر ما انا مش لاقياها فى الزمن اللى احنا فيه فى كتير من الاسر ضاعت منهم .. قلت فى نفسى احكيها يمكن يمكن اقدر احميها ...........!
.jpg)
احساس بالحنين للماضى باحداثه وعطره وذكرياته سواء كانت جميلة او سيئة لان كان لها مذاق خاص . الشوارع والمحلات والاغانى
شاى العصارى فى البلكونة وصوت ام كلثوم تسمعه من كل مكان من كل بلكونة ومن كل محل فى الشارع تشوف كل الناس فى البلكونات الساعة 5 ميعاد مهم جدا لان ده بداية اذاعة ام كلثوم وكوب الشاى على السور وكل اللى فى الشارع معاه كوب الشاى
حتى النجار والبقال وصاحب المكتبة تشوفه ماسك كوب الشاى
ونعرف اخبار بعض من البلكونة فلانة اتخطبت وفلانة زعلانة مع جوزها ورجعت بيت اهلها , وفلان طلع على المعاش , وفلانه بتدور على عريس لبنتها ... وبنت عم فلان نجحت واشتغلت وابن فلان دخل الجيش ... وصاحب اخويا سافر امريكا وامه حزينة لفراقه
وجارنا ابويا الحاج اشترى عربية جديدة ,,, فعلا كنا كل راجل كبير يبقى ابويا الحاج وكل ست كبيرة امنا الحاجة ,,,
كنا بنحترم الصغير والكبير كلنا بنراعى الصغيرين اللى بيلعبوا فى الشارع
الصغار دول يدخلوا اى بيت فى اول دور عشان يشريوا ومحدش بيزعق لهم .. والكبار بيجتمعوا عند اقرب محل يقعدوا على الكراسى يتكلموا ويشوفوا احوال البلد والشارع والحى وكانوا بيراعوا فلانة اترملت عاوزين نجمع لها فلوس تشوف احوالها على ما يطلع المعاش ,.,, والاسرة الفلانية جى لهم عريس عاوزين نسال عليه ده بيشتغل فى المكان الفلانى والاستاذ فلان بيشتغل هناك نقوله يسال عليه ,, والولد ابن فلان ضعيف فى مادة كذا نقول للاستاذ فلان يشرح له ...
كان عيب الدرس الخصوصى عشان كده اى مدرس بيقدم بقلب رحب مساعدته لاى حد محتاج لانه هيكون فعلا محتاج المساعدة ,,
وكان عيب اوى ان الطالب يدخل مدرسة خاصة معنى كده انه ضعيف ومش بيذاكر ..
وكان الشاب اللى اصحابه علموه يدخن كان مستحيل يشرب ادام ابوه حتى لو ابوه عارف انه بيدخن كان عيب جدا ..
ومن احترامنا للاب والام اول ما يدخل الاودة نقف عيب نفضل قاعدين والا نايمين والاب واقف ياااااااااااه عيب اوى .
عيب جدا لو الاسرة فيها بنت الام تشتغل شغل البيت البنت بتستلم شغل البيت طالما كبرت لان الام كان لها مكانة خاصة جدا جدا
الحديث طويل على ايام زمان عادات وتقاليد كتير حلوة خفت تروح منى وانساها من كتر ما انا مش لاقياها فى الزمن اللى احنا فيه فى كتير من الاسر ضاعت منهم .. قلت فى نفسى احكيها يمكن يمكن اقدر احميها ...........!
No comments:
Post a Comment